Respeto todas as opinións. O problema é mantelas no tempo. Eu coido que os eternos mandatos fan perder a ilusión, e eu non caerei nese erro.

Fomentar o deporte de base é fundamental. O apoio aos clubes do Concello é un eixo vertebrador da política nacionalista por ser os máis achegados á realidade e os que precisan máis apoio da administración.

Procuro ser consecuente e practicar o que predico. As campañas de comercio que se fan dende a área de Promoción Económica sempre están consensuadas co tecido comercial. En tempos de crise os recursos son limitados mais coido que o traballo en común mellorará a situación.

É inadmisible. A Xunta de Galicia, unha vez máis, mostrou a súa ineficacia neste tema. A nova reforma laboral facilita despedimentos como estamos a padecer en Fricosa. O meu profundo apoio aos traballadores e traballadoras de Fricosa.

Moitas veces a xente confunde os dependentes que ten que resolver a Xunta e os que dependen do Concello. Se o que vostede dí é así, exprésolle as miñas desculpas e fico á súa disposición para solventar a situación no menor tempo posible.

Pois habería que preguntarllo a Beatriz Mato (conselleira de Traballo e Benestar). É intolerable un centro feito con fondos públicos e mantido por todos nós, con unha lista de espera importante e familias que precisan este recurso. Dende o Concello seguiremos a dar a batalla para poñer un centro de día a disposición dos nosos veciños.

O saneamento é unha prioridade no Concello, e en Toroño tamén. Próximamente contarán con este servizo.

Non. E quen diga que o vai facer minte. O parque de bomberos de Arteixo só na achega que fai a Deputación provincial inviste 4 millóns de euros ao ano, máis a aportación da Xunta. É unha loucura un parque de bombeiros en cada concello, e quen o plantexa amosa unha xestión eficiente e unha promesa que non vai cumprir. O BNG propón a comarcalización do parque da Coruña e o de Arteixo: eficiencia da xestión dos recursos.

A verdade é que o BNG xa forma parte do goberno. E a xente que nos presentamos facémolo para gañar. Sabemos que máis nacionalismo en Culleredo é máis benestar para os nosos veciños.

Como di o refraneiro popular, . A cidadanía dixo no 2007 que non quería maioría absoluta e que o nacionalismo entrara no seu goberno. Foi o que fixemos: buscar puntos de encontro e mellorar a vida da xente.

Positivo, aínda que queda moito por facer. O benestar en Culleredo é hoxe referente na comarca. No 2007 o gasto social representaba o 5,5% do orzamento municipal. No 2011 case chegamos a 8 e con menos orzamento.

Xa se verá en maio. Nós presentámonos co programa electoral do 2007 cumplido e co garante do traballo ben feito.

Si. Xa presentamos a lista e combinamos renovación con experiencia. Non temos grandes fichaxes (empresarios...) senón veciños e veciñas normais conscientes dos problemas da cidadanía e, sobre todo, con moitas gañas de traballar. Para nós eles son as grandes estrelas da candidatura.

Sempre defendimos, e así o mantemos, que o Conservatorio ten que ser comarcalizado. É un luxo para un concello como o noso poder ter acceso á educación musical, mais temos que darlle unha volta na xestión.

A verdade é que o compañeiro Isidro ten unha experiencia no traballo nacionalista da que aprendo cada día. Personas coma el son un exemplo para a xente coma eu que entrou no nacionalismo cando todo era moito máis doado. Terei en conta a súa proposta e esforzareime por materializala.

A experiencia no goberno ensínache que algunhas veces hai proxectos que non se poden levar adiante. A verdade é que esto xa o aprendín cando estaba na Deputación, por iso no programa do 2007 propoñíamos accións que ao longo deste mandato poidemos materializar. Para o 2011 seguiremos a mesma liña.

Sinto moito que teña esa percepción. Sen planificación en momentos como os que estamos a vivir é imposible facer nada. Por iso a previsión é o día a día na nosa xestión. O medio rural é unha parte importante do noso concello e como tal investimos esforzo e fondos en melloralo cada día. Sei que temos pendente o centro social en Veiga. Tentaremos facelo o antes posible.

Non creo cos pactos coas persoas, senón coas organizacións políticas. Nunca pactaremos con Rioboo.

Non. O grupo do BNG presentouse baixo unhas siglas que ten que defender. Creo firmemente na miña organización e procuro sempre facer pedagoxía do nacionalismo. Polo tanto, nunca renunciarei ás miñas ideas porque coido que son as mellores para Culleredo.

Non. Non creo nos gobernos presidencialistas e en solitario. Eu non concurro soa a estas eleccións, senón cun grupo humano preparado e capacitado. Si se refire a se a candidatura do BNG podería gobernar en solitario Culleredo, rotundamente si.

En primeiro lugar, rematar a rede de saneamento. Tamén pensamos que o noso rural ten moitas potencialidades. Por ser breve, direille dous proxectos: faremos de Celas un proxecto turístico que será o motor do Concello en todo o entorno da rectoral, e poñeremos en marcha na zona rural un centro de biomasa.

Porque o BNG é a mellor opción. A máis realista, a que máis achegada está á cidadanía, e a que ten como primeiro e único fin o benestar dos seus veciños. Ademais, defendemos os intereses da nosa xente alí onde temos representación (no Parlamento galego, no Congreso dos Deputados) e sempre coa mesma postura.

Queremos un concello pensado para a xente, polo tanto o benestar é fundamental. Priorizamos tamén a accesibilidade, tanto nos edificios municipais como nas nosas rúas, fomentamos o comercio local. En definitiva, o noso modelo é a cidade de Pontevedra, gobernada tamén por un nacionalista, como esperamos que esté Culleredo a partir de maio.

Pois aínda que non o crea, non temos enquisas. Non lle vou negar que son coñecedora das que fixeron outras forzas políticas e son tan diferentes que non acredito en ningunha. Presentamonos para gañar e agardamos a enquisa do 22 de maio.

Son coñecedora de que nalgúns casos producese este feito, paréceme mal e este foi un dos motivos polos que se elaborou un regulamento de emerxencias sociais que xa está aprobado, pendente de publicación no BOP. Agora os veciños que precisen alimentos recibirán un lote dos mesmos na casa, correxindo así esta situación que non debe producirse.

O proxecto da Cros foi unha proposta do PSOE. Neste mandato fixemos un redimensionamento do mesmo, os fondos están comprometidos e hai que rematalo. Asegurolle que independentemente de quen sexa alcalde ese proxecto vai seguir adiante. Cando esté rematado será un equipamento importante para os veciños.

Ampliar Alvedro é unha irresposabilidade, non só polos custes ambientais e persoais que vaia acarrear, senon polos fondos públicos que se van a investir nel. É unha obra insostible, que leva a outras maiores. O tempo por desgraza, daranos a razón e non vai haber que agardar moito.

Respeto a súa opinión, pero non a comparto. O equipo de Servicios Sociais é excepcional e ten máis medios e máis profesionais que nunca. Coido que o que se ten feito nestes catro anos en Benestar en Culleredo é unha mostra de que os Servicios Sociais para pobres son uns pobres Servicios Sociais, é que universalizar os Servicios Sociais, é posible e fai que todos gañemos en calidade. Os datos son algo obxectivo e as 30.000 horas de axuda no fogar, o novo centro de Vilaboa e o ratio que temos por traballadora social, amósano.

O presidente da Xunta de Galiza dí que non ten competencias en emprego ao parecer entregoullas todas ao candidato do PP de Culleredo. Sabemos que dende o Concello podemos contribuír a mellorar a situación, pero non podemos solventar o problema. Melloraremos as condicións dos polígonos industriais e seguiremos a apoiar ao tecido comercial e empresarial, para tentar manter o emprego.

Sen dúbida, máis coido que isto só non resolve o problema. O problema do tráfico non pasa só por máis estradas senón por unha aposta firme e decidida polo transporte público, nesa zona en concreto, por deselvolver o tren.

Como dixen anteriormente comarcalizando o parque da Coruña e o de Arteixo.

Sen dúbida. Coido que para gobernar un concello non é preciso ser empresario, nin ter un máster universitario. Os concelleiros representamos aos nosos veciños e en Culleredo temos licenciados, estudantes, torneiros, e mulleres traballadoras. E así é a candidatura do BNG, xente normal e traballadora, con gañas de mellorar o seu concello.

Sempre é unha mágoa este tipo de conflictos. Agardemos que as partes se entendan e poidamos chegar a unha solución de consenso.

Pois o cambio foi radical. Nos dous primeiros anos de goberno en Culleredo, que coincidiu co bipartito, tivemos investimento para dúas galescolas, dous centros de día, un recinto feiral, un circuito de BTT, reformas no centro ocupacional A Escada, apoio para campaña de comercios é un longo etc. Co PP, nada, aparte das visitas de Beatriz Mato para inaugurar equipamentos construídos polo BNG.

Estaría máis cómoda se o BNG gobernase en solitario pero os veciños quixeron unha coalición en Culleredo. Os desencontros nunca trascenderon e sempre trouxeron decisións en positivo para os nosos veciños. Coido que as dúas organizacións políticas amosamos responsabilidade e priorizamos traballar polos nosos veciños.

Pois sí, moitas veces os tempos e a burocracia non son o que eu pensaba cando estaba na oposición. Gobernar fíxome ver tamén que outro Culleredo é posible, é que con un goberno nacionalista pode ser realidade.