O que lle podo dicir nestes momentos compromiso conforman doce forzas diferentes tanto de ámbito nacional como de ámbito local e a militancia é ampla. Para ser sinceiro non sei exactamente cantos conforman cada forza. O que si lle podo decir é que no noso congreso de primarias participaron preto de 2.000 persoas

A min nestas circunstancias de fonda crise creo que é mais necesario que nunca escoitar a voz do cidadán como moi ben di vostede e artellar sistemas ao mellor análogos ao que está pasando en países como Suiza, para consultar cuestións absolutamente decisivas para a sociedade galega nun referendum. Ademais quero lembrar que temos feito a promesa de que á metade de lexislatura a nosa militancia e os nosos simpatizantes nun congreso votarán se os nosos cargos electos están á altura do que eles pensaban e en caso de que no sexa así, estarían obrigados a deixar o seu cargo público para pasar a telo o seguinte da lista.

Sinceiramente a día de hoxe o veo moi complicado porque o PP coas súas políticas o que deixou claro é que a súa parte de militancia de alma galeguista é residual e polo tanto síntense máis cómodos en outras claves políticas nas que o galeguismo deixa de ter o pouso que tivo ese partido noutros tempos.

Non estou dacordo con vostede. Eu persoalmente o que me considero é profundamente galeguista e dende un punto de vista ideolóxico síntome máis achegado a correntes socialdemócratas como as que no seu momento representou Olof Palme que a outras ideoloxías que podían estar máis cómodas na forza na que eu antes militaba.

Creo que está vostede mal informado, pero Teresa Taboas é parte deste proxecto. O que pasa é que as súas actividades profesionais non lle permitían neste momento ir nunhas listas políticas, cousa que sí podería facer se as eleccións non se tivesen adiantado.

Creo que este é o momento da esperanza e do "voto útil" porque eu considero voto inútil aquel que se está facendo ás forzas tradicionais que o que conseguiron coas súas políticas é en vez de xestionar o progreso desta terra, é simplemente xestionar a miseria na que nos deixan. Chegou o momento para outro tipo de forzas e para outro tipo de políticas, as que xa existen xa amosaron o seu alto nivel de incapacidade.

So alguén que non me coñeza pode pensar que eu podo venderme por un postiño como me consta que fixeron outros esgrevios próceres do nacionalismo galego.

Por suposto, este é un proxecto a longo percorrido e xa estamos preparando como decía antes o noso congreso constituínte cara fin de ano e incluso as nosas comarcas para as futuras eleccións municipais. Non é que teña a obriga de decilo neste momento, mais estou convencido que acadaremos representación parlamentaria, que será decisiva para mudar políticas que levaron a esta terra a estes altos niveis de empobrecemento.

Eu vivo nunha comarca rural na que este tipo de temas son especialmente trascendentes. Apostamos polo potencial da nosa gandeiría e o noso agro e o que nos gustaría é que esa gandeiría fose altamente especializada para poder competir con outros mercados a día de hoxe saturados e cos que difícilmente agora mesmo poden competir os nosos productos. Sen dúbida o rural galego ten que ser unha das craves para sair desta salvaxe crise na que nos meteron algúns que tan cómodos están na súas casas.

O señor Aymerich ten unha especial teima conmigo, probablemente porque a día de hoxe dun xeito democrático, lidero na provincia de Pontevedra a un partido que non quixo seguir polo camiño que él quería marcar. como el sempre me chama "escindido" do PP eu convídolle unha vez máis a contar por que sigue no BNG e a cambio de que promesas de postos políticos decidiu finalmente quedar. Ten o problema que para él podo ter mais ou menos credibilidade dicindo isto pero que hai ex compañeiros del decididos a contar o porque de determinadas traizóns. Con respecto ao señor Fajardo, pouco teño que decir, máis que eu son membro dun partido que quere que os centros de decisión estean nesta terra. A formación do señor Fajardo os ten claramente en Madrid. Por certo, é absolutamente lexítimo.

O PP non terá maioría absoluta, e CxG será decisivo para o futuro goberno desta terra.

Que teñen un evidente problema de apreciación

Se ese tipo de cousas fosen certas, dirían moi pouco do nivel da política galega.

Pois é evidente. Eu "mamei" ese galeguismo e polo tanto a miña resposta non podía ser outra.

En absoluto, volvo a decir que o voto útil é aquel que vai a formacións que ofertan outro xeito de facer políticas. E voto inútil é o que vai a formacións que ata a día de hoxe demostraron un alto nivel de incapacidade para xestionar esta crise.

Nos temos unhas liñas vermellas que son acadar os maiores niveis de autogoberno e a defensa radical dos sectores públicos e a rexeneración democrática. Creo que hai forzas que pola súa propia esencia están mais próximas a aceptar este tipo de cuestións que outras.

O noso compromiso é estar no Parlamento un máximo de dúas lexislaturas.

Perdón pola pequena desaparición, unha chamada de traballo me entretivo uns segundos. Adiante. Creo que o que é CxG é unha forza política que vai dende o galeguismo histórico progresista ate o que é a esquerda transformadora polo tanto non se pode considerar un partido de centro nin moito menos. Pero tampouco todo o contrario.

Eu creo que os pobos teñen dereito a conquerir a súa autodeterminación se así o desexan os seus cidadáns mais estou seguro que nestes momentos hai formacións políticas aproveitando un sentimento lexítimo para tapar con cortiñas de fume problemas de outra índole, neste caso económicos.

Non é unha cuestión de dereitas ou de esquerdas, é unha cuestión de liñas básicas de actuación e máis en determinados momentos como este de fonda crise, nos que a lóxica e o pragmatismo poden combinarse coa necesaria rebeldía fronte as imposicións das políticas recortadoras de Bruxelas.

Pois eu creo que ben argumentada e máis que necesaria. Hai privilexios excesivos nun momento no que a sociedade está traumaticamente pasando por un momento tan complicado pero tampouco caiamos na demagoxia. Reducir sen dúbida, pero non a costa de teses coma as de Cospedal nas que hai unha evidente dobre moral.

CxG é unha forza cos seus centros de decisión en Galicia, transversal, galeguista e transformadora. AGE é unha coalición entre unha forza nacionalista galega anticapitalista e unha formación comunista española e o BNG é unha forza comandada por ideoloxía marxista leninista que representa a UPG. Creo que as diferencias son evidentes.

Se fose posible facelo dende un punto de vista técnico o primeiro día, eu sen dúbida tería esa decisión tomada.

Acabo de decilo, a derogación do decreto do galego. E tamén me gustaría sentarmos a falar o antes posible dunha reforma do Estatuto de Autonomía para que sexa unha ferramenta decisiva para o futuro desta terra o que da a sensación é que algúns este tipo de cuestións non lles interesa.

A presencia da muller nas nosas candidaturas é abrumadora, tanto nos nosos órganos internos como nas nosas propostas de listas, mais diferentes circunstancias fixeron que persoas dese sexo chamadas a encabezar algunha lista determinada non o puidesen facer.

Eu creo que hai que reestructurar entre outras cousas, a ordenación municipal, que deben desaparecer as deputacións, que habería que potenciar os servizos mancomunados, que deberían desaparecer as propias provincias como ente territorial, porque a estructura de Galicia fai que sexa máis lóxica a potenciación das comarcas e, por suposto, unha moi estudiada fusión de municipios. O que si non pode ser unha área metropolitana é un foco de conflicto político para promoción de mentes obtusas que pensan que a política está por riba das persoas.

Consideramos que un dos potenciais económicos da nosa terra é o medio ambiente galego. Apostamos pola potenciación do que son as nosas especies autóctonas co seu inmenso valor e a desaparición progresiva do que son chamadas especies alóctonas que tanto dano dende o punto de vista ecolóxico levan facendo a esta terra. Temos un conxunto de medidas no noso programa electoral que podedes consultar e así vos convido a facelo. Pero para nos a loita ecolóxica é unha das claves para entender o que nos gustaría que fose o futuro do noso país.

Este tipo de cousas sempre pasan e supoño que non serán agradables. O que eu receto para estes casos é ter a conciencia tranquila e o demais son simples molestias temporais.

Algún xornal titulaba hoxe na súa portada como soporífero o que onte escoitamos. Non vou a ser eu o que negue tal afirmación de destacados profesionais da información.

Pois porque aspiramos a ser o gra partido nacional galego no que moitos galegos se sintan representados sendo unha forza que traballa en positivo por esta terra, facendo achegas e non simplemente un grupo de cabreados como pasa con outros partidos políticos nos que a simple afirmación de que hai que paralos non conleva mais que unha evidencia sen alternativas para mudar determinado tipo de políticas.

Precisamente esta semana estamos presentando un plan de 70 millóns de euros para emprendedores nos que as empresas que aposten pola mocidade emprendedora terían ate unha subvención de 6.000 euros por persoa nova contratada e non se lle cobraría o primeiro ano a seguridade social a ese traballador. Tamén estudiaríamos a posibilidade, en función da coxuntura económica, de facelo o segundo ano, pero como somos xente seria, a día de hoxe non nos podemos comprometer á segunda parte da medida. Os niveis de paro xuvenil son altamente alarmantes e o único que estamos vendo é que a xeración mellor formada da nosa historia o que está facendo é de novo emigrar como pasou tantas veces nesta terra.