Temos feito un proxecto para levar a cabo o plan de mobilidade para a utilización da bicicleta. Pero primeiro pensamos facer unha campaña para concienciar sobre o uso deste transporte, e vale moito o traballo que está a facer Masa Crítica. É importante o uso da bicicleta por razóns de saúde, de respecto ao medio ambiente e para que a cidade sexa máis das persoas que dos automóbiles. Por iso, xa imos mellorar na nova adxudicación dos autobuses.

Sen lugar a dúbidas. É a liña marcada desde hai 16 anos e proseguiremos con esta idea de que o deporte é un dereito para todos. Temos os espazos deportivos gratuitos como nunca tivo Lugo. Imos investir no mandato 600.000 euros para melloralos e construiremos un polideportivo nas Gándaras e poñeremos calefacción nos polideportivos da Piringalla e do Palomar. A Xunta só investiu en Lugo 400.000 euros. O demais foi todo investimento dos lucenses. Por iso lle ensino a tarxeta vermella ao señor Feijoo.

Non van subir os impostos nin os prezos públicos nin as taxas. Somos o primeiro concello de Galicia en investimento social e o cuarto de España. Mentres siga a situación de crise seguiremos apostando polas persoas. E subiremos o investimento social do 18 ao 22% no transcurso do mandato. Hoxe colaboramos coas familias no pago dos recibos da luz, do aluguer de vivenda, de axuda no fogar, de xantar no fogar, de centros de día, comedores escolares, libros, escolas infantís, etc. Imos construír, xunto coa Fundación Amancio Ortega e a Axencia Galega de Benestar, unha nova escola infantil en Albeiros. Xa cedemos os terreos e están facendo o proxecto.

Do PP non creo nada en absoluto porque xa deu mostras de que non cumpre nin unha soa promesa. Temos os autobuses máis baratos de España, con tarifas reducidas para persoas maiores, en paro, estudantes, etc. E cun prezo de trasbordo de 19 céntimos. Imos mellorar as liñas, tal e como se contempla no plan de mobilidade e no novo prego de condicións, que en tres meses estará adxudicado.

As miñas órdenes á Policía son: denunciar os coches aparcados nas beirarrúas, nas paradas de taxis, nas dársenas dos autobuses, nas prazas de xente con mobilidade reducida, e nas cargas e descargas. É verdade que nos falta policía, e que se nos pode escapar algunha acción que era punible. Pídolle desculpas.

Temos xa arredor de 150 quilómetros en aglomerado en quente. Seguiremos facendo pistas en aglomerado en quente ata completar o 60% das pistas existentes, sobre todo, a aquelas que sirvan para as persoas e para o ciclo económico do rural. Nunca se fixeron tantas pistas de aglomerado en quente como desde cando eu son alcalde.

Mire, agora, de verdade, só penso nas eleccións e en ter unha maioría que nos permita gobernar co noso proxecto. Todavía nin se celebraron as eleccións e por iso é moi pronto para pensar nas próximas. Cando un se atopa con ganas, con saúde, con ilusión, con forza e con proxecto, o traballo municipal nin cansa nin conclúe.

Si que é necesario facer unha reforma administrativa, que ten que pasar obrigatoriamente pola reforma das facendas locais e por unha boa distribución de competencias entre os tres gobernos que se contemplan na Constitución. Unha vez dito isto, se as Deputacións, como sucede coa de Lugo, colabora cos concellos, sobre todo cos máis pequenos, poden existir porque complementan a acción local. É posible que algunhas competencias poidan ser substituídas desde as Deputacións, como é o caso da recollida do lixo ou na colaboración tamén coa Xunta para o saneamento integral dos concellos. De non cumprirse estas premisas, e nós temos experiencia dabondo de épocas anteriores ou de outras Deputacións, pois igual habería que estudar a súa desaparición.

En España non existe esa limitación. Podería estudarse a ampliación dos mandatos de catro a seis anos, co cal, cabería falar do que vostede di. Non obstante, esta é unha elección tan directa que ninguén mellor que os cidadáns para poñer e quitar alcaldes.

De producirse unha actuación así, vivimos nun Estado de dereito e por iso habería que acudir aos tribunais contenciosos administrativos para dar e quitar razón. Desde hai uns anos, os políticos non participamos nos tribunais de oposicións.

Ten vostede toda a razón. Cónstame que desde hai un tempo a Patrulla Verde da Policía Local está actuando nese sentido. Se pagamos todos, pagaremos menos e daremos mellor servizo.

Levamos no programa facer un novo regulamento de Protección Civil, dotándoos ademais de mellores medios, co que pretendemos mellorar e darlle máis funcionalidade a este servizo de voluntarios.

A Constitución defende que todo o mundo é inocente ata que se demostre o contrario. Fun imputado en varias ocasións e logo "desimputado" outras tantas. No caso de agora vai suceder igual porque son inocente. Pense vostede que Vigilancia Aduanera deume unha volta como un calcetín ás contas e patrimonio da miña familia e chegou á conclusión de que non había nin o menor signo de que recibiramos algo máis que o noso salario. Estou en política só para servir. Este é o modelo que me deixou como herencia a miña familia.
Defendo, sen lugar a dúbidas, a maior transparencia, porque actuamos con diñeiro público, que ten que estar ao servizo do ben público. Pense vostede que somos dos poucos concellos de España onde a oposición está representada, desde que eu son alcalde, en todas as mesas de contratación e xuntas de compras. A oposición ten acceso a todos os expedientes só con pedilos.
Con respecto aos pactos, teño que dicirlle que baixo o criterio dun demócrata o consenso e o mesmo pacto son esenciais en política. Por poñer un exemplo, os votos do PSOE e do BNG nas pasadas eleccións foron máis que os votos do PP, e fixemos un pacto escrito e público como compromiso de goberno. Que me gustaría máis unha segunda volta en caso de non haber unha maioría absoluta na primeira? Sen lugar a dúbidas.

Empecei en política na Universidade para loitar contra a ditadura e que chegara a democracia. Sigo en política porque son "un animal político", como diría Aristóteles, e mentres poida servir aos demais baixo os meus ideais nunca a deixarei. Poderá ser nun cargo, ou como simple cidadán. Se eu, como ser individual, non participo en política, "outros" farán a política por min.

Por unha petición dos taxistas, xa que estamos nunha época moi dura, a penas se subiron as tarifas e funciona o Radio Taxi que en moi pouco tempo pode recoller as persoas deses lugares.

Está asinado un protocolo co Ministerio de Fomento a tal fin. Polo de agora, excepto nalgúns momentos moi puntuais, non hai problemas, pero soño con ver un tunel onde hai o entronque da vella estrada de Santiago, Ronda do Carme e República Arxentina que axilizaría o tráfico. Ademais, sería necesario ensanchar a entrada na Volta da Viña, e ao mesmo tempo unha rotonda que permitira ir desde a parte baixa da Volta da Viña cara dirección Coruña.

Pense vostede cantos mellores servizos públicos temos na zona urbana fronte á zona rural. E tamén o custo, por poñerlle un exemplo, de arranxo das rúas en Lugo que nos outros concellos, tendo como temos ademais maior número delas. Pense vostede no alumeado público. Só na zona rural, que é o 80% do territorio do concello, temos 4.700 puntos de luz...
Remataron a segunda fase das obras de Fontiñas. As obras sempre son molestas e a veces hai atrasos non suficientemente explicados. Faremos unha terceira fase en Fontiñas na que imos cambiar todas as tuberías de fibrocemento por tuberías de fundición. E unha cuarta fase que irá desde o cruce de Sanxillao ata a Avenida de Madrid. Querido amigo, gobernar é priorizar, e non todo se pode facer ao mesmo tempo. Neste momento a nosa prioridade, ademais do que se está a facer en infraestruturas, que significan mellora da nosa calidade de vida, son as persoas.

Sen lugar a dúbidas. Estamos amparados pola Constitución, os Dereitos Humanos, e polo Código Ético do noso partido.

Boto en falta unha política agraria que defenda máis os dereitos dos gandeiros. É o único sector que eu coñeza que produce sen saber cal vai ser o prezo da súa produción: se eu fabrico un quilo de tornillos, sei que no mercado mo van pagar a "x" euros. Un gandeiro non o sabe. E agora está vivindo todavía un momento peor, xa que está a firmar contratos a prezos que son menores que o que custa producir o leite.
Son dos que penso que é necesario facer unha nova política territorial, que lle daría un maior desenvolvemento ao sector agrícola, gandeiro e forestal.
Lugo tense que converter no referente da industria agrogandeira e forestal do noroeste. É necesario que a industria láctea mellore a transformación da materia prima, porque xenera valor engadido ao produto. É imprescindible unha maior colaboración da Universidade (Campus Terra é o nome que recibe o de Lugo) coas empresas agrogandeiras e forestais. O Concello vai loitar por iso.

Fun dos primeiros na súa utilización, e seguireino facendo. Tiven un receso porque varios perfiles falsos usurparon a función que tiña de comunicación.

Lugo, polo traballo do Concello, pero tamén polo traballo doutras institucións, mesmo da iniciativa privada, mellorou case 180 graos. Pero estamos nun momento novo, no que hai novos retos, como por exemplo, atopar emprego e poñer a Lugo nas mellores condicións para competir, xa non só coas cidades do entorno, senón como cidade europea que é. Por iso, hai que seguir traballando ilusionados e buscando ese común denominador entre todos os lucenses. A "paixón por Lugo" ten que ser contaxiosa.

Os plans de emprego xuvenil teñen que vir, en primeiro lugar, da formación teórica e con práctica en empresas, nos novos nichos de emprego que existen na nosa sociedade. Logo, desenvolver as empresas que hai e outras novas, espertar vocacións de emprendedores, co fin de que creen autoemprego e outros empregos. É necesario seguir colaborando coa pequena e mediana empresa mediante axudas para infraestruturas delas e para a contratación de novos traballadores/as.
No medio rural hai que mellorar as condicións de vida para que cada día a xente nova se atope no rural cunha maior calidade de vida. E, como xa dixemos antes, arranxar problemas do sector para que faga rendible o traballo.