Con respecto á primeira pregunta, sería partidario de tender aos prezos de referencia do Estado. En caso de que foran máis baixas a Xunta debería compensarnos. Considero que as miñas relacións co sector investigador son boas e así me gustaría mantelas. Estou convencido de que a nosa Universidade ten que ser docente e investigadora. Con respecto á terceira pregunta, considero que o mapa de titulacións deberá ser negociado dentro do SUG e por suposto considero necesario revisar os perfís profesionais que se están ofertando ás novas necesidades da sociedade actual. Reclamarei en primeiro lugar Criminoloxía e Xestión Hosteleira (por seren títulos propios que xa temos). Traballarei para que a oferta de másteres sexa adaptada á demanda social, conectada coas necesidades do tecido empresarial e produtivo, e acentuando o carácter internacional para poder captar alumnos estranxeiros.

A situación económica obríganos a ser prudentes nalgúns gastos. No que se refire aos tribunais de tese creo que deberíamos utilizar as novas tecnoloxías (videoconferencia) para reducir gastos e ao mesmo tempo ser sensibles para aproveitar as defensas das teses para visitas de investigadores que poidan interesar aos grupos de investigación.

Dimos a coñecer o equipo no momento do comezo da campaña. Só se retrasou a súa colocación na páxina web.

A política de persoal ten que se rigorosa e velar porque se cumpran as nosas obrigas docentes e investigadoras. Prácticas coma as que vostede menciona non caben na xestión pública.

Debemos introducir novos criterios para avaliar a carga docente das áreas e as súas necesidades de profesorado (incluíndo entre eles o número de alumnos) e intentar reequilibrar a dotación de prazas nas áreas máis deficitarias. No noso programa propoñemos analizar a posiblidade de crear unha figura de colaborador (bolseiro) na docencia titorial e interactiva por parte de investigadores en formación, predocs e postdocs que aliviaría a carga docente das plantillas.

As responsabilidades de cada un serán atribuídas se chegamos á reitoría, contando tamén coa estructura xerencial. En todo caso é miña vontade dotar das máximas competencias ás vicereitorías do campus descentralizando a toma de decisións en todos aqueles aspectos que poidan mellorar a eficacia na xestión.

É un problema de enorme importancia garantir a transmisión de coñecemento dos profesores máis experimentados que cada vez se xubilan en maior número aos profesores novos. As actuais limitacións para captar e ofrecer prazas a profesores novos pode levar á institución a un estado de postergación que costaría moitos anos levantar. É un problema de suficiente envergadura no que é necesario establecer políticas globais co goberno autonómico e estatal.

En efecto, creo que a negociación foi escasa nun momento complicado que necesitaba dela. Non lle faltaron mans tendidas que non foron aproveitadas. En todo caso, tocoulle un momento moi difícil.

Tal e como figura no programa, pretendemos contar con patrocinadores que permitan manter, aumentar e, no seu caso, profesionalizar a nosa oferta deportiva.

Eu creo que fun un estudante aplicado, apasionado polo estudo e amigo dos meus amigos e que tivo que atender ao mesmo tempo aos seus deberes nunha explotación agrícola familiar.

Estamos traballando para animar aos estudantes na súa participación. Sería desexable a maior implicación posible. Contamos con eles.

Non. A xulgar pola presenza en prensa e pola asistencia aos actos convocados nos centros está despertando moito interese.

Si.

Si. Entendemos que a titulación de Medicina debe ser unha titulación única en Galicia e corresponde á USC a total responsabilidade da súa impartición e organización como nos últimos anos, contando cos recursos clínicos de toda Galicia. En calquera caso esto non debe ser obstáculo para que as universidades do SUG colaboren naqueles aspectos que redunden nunha mellor eficacia como ven sucedendo en másteres interuniversitarios, consorcios (BUGALICIA,...). Non existen datos de demanda nin de outro tipo que xustifiquen neste momento a creación doutras facultades de Medicina en Galicia.

O pronóstico é que gañará a miña candidatura. A diferenza é difícil de aventurar neste momento.

As votacións na universidade obedecen a motivacións distintas a outras eleccións políticas. A miña candidatura aspira a ter apoios de todos os sectores. En todo caso os únicos apoios explícitos que se coñecen son de nacionalistas á outra candidatura.

O proxecto Erasmus é un proxecto do que só se pode falar ben e cos enormes avantaxes na formación dos nosos alumnos e na internacioinalización da Universidade. A creación dunha vicereitoría de internacionalización é a demostración palpable de que reforzaremos tódolos servizos para potenciar a participación dos estudantes neste proxecto.

Centro-esquerda.

Galicia optou por un sistema de tres universidades hai 25 anos. É difícil saber se estaríamos mellor cunha soa pero en todo caso a decisión parece irreversible. Debemos traballar para que todas cumpran coa mellor eficacia no seu cometido, colaborando entre elas e potenciando as áreas nas que son punteiras.

Igual que para o PDI, respetar a disposición e cumplila na medida en que as posibilidades económicas o permitan.

Das miñas respostas se pode deducir que intentaremos traballar para unha universidade con futuro e non só nos catro anos que dura o mandato.

Non é unha utopía. Xa estivemos dentro dese ránking e deberíamos recuperar a reputación e o prestixio para volver a entrar. A calidade da nosa docencia e da nosa investigación nos fan acreedores a iso.

Si. Levamos moitos anos intentando melloralo. Debemos seguir perseverando. É unha mágoa que os convenios asinados co Concello e as iniciativas contempladas no proxecto de excelencia internacional Campus Vida tampouco deran resultados a pesares das esperanzas postas neles.

Certas titulacións deben ser defendidas pola súa singulariedade. Outras deben adaptarse á demanda social e á captación de estudantado internacional. Debería ser posible un acordo no SUG a este respecto.

Non axuda.

Intentouno nun momento difícil.