Efectivamente en un governo municipal a figura do alcalde,polos privilexios que lle concede a lei, é moi importante. De todas maneras eu penso que foi moi positivo a aportación do BNG a este governo municipal. Fumos a alma e o motor desta equipa de governo durante os catro últimos anos. E eso é importante porque a cidade mellorou e eso era o que nos queriamos.

Penso que sí, que a cidade de Lugo mellorou moito nos últimos catro anos. Si eu fose a alcaldesa, si o BNG governase con maioria, a cidade tería sido diferente. Por exemplo, teriamos moito máis avanzado o pran de urbanismo, a reordenación da policía municipal e o tráfico, a rehabilitación do casco histórico e, o máis importante, que haxa industrias e traballo na cidade. Para que os mozos e mozas podan quedar na cidade. Eso tamén beneficiaria as persoas maiores, que estarían mellor atendidas e con outra esperanza. Ou sexa, que se invertería a piramide demográfica de Lugo.

Ben, o BNG sempre se manifestou pola liberdade total no tema das tendencias sexuais das persoas. A primeira medida que tomamos neste sentido desde o governo municipal foi crear un rexistro de parellas. Tanto de parellas heterosexuais como de homosexuais. Desde o Concello de Lugo e, concretamente, desde a concellaría que eu levo, participación cidadana, se tratou con moitas asociacións. Non poñemos ningún límite, so cando se prexudica a terceiras persoas. Teremos xuntanzas con asociacións do noso concello interesadas en promover a liberdade da sexualidade.

Penso que sí, que ten que afectar. Un feito tan tráxico para o noso país non pode pasar sin ter un efecto a todolos niveis. E un deles son as eleccións municipais, especialmente cando se viu que as únicas persoas e as únicas asociacións que daban a cara cando estoupou a catástrofe foron os concellos do país e as asociacións de homes e mulleres do país. Tanto o governo estatal como o da Xunta non souberon dar a cara e facer frente ó problema. Neste aspecto sí que se viu que é necesario que o país conte con organizacións propias que nos representen cando hai calquer tipo de problema.

Non, non nos sentimos unha illa porque realmente a cidade de Lugo e outros pobos da provincia teñen sufrido unha transformación nos últimos anos. E ben certo que o poder provincial de Cacharro é esmagante para a nosa provincia, especialmente nos aspectos económicos, culturais, sociais e de desenrolo da propia sociedade, pero o exemplo doutras forzas políticas que tamén están governando faralles ver os cidadáns a posibilidade dun cambio.

Cando eu vín o ano pasado o eslogán de Teruel existe nos medios de comunicación si que me acordaba do que pasaba en Lugo e no resto de Galicia. Pero eso mudou polo traballo dos governos dos concellos progresistas. En Lugo tamén é así. O conseguir que a Muralla fose patrimonio da humanidade supuxo unha participación a nivel turístico importante no coñecemento de Lugo. E ademáis, ainda que sexa por un feito tráxico, despoís da traxedia do Prestige e do berro común de Nunca Máis, Galicia é Lugo estamos ahí.

Penso que os cidadáns de Lugo sí que teñen o nivel de modernidade suficiente. Pero non se trata de modernidade. Se trata de elixir a cabeza de lista do BNG que leva moitos anos traballando por Lugo e que ten un proxecto importante para a cidade e para Galiza. Esto é esencial porque hai outras forzas políticas que dependen moito do que decidan en Madrid. Nós, no BNG, temos un proxecto común para Galiza dentro do Estado español e un proxecto para Lugo. Que eu sexa unha muller reforza a nosa candidatura. As mulleres somos máis do 50% da poboación e estamos demostrando co noso traballo e ca nosa participación que somos imprescindibeis na sociedade.

O BNG aspira a governar en maioría suficiente dentro do Concello de Lugo. Agardaremos as eleccións e ver cal é a opinión dos cidadáns. Nós non queremos darlle o governo da cidade o PP. Nese sentido estamos dispostos a calquer tipo de pacto e conversacións para que a nosa cidade alcance o nivel que merece e que siga transformándose.

Este tema é esencial para o BNG. Pode ser unha das estrelas das propostas do noso programa. Queremos que mude a pirámide de poboación en Lugo. Para eso hai que ter traballo para que os mozos e mozas poidan vivir en Lugo. O aumento do solo industrial, facilitar as empresas o seu asentamento no noso municipio e contribuir a formación dos mozos e mozas pode ser labor dun concello, en colaboración con outras administracións. Para que os mozos e mozas se poidan quedar na cidade teñen que ter vivendas accesibles ós seus salarios. Para esto, o BNG promoverá con Instituto Galego de Vivenda e Solo que sempre quede unha porcentaxe importante de vivendas sociais para menores de 35 anos. Contribuiremos desde o concello á rehabilitación mediante convenios de vivendas en barrios tradicionais da cidade con aportación de créditos a este fin.

Algunhas das apostas xa foron respostadas, pero vou incidir en algunhas: aprobación da revisión do Plan Xeral de Urbanismo no primeiro ano da lexislatura. O plan vai definir o futuro da cidade en moitos aspectos: vivenda, equipamento, deseño urbano, industralización... Outro aspecto é seguir coa rehabilitación do casco histórico e que haxa vida dentro das murallas. Para esto desenrolariamos o máximo o PEPRI e revisariamos os aspectos que haxa que modificar. Outros temas importantes son a industrializción e o desenrolo do turismo na nosa cidade; o asentamento da rede de servicios sociais con especial atención as persoas maiores que requiren maiores coidados, con centros de día; a estación de mercadurías que se vai inaugurar proximamente sería o eixo do desenrolo do transporte na nosa cidade e comarca; o desenrolo especial de toda a nosa zona rural (54 parroquias)e a potenciación equilibrada dos barrios e do centro.

Unha das riquezas máis importantes que temos na cidade e a súa orixe romana e todolos restos que quedan desa época. Desde o BNG pulamos por, primeiro, facer un museo da romanización, co sentido amplio que ten que ter un museo hoxe en día: un gran museo, que recolla todolos restos actualmente espallados entre varios locais; estudio e investigación e posibilidades de conexión ca universidade para que Lugo conte con servicios especializados de Arqueoloxía; museo ó aire libre, con todos aqueles restos que se poidan observar in situ; o museo levaría tamén a dirección de todos aqueles monumentos e restos que se atopan na zona rural de Lugo (Santalla de Bóveda, acueducto romano, cloacas... ). ¿Conservar ou tapar? Depende, según o caso, haberá veces, como din os arqueólogos, que se non se pode conservar, e mellor tapar. De todas maneiras, habería que facer un traballo importante de catalogación do mundo romano de Lugo.

O campus universitario supuxo para Lugo un dos feitos máis importantes dos últimos dez anos. Chegamos a ter máis de dez mil estudiantes. Hoxe hai máis de nove mil. É un campo moi asentado, moi ben deseñado e especializado nas ramas agrarias e na derivación destas materias como o estudio da biodiversidade. A coordinación do concello ca universidade ten que seguir o camiño iniciado: asinar convenios para que a universidade faga traballos de estudio e diagnóstico vitales para a cidade de Lugo: medioambente, servicios sociais, economía, potenciación do tecido agropecuario e outros. Non debemos esquecer aspectos da rama de Humanidades que teñen que ver moito coa nosa cidade como Arqueoloxía e Historia. Sempre pulamos porque o campus se achegara o centro, por esto, parecenos moi ben que o vicerrectorado fora a parar ó casco histórico. Pularemos para dar facilidades os estudiantes para residir no centro de Lugo.

A lei de Normalización Lingüística da Xunta e a lei de normalización das entidades locais dan cabida legal para que nos concellos a normalización do noso idioma sexa real. No concello de Lugo existe un departamento nesta lexislatura con dous técnicos e que é transversal para todalas concellalías. Desde o BNG seguiremos traballando para que as leises se cumpran desde un punto de vista sempre de amor e coñecemento para o noso idioma porque moitas veces esa autoestima da riqueza que temos no noso país ó ter unha lingua propia e o que necesitamos. Nós, desde o BNG, loitaremos polo convencemento a través da concienciación, porque todo o demáis depende desto.

O tema da reordenación de Frigsa e o destino que se lle ía dar o vello edificio do matadoiro era un tema pendente desde hace máis de 20 anos. E ninguén se atreveu nunca a darlle solución. Nós, no BNG, desde o principio, tomamos este tema como prioritario. Si se podía se mantiña e se rehabilitaba. Senón, había que tiralo. Como non foi posible rehabilitalo, polo seu estado e a complexidade da construcción e materiais, o derrube directo pola parte do concello era moi gravoso. Entón, fixose un convenio facendo ofertas a empresas para o seu derrube e Eroski, a empresa que gañou o concurso, ten que tiralo en un prazo de tres meses, facer neste espacio un gran centro cultural e deportivo e a empresa poderá facer un área comercial e de ocio (con cines) nas inmediacións do polígono do Ceao. Esto supoñerá reequilibrar a zona norte da cidade cun espacio cultural e deportivo importante e riqueza económica para toda a cidade.

Non é tanto a diferencia de toda a costa con interior, é indudable que o eixo A Coruña-Vigo si que ten máis desenrolo. Non pasa así con algúns pobos costeiros, como se acaba de ver coa Costa da Morte e outras zonas de pescadores. Nós, no BNG, loitamos por un cambio da lei de finanzamento das entidades locais, a reorganización territorial do noso país, axeitada as necesidades actuais das comarcas e as cidades e ter en conta as peculiaridades que ten o noso país. So desa maneira seriamos capaces de correxir estas diferencias e equilibrar toda a nosa nación. Si que é certo que as provincias do interior -Lugo e Ourense- precisan neste momento programas de 'discriminación positiva' para poder desenrolar minimamente as súas potencialidades.