Grupo folk
El grupo gallego Berrogüetto celebra su 15 aniversario en
el Festival Celta de Ortigueira. Xabier Díaz, vocalista del
conjunto, charlará con los internautas de lavoz.es en
directo desde el certamen folk.
Boa tarde, encantado de falar con todos os internautas desde Ortigueira.
¿Cal é a situación da lingua e música galega? Considera que ten boa saúde?
Considero que merece todos os cuidados posibles. A situación da música en canto a calidade e cantidade é óptima (eu diría que nunca foi mellor) e agardo que por parte das Administración haxa un apoio inequívoco para que teña maior repercursión e forme parte do tecido industrial do país na medida na que merece. Así mesmo, non entendo a música galega sen a lingua propia, polo que agardo que a tención á lingua sexa, se cabe, máis exquisita.
Xabier, Como foi o teu mellor festival de Ortigueira?
Agardo que sexa o deste ano.
como marcha a promoción de Kosmogonías fóra do país?
Alén do Estado, no que fixemos presentación en Madrid, Segovia ou Zaragoza, á volta do verán agardamos concertos en Centro Europa, por exemplo en Alemania, e mesmo en América do Sur.
Esta noite acercareime a Ortigueira para escoitaros como cada veran dende fai anos...que significa Ortigueira hoxe para a musica galega?
Creo que ten unha importancia grandísima para o xénero, para a música folk. O meu desexo é que siga a ser un foro e un encontro dos amantes desta música, alén dunha simple «macrofesta».
Que é máis importante que a felicidade?
Tirando de retranca, ou non, a saúde.
En primeiro lugar parabéns polo 15 aniversario, que xa son anos! gostaríame saber que plans tedes para o futuro próximo (xira? novo disco? colaboracións?) grazas e unha aperta. Carola
Para o futuro, alén dalgunha sorpresa este mesmo ano, a edición do primeriro deuvedé ao vivo, gravado no pasado nadal no auditorio de Galicia en Compostela
cual es el mejor festival folk de Europa?
Bufff!!! Esa resposta é moi dificil, case tanto como elixir entre xoubas e pementos de padrón.
Hola Xabier. ¿Cuál de los grupos del cartel te gustaría que colaborase con Berrogüeto?
Algún galego.
Molladevos un pouquiño ;) e decídeme:¿Como considerades que o festival Celta de Ortigueira podería mellorar?. Graciñas
Concentrar o esforzo en que o público asista ós concertos e que o feito musical sexa a verdadeira motivación para vir a estas maravillosas terras de Ortegal.
Tengo una pregunta para usted: ¿Cuánto cuesta el cubalitro de kalimocho en Ortigueira?
5 euros??
¿Qué tal se vive na Laracha?
Fantástico, é un dos mellores sitios para vivir. Saúdos bergantiñáns.
¿Que tal foi a estrea do disco e o teu debut como vocalista do grupo?
Moi fácil grazas ós compañeiros, e o disco axudou moito á miña integración no aspecto máis musical.
Siendo, Berrogüetto, un viejo conocido del festival de Ortigueira... ¿cuál es vuestro balance o valoración del evento declarado fiesta de interés turístico internacional?
É impresionante que un festival deste xénero traia tanta xente a este norte peninsular.
Alguna sorpresa para el concierto de esta noche...
Seguramente, pero... nunca se revelan.
¿Onde buscas a inspiración?
En calquera pequeno detalle e a calquera hora do día. Tamén calquera lugar do mundo pode valer...
¿Deportivo o Celta?
Ufff!! Selección galega.
Poderías compartir con todos nós algunha anécdota curiosa dalgún concerto?
Nun dos últimos equivoqueime de gaita, e tres segundos antes de empezar a tocar, decateime que en vez da gaita de Do collera a de Re. Case que incendio o palco...
Cal é o voso segredo, iso que vos diferencia do resto de grupos de música tradicional? Queda entre nós ;)
Ser raros, moi raros.
Boa tardiña Xabier. ¿Qué momentos especiais da túa vida musical gardarías nunha caixa? Dende os teus comezos en IAR, Xacarandaina, Rumbadeira...
Todos os que pasei nesas agrupacións e a música popular que atopei nas aldeas, gardada na memoria de moiras avoas e avos.
non supón unha gran responsabilidade substituír a Guadi Galego? como o levas?
Por suposto. Mais sempre o levei con naturalidade, temos personalidades musicais diferenciadas, pero que en todo caso puxemos e seguimos a por ó servicio de Berrogüetto. Guadi sempre terá a miña admiración.
Tenéis club de fans? Gente qué os sigue de actuación en actuación?
De facto non, pero si que hai siareiros que nos seguen habitualmente.
¿Cómo funcionais para componer? ¿Cuál es el proceso? ¿Alguien lleva la voz cantante?
Todos levamos ideas ó local de ensaio e despois de pasar alguna que outra criba, comezamos a traballalas de xeito coral. Obviamente, sempre resolvemos todo de xeito colectivo.
Cantas, bailas, tocas a gaita, tes un programa na radio...onde te sintes máis cómodo?
En todas as facetas. A miña personalide é así de poliedrica.
Buenas tardes, Xabier. Me gustaría saber qué música escuchas. Enhorabuena por tu trabajo
Moita música brasileña e músicas do mundo en xeral. Por suposto sempre con racións abondosas de música galega. Vitor Ramil, Paulinho Mosca, Peter Gabriel ou Treixadura.
Peculiaridades ou perversións :)) do conxunto que se podan confesar?
Somos de ron con cola. Agora xa nos deitamos cedo... pero esta noite imos facer propósito de festa, así que despois do concerto nos arrimaremos ás barras e disfrutaremos do resto do cartel.
Como foi a túa experiencia dando o pregón en Carballo?
Intensa e emocionante.
Namoreime da túa voz dende a primeira canción e espero vervos en concerto pronto, ¿ides facer xira de concertos en teatros?
É posible que no último trimestre do ano fagamos unha xira máis de teatros.
Como músico si, pero... como festivaleiro fuche a Ortigueira?
Hai moitos anos. Na miña tenda de campaña, en Morouzos...
Después del concierto de esta noche... vais a salir de fiesta por Ortigueira? El Caracas tal vez...
Un clásico, eu visitarei Venezuela con toda seguridade e seguramente algúns outros paises.
Vémonos esta noite. Prometemos festa. Foi un pracer falar con vós desde Ortigueira. Saúde e alalás!!