Creo que hai que ser sempre respeitosos coa presunción de inocencia. Non obstante outros aludidos optaron por dimitir e considero que esa conducta foi exemplarizante. Doutra banda, mentres non haxa cambio de goberno a él como portavoz correspondelle informar dos resultados.

É evidente. Coa porcentaxe que acadamos no 2008, se se fixer unha asignación de escanos directamente proporcional teriamos tres deputados e non dous. O voto ao BNG asegura a defensa dos intereses de Galiza na política estatal pero tamén é o voto de esquerdas máis útil en Galiza, fronte ás políticas de dereitas no económico practicadas polo PSOE e o PP. Ademáis só o BNG pode arrebatar escanos en Galiza ao PP e ao PSOE, contribuíndo a romper cun bipartidismo que está a degradar a democracia. Somos pois un voto útil para Galiza, para unha saída social á crise e para avanzar hacia unha democracia real.

No BNG non hai hexemonias preestabelecidas. Non coido que os plantexamentos do BNG sexan radicais na acepción negativa do termo. O que procuramos é formular problemas que aborden as causas reais dos problemas que estamos a vivir.

É condición necesaria pero non suficente. Nunca apoiariamos orzamentos que sigan incidindo nos recortes en políticas sociais básicas.

Por falla de vontade política. Para o BNG é tan importante a modernización da nosa rede ferroviaria interna, a existencia de boas conexións interiores e a implantación de servizos de proximidade nos entornos urbanos como a chegada do AVE. A defensa do tren de cercanías foi unha constante no traballo parlamentar do BNG ao longo destes anos, de feito hai iniciativa do BNG que foi aprobada na que se insta ao Goberno a negociar coa Xunta o traspaso dos servizos interiores, e nese marco, estudar a implantación de servizos de proximidade, máis a Xunta aínda non moveu ficha.

Son ámbitos diferentes. As políticas de recortes e o xiro antisocial nas políticas económicas produciuse no ámbito estatal. As medidas que aplicou o Goberno Central foron as dictadas pola dereita económica e estanse manifestando totalmente ineficaces para saír da crise e de profundas consecuencias antisociais. Foi este xiro do PSOE a nível de Estado o que nos levou a facer unha oposición contundente.

No gasto superfluo e improductivo. Por exemplo reducindo o gasto militar e racionalizando a estructura político administrativa con medidas como a supresión das deputación ou a supresión de ministerios en áreas onde as competencias están transferidas.

Se os sectores sociais máis descontentos coas políticas que se están aplicando optan por absterse os benefiarios desa decisión van ser precisamente os partidos responsabeis desas políticas. Só se pode cambiar o actual estado de cousas participando para acabar co bipartidismo e o BNG é a única opción que en Galiza pode facelo. É importante que a sociedade proteste e se movilice pero tamén debe utilizar as ferramentas democráticas que ten na súa man como é o voto.

O BNG non apoiaría un Goberno do PSOE que seguise practicando as políticas de recortes iniciadas polo Goberno ZP. Apoios eventuais do BNG estarán sempre condicionados a asunción de compromisos programáticos, a un cambio total de rumbo na orientación das políticas públicas para que as persoas conten máis que os mercados.

Le agradezco su disposición a votar por el BNG, pero somos una fuerza de ámbito gallego y por lo tanto tan sólo nos presentamos por las cuatro circunscripciónes electorales gallegas.Eso sí, le animo a venir a Galicia, descubriría un país maravilloso y muchas veces desconocido.

Nós creemos que hai que avanzar en sentido contrario. Pense vostede que a porcentaxe de débeda pública atribuible ás comunidades autónomas é moi inferior á porcentaxe de gasto que teñen a responsabilidade de xestionar. Pensamos, como xa dixen, que hai que suprimir ministerios, suprimir tamén a administración periférica do Estado e suprimir as deputacións. Hai dous modelos de saída da crise: aproveitar a crise para procurar unha maior concentración da riqueza e do poder económico, iso esixe tamén maior concentración do poder política ou ben unha saída equilibrada no social e territorial, iso esixe un peder político máis descentralizado, reforzar as institucións máis próximas aos cidadáns e os ámbitos de libre decisión de cada povo.

O BNG é mais útil para que os asuntos que afecten singularmente a Galiza estén presentes na axenda política estatal. Ademáis en Galiza só o BNG está en condicións de arrebatar escanos ao PP e ao PSOE. Somos tamén o voto máis útil para a esquerda.

É só cuestión de vontade política. O BNG ten unha proposta concreta e detallada para facelo posíbel. Para Galiza é imprescindible evitar o expolio do noso aforro, asegurar que o aforro dos galegos e galegas se invista en Galiza e contribúa ao progreso do país.

Consideramos que debe operar en todos os campos da construcción naval, incluida a construcción naval civil e a conservación, reciclaxe e transformación de buques, dotando para iso a Ria de Ferrol dun dique flotante. Para iso é imprescindible exixir o levantamento das restriccións impostas por Bruxelas.

O domingo o que se escollen son os deputados e senadores que representan aos cidadáns das distintas provinciais. O que non ten sentido é votar, por exemplo, opcións con moita presenza e Madrid pero nula incidencia en Galiza. En Catalunya e Euskadi hai unha forte estructura de partidos propios e como paises nos aventaxan en desenvolvemnto económico e socail. Ademáis teñen máis capacidade de incidir na política estatal para que os seus intereses sexan atendidos.

O feito de falar varias línguas non é incompatible coa defensa da lingua propia. Son necasarias medidas de promoción positiva do galego para correxir a súa situación de inferioridade respeito do castelán froito de séculos de marxinación do galego. Para un país ter unha língua propia non é só unha riqueza cultural. Ben utilizado é tamén un factor de progreso económico e social, por exemplo desenvolvendo unha potente industria cultural.

O BNG o que fixo pois apoiar as folgas convocadas contra os recortes no sistema público de pensión e contra unha reforma laboral que trouxo, como advertimos, aínda máis paro e emprego en precario. Non houbo nengunha folga xeral pedindo incrementos de salario. Son as políticas de recortes ás que están agudizando a crise e destruíndo emprego.

Cada vez que se fala dos asuntos que afectan a Galiza é por iniciativa do BNG, pero mesmo o BNG conseguiu nos últimos anos introducir cuestións que hoxendia ocupan un lugar central no debate pólítica: a necesidade dunha reforma fiscal, dunha banca pública ou da dación en pago da hipoteca, por citar algúns exemplos. Temos unha doble utilidade: a defensa dos intereses de Galiza e a defensa das maiorías sociais fronte aos especuladores que provocaron esta crise.

Combinamos ambos aspectos. Por exemplo, nun contexto de crise ten máis importancia que nunca que Galiza poida superar as limitacións políticas que impiden que sectores como o naval, a conserva, a pesca ou o leite poidan desenvolver as súas capacidades e xerar emprego, como é importante para conseguilo que teñamos máis capacidade de decisión fronte a Bruxelas e Madrid. En calquer caso a primeira preocupación do BNG é a da maioría dos cidadáns: loitar contra a crise e o desemprego.

Todos os partidos podemos cometer erros e todos os políticos tamén, pero non todas as políticas son iguais nen todas serven aos mesmos intereses. O desprestixio da política ten uns beneficiarios: aqueles que queren que se vexa como natural que as decisións que afectan ao noso futuro se tomen en ámbitos que non emanan da libre vontade democrática dos pobos e dos cidadáns.

Por suposto. A presión fiscal sobre as rendas altas no Estado español é 10 puntos inferior á da Europa dos 15 e o volume de fraude fiscal é escandaloso. O seu impacto na recadación e de máis de 50.000 millóns de euros ao ano. Por ese motivo propomos unha reforma fiscal integral para gravar máis ás rendas máis altas e perseguir o fraude fiscal.

Estou convencido que melloraremos os resultados do 2008 e o 90% dos militantes do BNG consideraron que a miña candidatura era a máis idónea. Porén non me considero imprescindible e o BNG ten moitos afiliados e afiliadas que serían excelentes candidatos.

Protestamos. De feito a Moción no Congreso de CiU que deu orixe a esta polémica contou co voto en contra do BNG. En cambio PP e PSOE votaronna a favor. Son eles os que teñen que explicar as suas incoerencias con Galiza.

Non dado que temos propostas totalmente distintas ás do Sr. Rajoy para facer fronte a esta crise.