O BNG condicionará caquera acordo a un programa que marque un claro cambio de rumo. O BNG non vai entrar en nengún pacto que consista nun cambalache para repartirse consellarias ou protagonismos. Para o BNG hai duas liñas vermellas que non transpasaremos: non faremos o que fixo IU en Extremadura que entregou o Goberno ao PP pero tampouco chegaremos a un acordo para practicar recortes antisociais como en Andalucia.

O BNG está facendo propostas de futuro e é Feijóo quen non deixa de mirar ao pasado como se puido constatar no debate. En calquera caso o Prestige volta estar de actualidade pois hoxe mesmo escomeza o xuizo.

Para Galiza é estratéxico que os mozos poidan vivir e traballar na súa terra e realizar en Galiza o seu proxecto vital. Recortar en Educación e en investigación é recortar no futuro dun país. Hai que pór todo o país a producir, desenvolver plenamente as capacidades productivas de Galiza para curtar a sangría da emigración.

O meu difunto pai falaba castelán e a miña nai tamén é castelán falante. Defender o galego e apostar por políticas de normalización lingüística que permitan que os galegofalantes poidan facer un uso normal do galego en todas as esferas sociais non ten nada que ver con negar o dereito dun castelán falante a expresarse na súa lingua.

O BNG concentrará o esforzo de aforro no gasto superfluo e improductivo: supresión das deputacións e da administración periférica do Estado, paralización da cidade da cultura, moratoria naquelas autovías interiores que non respondan a necesidades urxentes. Por outra banda actuaremos sobre o sistema impositivo esixindo un maior esforzo fiscal a quen máis ten.

Nunca mencionei o nome de Beiras nos mitins. O BNG está facendo unha campaña centrada na crítica ás políticas do PP e na exposición das nosas propostas e alternativas.

O BNG non está centrando a campaña nos contratos de PEMEX. É o PP quen sempre nas campañas fai anuncios propagandísticos que logo case nunca se concretan(fábrica de coches eléctricos en Ourense, planta de baterías de Mitsubishi, centro de reparacións navais e dique flotante en Ferrol....).

Para o BNG a educación é estratéxica. Non se pode cambiar o patrón de crecemento recurtando en educación. Outorgaremos prioridade aos centros públicos sobre os centros privados concertados. Derrogaremos o decreto contra o galego. Non subvencionaremos centros que practican a separación de nenos e nanas. Recuperaremos programas exemplares como Preescolar na Casa e asignaremos máis recursos á Educación para mellorar a súa calidade.

Esta crise ensínanos que a ausencia de soberanía conduce á ausencia de democracia e de xustiza social. A que as decisións se tomen en ámbitos que non emanan da vontade democrática dos pobos, non teñan en conta as súas necesidades e estean sometidos aos dictados dos grandes poderes económicos. Para o pobo galego é vital ter o control real da súa economía para que estea orientada a atender ás súas necesidades.

Esta proposta, unida á eliminación da barreira do 5% para acceder ao reparto de escanos, permitiría que o Parlamento galego reflicta mellor a pluralidade existente na sociedade, evitando as distorsións que introduce o sistema eleitoral entre o apoio eleitoral acadado por unha formación e o seu reflexo en número de escanos.

En primeiro lugar boto en falla que non estean imputados os máximos responsabeis daquela xestión nefasta como o Sr. Aznar. Dez anos despois Galiza segue indefensa ante a posibilidade de que se produza unha nova catástrofe. Creo que o pobo galego debe extraer leccións daquela experiencia e da incompetencia e desprezo a Galiza que manifestaron os gobernantes do PP.

Contémploo como perspectiva de futuro, de feito creo que é bon que se consulte á socieadade sobre todos os asuntos que afecten aos seus intereses, pero antes hai que dar outros pasos: blindar as competencias de Galiza, reclamar novas competencias, un novo modelo de financiación que dote a Galiza de plena autonomía fiscal e financeira, participación directa en Europa non asuntos que afecten as nosas competencias e intereses vitais, supresión das deputacións.

A prioridade das políticas públicas debe ser desenvolver as capacidades productivas do país para xerar emprego e non os recortes que só traen consigo máis paro. Ademáis o BNG non fará nada do que fixo o PP nesta materia: considerar que as políticas activas de emprego non serven para crear traballo e sI os ERES ou subvencionar a empresas galegas para que pechen os seus centros de traballo en Galiza para transladalos fóra do país.

Feijóo dixo que o próximo goberno non se atopará con facturas no caixón e é certo. Non chega un caixón, necesitariase un armacén. É a demostración do fracaso de Feijóo, con el empiorou gravemente o problema do paro e a situación económica do país e ainda por riba xerou máis débeda pública que o resto dos gobernos galegos xuntos.

Porque o BNG é totalmente respeitoso coa língua que fala cada quen e o noso proxecto é útil e necesario para Galiza.

Feijóo presume dunha orixe humilde pero as súas declaracións demostran un grande descoñecemento de cuestións elementais. Lémbrome da campaña do 2009 cando lle preguntou a un gandeiro por que as vacas tiñan nomes de femia.

O Goberno do BNG recorrerá o decreto que impón unha quita de até un 70% aos pequenos aforradores víctimas desta estafa e reclamará ao Goberno Central que nas esixencias de recapitalización das entidades bancarias se contemple unha dotación para devolver o diñeiro investido por estas persoas.

Poñela a funcionar requeriría un capital inicial de 500 millóns de euros que é menos do que costa unha autovia interior. En política hai que estabelecer prioridades e para Galiza é prioritario un banco público que financie a nosa economía productiva e asegure que o aforro dos galegos e galegas se reinvista no país para crear riqueza e emprego en Galiza.

A liberalización de horarios comerciais deixa indefenso ao noso pequeno comercio fronte as grandes superficies. O Goberno do BNG apresentará recurso de inconstitucionalidade contra o decreto do Goberno central e decretará unha moratoria para impedir a implantación de novas grandes superficies comerciais.

Feijóo agora fuxe de Rajoy porque sabe que o Goberno central está desprestixiado pero durante este tempo actuou como delegado de Rajoy en Galiza. Todo o mundo sabe que si gaña Feijóo Rajoy vai sentirse lexitimado para seguir cos seus brutais recortes e baixar as pensións.

Galiza é un país inmensamente rico en materias primas e recursos naturais. Temos ademais unha grande cultura de traballo e capacidade de iniciativa e emprendemento. Outra cousa é que o noso país estea empobrecido por políticas que dictan desde fóra que eivan o noso desenvolvemento. Tampouco é certo que esteamos subsidiados. O Estado recada ao ano en Galiza 3000 millóns de Euros máis dos que logo transfire a Galiza.

Un concerto económico que faga que sexa Galiza quen fixe os impostos e os xestione aínda que logo transfira unha cantidade ao Estado para custear os servizos non transferidos. Entre outras cousas isto permitiría que empresas que operan en Galiza, como Inditex, CItroën ou Unión Fenosa tributen polo Imposto de Sociedades en Galiza contribuíndo a xerar riqueza e emprego no noso país.