Facer o mesmo que propoñían as Irmandades da Fala: "Pobo que recobra a súa fala, recobra tamén o seu espírito". Se a cidade da Coruña é hábitat natural da cultura e lingua galegas, apostar polo uso e pola promoción do noso idioma sen excluírmos a ninguén, porque todas as linguas nos abren ao mundo e nos universalizan.

Que eu saiba, non son ningún pirómano. Iso si, gustaríame que moitos dos dereitos que figuran na Constitución (vivenda, traballo, saúde...) fosen unha realidade e non unha mercadoría que se vende e se compra por decisión daqueles Gobernos que tanto falan da Constitución e que a incumpren todos os días.

Porque se hai algo que dá vida ao dereito a vivirmos a cidade é precisamente a realidade plural e diversa dos seus barrios, tanto rurais como urbanos. Todas As Coruñas é o desexo compartido de facermos un concello para ser vivido desde a igualdade que supón o recoñecemento da súa vida diversidade.

O BNG-Asembleas Abertas e a Marea Atlántica son proxectos políticos diferentes, que parten dunha análise da realidade diferente. Nós recoñecemos que hai un conflito (uns poucos explotan a unha maioría que vivel mal e padece), que, sendo clásico, amósase agora con toda a súa crudeza. Asumimos a existencia deste conflito (de sempre chamado loita de clases), poñémonos do lado de quen o padece e propoñemos para a súa solución democracia e soberanía, porque neste momento non pode haber políticas de esquerdas sen poder de decisión como persoas e pobo que viven na Galiza.

Porque A Coruña ten nome de muller e gústanos conxugar o seu nome feminino en plural. Porque queremos que se coñezan Todas As Coruñas. Porque queremos outra forma para vivila. Porque queremos que as rúas dos nosos barrios sexan espazo onde poidamos tomar partido. Tomarmos partido e involucrarmos para que o Concello da Coruña sexa unha institución pública ao servizo da Coruña, unha cidade galega e mariñeira, que aposta polos barrios con políticas de emancipación social desde a ética e a responsabilidade de preservar o ben común. Podes saber máis de nós e do noso programa en bng.gal/cidadedacorunha e tamén en www.todasascorunhas.gal.

Si, por suposto. Hai que revisar a concesión da Compañía de Tranvías para evitar, precisamente, os problemas que se indican nesta pregunta.

Desde a implicación, o compromiso e a corresponsabilidade coa UDC, poden resolverse moitos dos problemas que padece. Apostamos non só por mellorar o transporte universitario (urbano e metropolitano, tendo en conta os camiños de ferro que nos unen coa comarca e con Ferrol) senón tamén por que a UDC conte cunha residencia pública, dado que tanto o Concello como a Deputación posúen edificios que poderían destinarse a tal fin.

A dinamización do tecido produtivo local, sinaladamente o comercio de barrio e o comercio nos mercados municipais, figuran no noso programa como temas obxecto da nosa atención. Apostamos, entre outras moitas medidas (que podes ver no programa, en bng.gal/cidadedacorunha), por un banco público de locais comerciais en todos os barrios, mais tamén polas sementeiras de emprego nos mercados municipais, aproveitando os numerosísimos postos baleiros que hai. E todo isto sempre coa finalidade de que os custes de alugueiro para unha actividade de comercio de barrio sexan asequíbeis.

Nós apostamos polo pequeno e mediano comercio. Non nos gustan as grandes áreas comerciais e non compartimos a barra libre dos horarios comerciais, porque benefician os grandes e prexudican os pequenos.

Trátase dunha aposta máis pola mobilidade en clave comarcal que supón non só aproveitarmos as nosas infraestruturas de mobilidade desde a optimodalidade (sinaladamente, a posibilidade de contarmos cun tren de proximidade e con transporte marítimo), senón tamén por favorecer o transporte individual en bicicleta para os desprazamentos interurbanos e comarcais mediante o trazado de roteiros interurbanos e adecuando o transporte público para levar as bicicletas.

Que escolleron libremente onde queren estar e, polo tanto, hai que respectar a súa decisión.

Unha cidade que tamén sexa hábitat natural da cultura galega porque a nosa identidade tamén nos abre ao mundo e nos universaliza. Nós apostamos pola cultura que fai cidade e pola cidade que fai cultura. Podes ver todas as nosas propostas en materia cultural no programa (en bng.gal/cidadedacorunha).

Eu non son nin líder nin caudillo que ofrece postos para ir nunha lista. Ademais, a Política, como ferramenta de transformación social para o benestar, pódese facer desde moi diversos escenarios de actuación, sen necesidade de sermos concelleiros e concelleiras. E a proba é que Roberto Rivas tronzou moitos valados desde a coherencia da súa ética e da súa dignidade.

Non se trata só de evitar que goberne o Partido Popular, senón de garantir que haxa políticas galegas e de esquerdas no Concello da Coruña. O BNG-Asembleas Abertas e a Marea Atlántica son proxectos políticos diferentes que parten dunha análise da realidade diferente, pero en todo caso respectuosa.

Para evitar que botasen a unha señora de máis de 80 anos á rúa, deixándoa cunha man diante e outra detrás e sen ningún tipo de axuda. Fun coherente co deber de socorro das persoas que o necesitan.

Si que o é. Por iso apostamos por unha residencia pública universitaria aproveitando edificios do Concello e da Deputación para tal fin.

Como Pedro Galán Calvete (secretario das Mocidades do Partido Galeguista asasinado no 36), son das persoas que dá a man esquerda, porque sae da man do corazón e vai á man do corazón.

Figuran todas elas no noso programa: si ao saneamento da ría do Burgo; si aos touros e non ás touradas (lástima de bois!, Castelao dixit) e non aos aparcadoiros como negocio. Podes consultar o programa en www.todasascorunhas.gal.

Entre outras moitas, declaración do porto da Coruña como porto altamente dependente social e economicamente da pesca e apoio a todas as actividades de pesca, marisqueo, baixura, percebe... en todos os seus ámbitos de actuación. Podes velas todas no programa (está en www.todasascorunhas.gal).

Moitos dos problemas da cidade da Coruña (pesca, tren de proximidade, aeroporto, ría do Burgo...) resolveríanse se como galegos e galegas que vivimos na Coruña tivésemos máis poder de decisión. Porque non hai políticas de esquerda se non hai soberanía.