Son moitas pero destacaría o 1º Plan Integral de Emprego porque é unha gran necesidade, especialmente para a mocidade e, dentro disto, englobaríase a creación do chan industrial do que Ribeira carece.
Outro sería facer que a lonxa de Ribeira se convirta na referencia de toda a ría de Arousa creando un selo de calidade para promocionar a venda dos nosos produtos pesqueiros.
No ámbito da natureza facer no parque natural e nacional das Illas Atlánticas de Galiza un centro de investigación medioambiental coordinado coas tres universidades.

Faríamos unha xestión totalmente transparente, publicando Orzamentos, procesos selectivos, proxectos, soldos, etc na páxina web municipal e tamén se establecería un regulamento de participación cidadá co cal a veciñanza tería acceso á documentación e información de interese xeral.

Converter a casa da xuventude na casa das asociacións dotándoa dos medios precisos para que realicen a súa actividade con total liberdade.
Colaboraríamos activamente nas propostas de actividades que se nos achegaran, sen interferencias políticas.

Reuniríamos un consello de seguridade formado polo concello e as forzas de seguridade para coordinar a actividade de seguranza do municipio.
Dotaríamos de medios adecuados, que hoxe non teñen, á policía local e esixiríamos o incremento de persoal para que haxa máis presenza de policía de proximidade.

Estamos notando moi bo ambiente ante as nosas propostas, as enquisas reflicten que o BNG é a alternativa ao PP e estou seguro de que o domingo rematarán as maiorías absolutas do PP.

Crearíamos aparcamentos disuasorios gratuitos, nas diversas entradas da cidade. Tamén se potenciaría o transporte público coa creación de bonos para estudantado, xubilados e desempregados.
No tema de semáforos vemos como hai unha constante improvisación, decidiríamos con criterios profesionais se esta é a mellor maneira de regular o tráfico en Ribeira.
Revisaríamos a concesión do aparcamento do Centenario para facelo municipal con tarifas reducidas.

Ribeira precisaba unha praza de abastos, era unha demanda histórica e somos o derradeiro concello da Barbanza que a fixo. Tanto na lonxa como no mercado, o BNG implicaría aos sectores aos que van dirixidos para participar na distribución como no deseño evitando os problemas que houbo, adecuando as dimensións ás necesidades reais evitando proxéctos faraónicos e caros.

O BNG eliminaría as relacións cos bancos que botasen da súa vivenda habitual a familias do noso concello.
Nós habilitaríamos un número determinado de vivendas onde realoxar a persoas desafiuzadas. Así mesmo crearíamos un Fondo de Emerxencia Social co que axudar a desafiuzados, persoas co pobreza enerxética (luz, agua, gas) ou con problemas de subsistencia.

O BNG rexeitou este emprazamento desde o primeiro momento polas molestias que ocasionaría a toda a veciñanza de Deán e de Ribeira. Non consideramos adecuado o lugar para un polígono industrial.
Nós apostamos polo Polígono Comarcal da Barbanza, tal e como recolle a Xunta de Galiza na estratexia até 2020, facéndoo por fases segundo a necesidade e a dispoñibilidade orzamentaria.

O comercio local é unha das nosas grandes apostas. Faríamos una rebaixa de impostos locais ao pequeno comercio que xerase postos de emprego e dinamizaríamos todas as actividades comerciais en colaboración co sector.
A casa da xuventude converteríamola nunha casa das asociacións onde puidesen programar actividades e realizar o seu traballo, para iso, dotaríamola de medios necesarios e apoiaríamos as actividades sen interferencias políticas.
No referente ás ONG, o BNG loita polos dereitos das persoas e non quere institucionalizar a beneficiencia, consideramos que o elemento esencial da acción asistencial no concello ten que ser Servizos Sociais. Valoramos positivamente o traballo de todas as ONG's, polo que seguiríamos colaborando con elas.

Faría unha reestruturación de todo o gabinete de alcaldía suprimindo asesor de prensa, rebaixando substancialmente o soldo do alcalde e do/a secretario/a persoal. O soldo do acalde vai regulado actualmente por lei polo que o rebaixaríamos até o mínimo do baremo legal.

Suprimir toda a propaganda innecesaria e gasto supérfluo neste eido para destinala ás prioridades actuais, emprego, servizos sociais, etc

O BNG traballa e traballará pola superación deste modelo insustenable. Apostamos pola redución, reutilización e reciclaxe así como pola compostaxe. Ribeira debería apostar pola planta da mancomunidade "Serra do Barbanza" que xera 10 veces máis emprego local que SOGAMA e recicla sobre un 45% mentres que o modelo SOGAMA queima o lixo e non chega ao 8% de reciclaxe.

Efectivamente este goberno, no peor da crise subiu todos as taxas case o 10%. Desde o BNG queremos facer rebaixas para o pequeno comercio e tamén as empresas que apostan polo noso concello. Neste eido temos que ser serios e rigorsos, non imos facer promesas que non se poidan cumprir.

O BNG sempre se opuxo a este proxecto e seguirá opoñéndose, porque encobre un pelotazo urbanístico e ambiental. Ademais fomos os primeiros en publicar na nosa web, toda a información da que dispoñíamos para que a veciñanza estivese informada.

Unha das apostas en materia cultural do BNG é apostar polos artistas do país, en calquera eido (musical, creativo, etc) apoiaremos as actividades de colectivos e asociacións. Impulsaríamos as actividades en todos os centros sociais das parroquias ao longo do ano e non só en certos meses como na actualidade.
Finalmente crearíase a escola municipal de danza, gaita e percusión entre outras moitas medidas.

Non consideramos adecuado o uso que se fai do GAEM e da Protección Civil por parte do Partido Popular, desviándoo das súas funcións de seguridade e prevención. O seu traballo debe cinguirse ás súas obrigas de formación, protección e emerxencias polo que un goberno do BNG non o empregaríamos con fins políticas.
Como a pintura xa é un feito consumado agardamos que Cruz Vermella que fixo sempre moi bo labor se atope cómoda no seu novo emprazamento.

Estamos totalmente de acordo, mais para iso é necesario dotala de medios materiais acaídos e de máis persoal.

Vivimos nun entorno natural privilexiado, máis que afectados gústame falar de propietarios, eles deben ser os principais beneficiarios das políticas a desenvolver.
Queremos aproveitar as 300.000 persoas ao ano que nos visitan ás que non se lle saca ningún proveito, para xerar emprego e riqueza mediante o ecoturimo, turismo deportivo, etc un turismo sustentable que non ten por que estar en contradición coa explotación responsable das propiedades.