Esa desde logo é a nosa intención. O noso proxecto pasa por impulsar o centro comercial aberto e limitar a implantación de grandes superficies comerciais, porque afectan negativamente no pequeno comercio. Ademais propoñemos colaborar coa asociacion de comerciantes en todas as iniciativas que nos acheguen e desenvolver unha programación formativa que poida resultar interesante para os comerciantes.

Entendemos que hai que abordar a reforma do Plan de Protección porque quedou desfasado. propoñemos rehabilitar vivenda para fixar poboación, que os poderes publicos cheguen a onde non alcanza a iniciativa privada. dinamización comercial e hosteleira do casco, trasladar as dependencias municipais para o Casco e instar a outras administracions a facer o mesmo, reformular o programa da feira franca, abrir un centro sociocultural e aulas de estudo para a mocidade na Casa Gótica e un centro de interpretación do casco na torre de lanzós. Son algunhas medidas que temos no programa.

Pois haberá que preguntarllo a María Faraldo, que aínda non puxo os terreos a disposición da Xunta. O certo é que cando entrou atopou unah expropiación en marcha e todo listo para ceder os terreos á Xunta e catro anos despois non fixo nada.

Iso é unha reducción moi simplista do programa electoral. O groso do programa electoral trata de reactivación económica, xeneración de emprego, democratización do concello e aprobar un novo plan xeral xunto coa recuperación do casco histórico. Con ese programa imos a por todas, a pola alcaldía, non só a participar.

Evidentemente, son unha parte importante da organización e é lóxico que apareza tamén reflexado a nivel da candidatura.

En Galiza houbo e hai alcaldes moito máis novos do que son eu na actualidade, tamén Betanzos tivo un alcalde máis novo ca min actualmente. Non creo que a idade sexa un impedimento, e para proba están as perrenchas infantís que durante este mandato tiveron Javier de la Fuente e María Faraldo. Os meus estudos e o master en administración local que cursei creo que me facultan para desempeñar o cargo satisfactoriamente para os veciños e veciñas e o noso programa, candidatura e seriedade son un aval tamén.

Hai unha normativa que hai que cumprir no tocante á limpeza das fincas e tamén está a lei de prevención de incendios que o BNG aprobou desde a Xunta. Un goberno responsable coma o que quero encabezar aplicará esa normativa en ben dos veciños e veciñas.

É certo que os concellos non teñen moitas competencias pero tamén é certo que teñen que arrimar o hombreiro para sair canto antes da crise. Queremos desenvolver máis solo industrial para aproveitar a situación estratéxica que ten Betanzos coa aprobación dun novo Plan Xeral. Ademais da nosa aposta polo pequeno comercio, queremos crear un viveiro de empresas onde dean os primeiros pasos novas iniciativas dos emprendedores e convertir o centro municipal de formación nun centro punteiro. Ademais, queremos potenciar a industria turística, no que cremos que en Betanzos está case todo por facer.

O BNG xa propuxo neste mandato un plano de limpeza para atallar este problema. o plan ten que servir para mellorar a limpeza, a dotación de colectores e as prestacións do servizo municipal de limpeza. Cremos que é un servizo importante ao que María Faraldo non lle prestou a atención que merece.

A nosa proposta é aproveitar o edificio do vello ambulatorio, que precisaría unha mínima reforma para este novo uso.

Hai unha normativa que hai que cumprir. Non obstante, no BNG cremos que a solución a estes problemas pasa principalmente e en primeiro lugar pola educación.

María Faraldo centrou o groso do investimento do concello no centro da cidade e é algo que desde o BNG cuestionamos. Nós levamos neste mandato ao Parlamento e o Concello a repararación da pasarela sobre o tren, as beirarrúas na ponte da estrada e máis o paso de cebra que agora hai diante do centro social. Son demandas que nos fixeron os veciños e veciñas e que puidemos impulsar e conseguir malia ser oposición. Queremos implantar unha liña de bus que una todas as parroquias co centro para achegar servizos que non se poden desprazar, pero claro que defendemos ampliar os servizos das aldeas.

No concello está pendente de aprobar un convenio que amañe moitas das problemáticas laborais que ten a administración local e que é algo que María Faraldo foi incapaz de facer neste mandato. Estamos convencidos de que un bo clima de traballo dentro do concello repercutirá cara fóra no rendemento da administración e desde logo será unha cuestión moi a ter en conta polo BNG a partir do 22 de maio.

Obviamente apoiou a investidura de María Faraldo e moitas das súas decisións máis polémicas. PP e CxB, cada un na medida do seu peso, teñen responsabilidades na situación actual de Betanzos e nalgunhas cousas que nos depara o futuro.

Nos Ánxeles, como no resto da cidade, cremos que simplemente aplicando a normativa de tráfico gañaríase bastante en canto a fluidez. A partir de aí haberá que analizar se hai posibles melloras e de ser factibles levalas a cabo. Os veciños e veciñas dos Ánxeles saben que o BNG estivo ao seu carón na problemática do cambio de sentido imposta polo goberno derivada da instalación das terrazas.

Temos presentado moitas iniciativas neste sentido durante este mandato que remata porque compartimos esa percepción. Propoñemos un skatepark cuberto que no seu deseño conte coa opinión dos usuarios, ampliar a biblioteca municipal e modernizala e abrir salas de estudo. A maiores queremos facer unha programación atractiva, tanto de lecer coma formativa, para a mocidade. Pero todo iso contando coa súa opinión, no BNG queremos facer política de mocidade contando coa propia mocidade.

O BNG preséntase a estas eleccións para gañalas e facer de min o próximo alcalde de Betanzos. O único pacto que contemplamos agora mesmo é un pacto coas betanceiras e betanceiros para acadar este obxectivo. É decisión da xente. Polo demais, o BNG dialoga e chega a acordos en base ao seu programa, habería que analizar a compatibilidade dos programas das distintas forzas para ver se o BNG pode ou non chegar a acordos con elas. O noso pacto é coa xente.

O PP terá que explicar por qué inclúe tránsfugas nas súas candidaturas. En todo caso, considero que Santiso é o pasado de Abegondo e que o futuro é Vítor Meizoso.

Se houbera que poñer nota, desde logo sería moi deficiente. No pleno de onte aínda nos deron conta de que hai case 1.120.000 euros en facturas pendentes de pago do seu goberno. Sumando iso a todas as irregularidades que denunciamos ao longo do mandato hai unha base sólida para considerar que María Faraldo merece ser reprobada.

Apostamos polo deporte de base e queremos que haxa posibilidades para practicar deporte en todos os barrios e parroquias do concello. Respaldamos aos clubes federados da cidade. É certo que Betanzos semella que lle dá as costas aos ríos e é algo que hai que mudar: deben ser lugares de esparcemento, pero tamén ofrecen oportunidades de emprego que agora se desaproveitan. E todo iso respectando a súa conservación.

Os locais de ensaio foron unha aposta do BNG hai anos para respaldar aos músicos aficionados da cidade. Neste sentido, entendemos que debemos apostar novamente por eles, reforzando os locais e superando as súas deficiencias e logo dando cabida aos grupos que os utilizan na programación cultural do concello e desde logo nas festas de San Roque.

Creo que gañará o BNG porque Betanzos precisa un cambio e superar a actual etapa. O BNG é a única alternativa fronte a María Faraldo.

O BNG preséntase ás eleccións cun programa e é o que aplica cando goberna nas institucións. Ese aval, xunto coa nosa seriedade son bos puntos de referencia para contrastar proxectos políticos. O do BNG é o único proxecto político de esquerdas que concorre a estas eleccións, tamén iso é unha diferencia.

Realmente é lamentable que cun investimento de 535.000 euros o resultado sexa ese. Ainda que no BNG entendemosque a inversión do concello ten que ir a outros lugares, obviamente hai que atallar este problema que creou María Faraldo. Haberá que escoitar aos técnicos pero desde logo parece necesario un cambio do pavimento.

Queremos adquirila, recuperala e facer dela un centro sociocultural para o Casco Histórico que inclúa salas de estudo para apoiarmos aos estudantes.

Efectivamente, hai unha carencia grave de mobiliario público. Plantar árbores ten a limitación de que polo subsolo van canalizacións de servizos, pero se é posible apostamos por facelo. Cada curruncho do concello ten que ser unha pequena zona verde, porque iso contribúe a mellorar a calidade de vida.

De sempre defendimos a súa rehabilitación e uso veciñal. Defendemos a súa limpeza mentres non se recupere, pero a nosa intención pasa por escoitar aos veciños e ver qué queren facer del. Propoñemos facer del un edificio de usos múltiples pero estamos abertos a escoitar outras propostas dos veciños e veciñas.

Construíla. É unha necesidade para Betanzos e non se entende que aínda a día de hoxe non a haxa. O noso proxecto político aposta polo transporte metropolitano e por complementar o servizo por estrada cunha liña de ferrocarril de cercanías.

O BNG elaborou un proxecto para esta zona cando tivo responsabilidades de goberno que mereceu unha mención da Comisión Europea. Recuperarémolo, ademais de atender todas as achegas que nos poidan facer os veciños e veciñas. Neste mandato xa levamos ao pleno varias veces cuestións relacionadas coa limpeza, estacionamento e seguridade na rúa Nova.

Se non hai as suficientes desde logo haberá que delimitar máis. Atenderemos as indicacións dos usuarios e dos técnicos do concello para isto, como para moitas outras cousas.

O noso proxecto político ten un compromiso claro coa igualdade real entre homes e mulleres. Nese sentido, xa é coñecida a postura do BNG con respecto á figura da raíña das festas e a súa contradición coa igualdade. De todas formas, as principais liñas do programa van na creación de emprego e a reactivación económica de Betanzos.

A nosa aposta polo Casco Histórico é tal que podendo ter a sede comarcal noutro sitio en teoría con mellores comodidades estamos no corazón da cidade. Cremos firmemente que o Casco é a locomotora que ten que tirar de Betanzos e demostrámolo cando tivemos ocasión con feitos. Temos un proxecto integral para recuperar o Casco e cremos que é o investimento estratéxico máis importante que pode facer o concello de cara ao progreso da cidade. Isto, obviamente, sen desatender outras cuestións tamén capitais para a cidade e o concello.

O BNG practica unha política de respecto absoluto ás normas e aos cartos dos contribuíntes. É algo do que podemos facer gala e que, ao parecer, nos diferencia do resto das forzas políticas de Betanzos. Se é vantaxe ou non deberán decidilo as veciñas e veciños pero desde logo é un valor engadido ao noso programa e a nosa candidatura.

Desde logo o que non creo é que aporten nada positivo a Betanzos nin á súa xente. Nós procuramos mirar cara adiante e construír, que creo que é o que a xente agradece.