Feijóo di sempre mintiras: teño unha casa labrega reestaurada na aldea de Aguiar.

depende de vós e de nós: de vós, que vos revoltedes e de nós, que vos defendamos, no canto de condenarvos ao exilio como fai Feijóo.

eu no estou nestas eleicións pra rifar con que non son os noso inimigos, senón pra tentarmos derrocar a dictadura de Feijóo. alá quen se confunda de inimigo: nós, como Alternativa Galega de Esquerda, e eu, como candidato, dende logo non nos confundimos de inimigo.

se depende de nós, o ensino público e gratuito a tódolos níveis, e a investigación científica nas suas diversas dimensións, serán obxetivo prioritario irrenunciábel. a actual barbarie no poder despreza o saber, a cultura e a ciencia, por duas razóns: primeira, porque iles mesmos son "ignorantes, e férridos e duros, imbéceles e escuros" (non o digo eu: escribiuno Eduardo Pondal); e segunda, porque canto máis ignorantes sexan os cidadáns, millor os poderán manipular. nós somos fillos da Ilustración. iles son fillos da Inquisición.

quen derruba peza a peza o servizo público de sanidade universal e gratuita, mata cidadáns, é dicir, provoca a morte de moitos cidadáns que doutro xeito non morrerían . un exemplo entre moitos: cando unha muller con indicios de cancro de mama ten que agardar meses pra ser diagnosticada e operada, corre o risco de morrer antes de que "lle toque" ser atendida. cando se retira un fármaco moi caro, pero impescindible para atallar unha doenza letal, mátase a quen non teña cartos para mercalo; e así seguido. repara nisto: as políticas agresoras contra o benestar do común dos cidadáns están a provocar alzas nas tasas de suicidio. ¿non son os executores desas políticas os causantes desas mortes?. e aínda isto: hai xa anos que escoitei, no FSM de Porto Alegre, ao Premio Nobel da Paz (dos de verdade) Adolfo Pérez Esquivel, dicir ben alto que a débeda externa dos países subdesenvolvidos era unha forma de xenocidio. ¿estaba tolo Pérez Esquivel, ou é un demagogo?.

Fraga é auga pasada: deixemos en paz aos mortos. Rajoy é "el señor de los hilillos", que deu un recital de incompetencia cando o desastre do Prestige (que aínda se está a elucidar agora nos tribunais, dez anos despois), e seguramente en premio por iso empoleiráronno na Moncloa, para converter nunha catástrofe as condicións de existencia de toda a cidadanía española. E Feijoo dirixe en San Caetano unha brigada de demolicións, limpeza étnica, ecocídio e socialicidio da nosa nación galega. Rajoy é o moneco do grande ventrílocuo que é a plutocracia (iso que disfrazan co nome de mercados), e Feijoo é á súa vez o moneco dese moneco, ou sexa, moneco en segundo grao.

Claro que si. E cómpre poñérmonos a preparala. E coido que as organizacións sindicais empezan a decatarse de que xa non poden contemporizar cos poderes económicos e políticos e esmagan e expolian ao conxunto da maioría social cidadá, e non só a unha clase determinada, e xa que logo teñen que desencadear unha ofensiva contra eses poderes.

Coido que sí, e son consciente de que iso implica unha enorme responsabilidade ética e política.

Difícilmente podo enfrentarme co finado señor Fraga, así que non teño elección.

SIIIII !!!!

Que participen como cidadáns nunha rebelión cívica contra esta forma de tiranía, e que elixan como representantes a quen lles merezan credibilidade e fiabilidade.

Castelao puxo eso no pé dunha estampa que formaba parte dun conxunto destinado a estimular a rebelión cívica contra a situación de entón. non era un xuizo pexorativo sobre a conducta dos galegos senón a denuncia do problema que compría que os propios cidadáns resolvesen. Moitos anos despois, eu tamén escribín que, sociolóxicamente, a emigración masiva supuña a renuncia á revolta, e non era unha acusación contra os que emigraban, senón unha incitación aos cidadáns a loitarmos para que ninguén tivese que emigrar.