Actualmente en Galicia existen xestores autorizado de residuos de lodos de depuradoras que son controlados pola Consellería de Medio Ambiente, non por Augas de Galicia e á súa vez na Consellería de Medio Rural existe unha Subdirección que controla aqueles lodos destinados a agricultura. De tódolos xeitos é un tema que se pode mellorar e como consecuencia a semana que ven Augas de Galicia licitará o Plan Rexional de Lodos de Depuradora de Augas Residuais.

A Consellería de Medio Ambiente non aprobará novos aproveitamentos hidroeléctricos nos ríos galegos ata que estea redactado o Plan Hidrolóxico de Galicia Costa (documento técnico que definirá o estado das masas de auga) e en todo caso tendo en conta o alto nivel de aproveitamentos que xa teñen os ríos galegos, o criterio a seguir será altamente restrictivo e velando sempre polo Medio Ambiente. Por outra banda, en materia de saneamento é obxectivo desta Consellería acadar o bo estado das augas de Galicia para o ano 2015, dando así cumprimento á directiva Marco da Auga.

Antes do ano 2015. É prioridade da Xunta de Galicia a execución da depuradora de Vigo así como unha obriga contraída coa UE, en consecuencia desde a entrada do novo equipo directivo traballouse de forma exhaustiva para acadar con data 23 de outubro de 2009 acordo co Ministerio de Medio Ambiente, Medio Rural e Mariño para a fórmula de financiamento e, con data 26 de novembro de 2009 aprobar en Consello da Xunta o gasto da aportación autonómica: 127 millóns de euros en 15 anualidades. Tamén contamos co informe xurídico favorable ao texto de convenio acordado.

O saneamento da conca do río Louro está executado desde decembro de 2006, comezos do 2007, sen que o anterior goberno fixera xestións algunhas para poñelo en funcionamento. Desde maio do 2009, conscientes deste tema, Augas de Galicia licitou e adxudicou a explotación do saneamento da conca do río Louro e da EDAR de Guillarei, polo que se poñerá en marcha nos próximos días. Á súa vez iniciamos xa os trámites para a futura constitución dun consorcio e xestionar de forma adecuada as augas residuais de Porriño e resto dos concellos.

A nova lei de Augas de Galicia que estamos a elaborar asume o principio comunitario de recuperación dos costes dos servizos relacionados coa auga tal e como marca a DMA. A súa vez e co obxectivo de fomentar e incentivar o consumo racional da auga créase o Canon da Auga con 4 treitos de consumo. Este canon da auga contará cunha tarifa social ademáis de ser destinado integramente a saneamento e depuración de augas residuais.

O actual marco xurídico galego non está adaptado á nova política de augas que marca a directiva Marco da Auga, esta directiva establece varios obxectivos principais; obxectivos medioambientais (conseguir o bo estado das augas no ano 2015), obxectivos económicos (principio de recuperación de costes dos servizos relacionados coa auga) e obxectivos sociais (garantir a participación cidadá).

Un dos obxectivos fundamentais de Augas de Galicia é acadar o bo estado das augas das rías galegas no ano 2015, polo que estamos a elaborar plans de saneamento locais en todas as rías galegs e a escala axeitada co obxectivo de controlar as augas pluviais tendo en conta as últimas técnicas de drenaxe urbano sostible e técnicas de control de augas pluviais. Esta estratexia será a seguir en todas as rías galegas.

Para os ríos de Galicia Costa, é competencia de Augas de Galicia autorizar ese permiso de navegación. Existen formularios na web da Xunta para facer a solicitude formal.

Ao igual que contestei anteriormente, salientar que a Consellería de Medio Ambiente non aprobará novos aproveitamentos hidroeléctricos nos ríos galegos ata que estea redactado o Plan Hidrólóxico de Galicia Costa. En todo caso, tendo en conta o alto nivel de aproveitamentos nos ríos galegos, o criterio a seguir será altamente restrictivo.

Na nova lei de Augas de Galicia declara de interese xeral, o Servizo de Depuración de Augas residuais, co obxectivo de resolver a problemática actual en materia de explotación de depuradoras. Actualmente estamos a tramitar o borrador de anteproxecto de lei que esperamos elevar ao Consello da Xunta. Unha vez entrada en vigor a norma coa súa publicación no DOGA procederemos a tramitar o regulamento marco do futuro canon da auga e do Servizo de depuración. Unha vez aprobados estes regulamentos estará implatado o marco de xestión de explotación de depuradoras.

Actualmente Augas de Galicia está a elaborar o estudio sobre as zonas inundables en Galicia Costa, no que se propoñerán actuacións para resolver as posibles inundacións nestas zonas. Este estudio prevemos que estea rematado en xaneiro de 2010 e contando como base este estudio elaboraránse os proxectos correspondentes.

Entendendo a pregunta como o futuro canon da auga que se vai implantar coa nova lei de augas, indicar que este canon contará cunha tarifa social de xeito que existirán familias que poden pasar a pagar menos que co actual canon de saneamento. A estructura tarifaria está formada por 4 treitos de consumo, suma de cota fixa e cota variable de tal xeito que a tarifa incrementa se incrementa o consumo polo que se fomenta o consumo responsable da auga.

Augas de Galicia realiza labores de inspección en todas as concas de Galicia Costa, que son nas que ten competencias en materia de xestión de dominio público hidráulico. En todos estos ríos, cando se produce algún vertido ilegal ou irregular incoháse o expediente correspondente e investigáse a súa procedencia e aos responsables.

O Plan hidrolóxico de Galicia Costa que está a desenvolver actualmente Augas de Galicia e que será unha ferramenta básica para definir o estado das masas de auga e propoñer solucións conta cun apartado especial para as augas subterráneas de Galicia Costa.

Coa aprobación dos orzamentos do ano 2009 da Xunta de Galicia, autorízase un coeficiente corrector para o Canon de saneamento destas instalacións de xeito que o canon de saneamento vese reducido entre un 70 e un 99 por cento dependendo de cada caso.

En relación a este asunto, nos próximos días licitaremos o Plan de Rexeneración Medioambiental e posta en valor dos cauces públicos que verten á ría do Burgo, dado que é un plan que analizará o ecosistema fluvial e propoñerá actuacións de restauración e recuperación ambiental, no prego de licitación están previstos técnicos agronómos, forestales ou similares.

A xestión en materia hidráulica mellorou salientablemente en moitos aspectos, en primeiro lugar, estamos a traballar cunha planificación a escala axeitada, tendo en conta as dispoñibilidades orzamentarias, cousa que ata agora non se viña facendo. En materia de saneamento das rías galegas, modificouse radicalmente o criterio que se viña levando a cabo na lexislatura anterior. Estamos redactando plans específicos en cada ría para actuar na rede de colectores e estacións de bombeo para controlar as augas pluviais. A día de hoxe, ademáis, contamos xa cun borrador de anteproxecto de lei de augas de Galicia e coa aprobación do gasto da aportación autonómica para a EDAR de Vigo.

O cumprimento da Directiva Marco da Auga é un dos obxectivos desta Consellería, en consecuencia, estamos a elaborar o novo Plan Hidrolóxico de Galicia Costa e a tramitar a nova lei de Augas de Galicia que cumpre integramente cos principios da Directiva marco da Auga.

Actualmente, estamos a traballar para que na páxina web de Augas de Galicia, se podan consultar todos eses datos que solicita, evitando así o procedemento actual (solicitude por escrito e pagamento de tasas). Esperamos que entre en funcionamento no vindeiro ano 2010.

É competencia municipal, a posta a disposición dos terreos necesarios para a execución da depuradora de Ribadeo. Polo tanto, á vista do estado actual de disposición dos terreos iniciaránse a comezos do vindeiro ano 2010.

Coa nova lei de Augas de Galicia crearáse a Axencia Augas de Galicia, fusionando Augas de Galicia e a empresa pública de Obras e Servizos Hidráulicos, evitando así as duplicidades existentes e ganando eficiencia e eficacia, ademáis de dar cumprimento ao compromiso de austeridade.