Con Orozco non, radicalmente. Cremos que ten responsabilidades políticas e ademais está imputado. E nós vimos para dignificar a vida do Concello e que a xente volva confiar na súa institución máis próxima.

Os restos hai que poñelos en valor porque a nosa cidade ten un patrimonio histórico que temos que coidar e potenciar, ben sexa no Cuartel de San Fernando, ben sexa no MIHL, estes restos deben expoñerse ao público.

Se Orozco ten maioría de votos, poderá formar un goberno en minoría, pero nunca terá o apoio para a súa investidura por parte de Lugonovo. E por suposto, non apoiaremos nunca unha alternativa do Partido Popular.

Temos que impulsar políticas de emprego fomentando e impulsando proxectos de desenvolvemento no eido agrario e gandeiro, no eido turístico, no eido do pequeno comercio, no eido da cultura; en definitiva, temos que pór en valor as nosas potencialidades, coa axuda dos axentes sociais e da Universidade, que ten un gran capital humano para construír proxectos de desenvolvemento para esta cidade. Hai que aproveitar o CEI-Nodus, de Garabolos, con fondos europeos, para estimular o emprego xuvenil.

A Orozco xubilaríamolo e a Castiñeira mandariámolo ao paro. Nunca pactariamos un goberno co Partido Popular e esixiriamos a renuncia de Orozco para sentar a negociar unha coalición de goberno co PSOE e outras forzas progresistas.

Politicamente, a corrupción e o clientelismo. Socialmente, o paro e a desigualdade, e a falta de compromiso das institucións para poñer en valor as nosas potencialidades económicas, que son moitas.

Si, claro. Temos proxectado un carril-bici norte-sur. Hai que rescatar o plan de mobilidade, que está gardado nun caixón e que custou máis de 100.000 euros, e no que se vén a deseñar un modelo de transporte alternativo, fomentando o uso da bicicleta. Isto hai que facelo, non que dicilo, e polo tanto temos a ferramenta adecuada, e a vontade política de efectivizalo. Non hai nada máis patético que ver a Mariano Rajoy de garavata e con zapatos de charol subido nunha bicicleta. E o mesmo poderiamos dicir do señor Orozco, que aínda que non sobe á bicicleta, despois de 16 anos, non mostrou a máis mínima sensibilidade polo uso da bicicleta na nosa cidade. En definitiva, é unha cuestión de vontade política.

Con ningún.

Poñeremos en marcha un plan de transparencia que serva de antídoto da corrupción e do clientelismo. Mediante este plan, todos os lucenses só cun click no seu ordenador, poderán coñecer a xestión do diñeiro público ao milímetro, os contratos coas empresas privadas e os contratos de persoal. É un compromiso irrenunciable de Lugonovo. Queremos que o Concello de Lugo sexa unha furna de cristal. Ademais, temos o compromiso de reducir o custo da corporación municipal nun 50% (750.000 euros, que adicaremos ás familias máis desfavorecidas).

Lugonovo é a única plataforma cidadá que celebrou eleccións primarias abertas á cidadanía, é dicir, que todos os lugueses e luguesas puideron participar, é a única plataforma plural que representa un novo tempo, unha nova forma de facer política e quere ser a resposta ós problemas que plantexa este novo tempo, dende a radicalidade democrática.

Aprobar unha renda mínima de inserción destinada ás familias en situación máis vulnerable, cun montante de 750.000 euros, que sacariamos do 50% dos soldos da corporación municipal. Efectivizaríase no primeiro pleno que celebrase a nova corporación despois da súa constitución.

Que estamos nun tempo histórico, de cambio, para o futuro da maioría social, e en consecuencia esixe un compromiso de participación, coa política, coas institucións e, en definitiva, coa democracia, porque é o único instrumento que temos a xente do común para defender os nosos dereitos, o noso benestar, e construír colectivamente o noso futuro.

Por compromiso cívico cun momento especialmente delicado para o futuro da xente e para a propia democracia.

Hai xente nova, de mediana idade... de todas as idades, froito dunhas primarias abertas á cidadanía, e en democracia non se poden pór límites. Coido que somos a representación do que é a poboación de Lugo, onde todos e todas somos necesarios para construír un Lugo novo.

Si. Podemos apoia a Lugonovo, pero non decide, decidimos as persoas. Estes días pasados estivo no local de Lugonovo, o secretario xeral de Galicia, Breogán Riobóo, e o secretario local, Xabier Folgueira, para mostrar ese apoio.

A primeira: renda de inserción para as familias máis vulnerables. A segunda: plan de transparencia. A terceira: desenvolvemento dos consellos municipais para darlle participación á xente na vida política da institución.

Abrir un debate sobre esa cuestión. Reservar esa dotación pública como espazo público, darlle unha solución á situación de deterioro e abandono que sofre por parte da Xunta e abrir un debate coa cidadanía para dotalo, ou ben dun espazo educativo, ou ben doutro tipo de infraestrutura pública, como podería ser o Museo da Romanización, ou algunha outra que puidera decidir a cidadanía.
Por iso, Lugonovo se presenta a estas eleccións como a única forza política que someterá a referendum aquelas decisións que consideramos de trascendencia para esta cidade. E dende logo esta ten esa trascendencia, polo que os lucenses decidirán sobre o futuro do cuartel de San Fernando.

Eles non quixeron. A nosa única esixencia era que se someteran a unhas eleccións primarias abertas á cidadanía, e nunca obtivemos resposta.
Izquierda Unida en Lugo está instalada nunha ceremonia da confusión á que non é alleo o seu candidato, o señor Portomeñe, dado que en ningún momento tivo a máis mínima vontade de chegar a ningún tipo de acordo.

Nós imos intentar, dende o Concello, defender a nosa lingua con propostas o menos sectarias posibles. Que a xente teña unha conciencia clara, que o galego ten que ser un instrumento de unión, e nunca de separación. En todo caso, nós faremos unha política de discriminación positiva dada a súa situación social.

Non. É unha plataforma cidadá de xente plural, que quere ser referente dunha nova forma de facer política.

Defender as titulacións actuais e atraer estudantes favorecendo alugueres, sobre todo aos do plan Erasmus, e pondo en marcha bolsas de axuda en función de determinados criterios para estudantes con máis dificultades económicas. Para nós, o futuro da nosa Universidade é unha das nosas maiores preocupacións e volcarémonos no seu apoio buscando a colaboración con outras institucións. Entendemos que gran parte do futuro de Lugo debe encardinarse no capital humano que ten a nosa Universidade.

Primeiro, Santín non se presenta a alcalde. Segundo, os cidadáns deben pronunciarse. Terceiro, non se trata de ocupar concellerías, trátase de trocar modelos, e os cidadáns decidirán.

Nin a Rajoy, nin Albert Rivera, nin Pedro Sánchez. E no caso de Pablo Iglesias, veremos con que programa se presenta a unhas eleccións xerais. Se concorda cos postulados que nós defendemos para esta cidade e para este país, entraría nas miñas preferencias.

Creo que vostede ten que coñecer moito máis a nosa candidatura e o noso programa. A partir de aí cambiará de opinión.

O PXOM debe desenvolverse no entorno do HULA para permitir dotacións de todo tipo, equipamentos... en definitiva, mellorar o entorno e dende logo achegalo á cidade mediante a mellora das comunicacións.

Lugo non é unha cidade industrial, á vista está. Eu creo que hai que apostar polo turismo, polo comercio, pola cultura, pola produción agraria e artesanal.

Esa afirmación é falsa ou malintencionada. Lugonovo é unha plataforma cidadá na que todos os seus membros están a título individual e as decisións foron, son e serán tomadas en asemblea. Os partidos políticos que apoian esta plataforma non teñen ningunha capacidade de decisión. Na plataforma Lugonovo estase a título individual.

Sen dúbida que é necesario modificalo, pero, o que é máis importante, tal e como nos ten trasladado moita xente do rural, é coñecer esa modificación de xeito individual, para evitar unha situación de descoñecemento absoluto do que se vai facer con ese 5% pendente, o que deixaría a moitos afectados nunha situación de absoluta de incertidume.

Hai que modificalo cun obxectivo claro, e facelo claro desde o inicio do mandato, co obxectivo de recuperar dotacións e fundamentalmente rehabilitar o casco histórico para que o recinto amurallado volva ser un lugar de residencia, dado que na actualidade non se chega a 2.500 moradores, cando nalgún momento houbo preto de 9.000. Ese ten que ser un obxectivo irrenunciable porque suporá a dinamización, non só do comercio e da hostalería, senón da sociedade luguesa no seu conxunto.

Imos estar na manifestación porque é de xustiza para a nosa cidade. Nós estamos ao lado dos cidadáns que de boa fe se manifestan por algo que consideran indispensable para o noso benestar. Non podemos estar pensando en manipulacións e cuestións menores cando o importante son eses servizos tan esenciais para os cidadáns.

En ningún caso. E permítalle que lle faga unha pregunta, quen cre vostede que é máis vello, Stephan Hessel ou Albert Rivera? Pois eu penso que é moito máis vello Albert Rivera.

Fume. O grave de todo isto é o tempo perdido.

Eu non minto. Eu reflexo uns feitos. En todo caso, supoño ou quero supoñer que froito da desinformación fai vostede unha afirmación que non se axusta á realidade. Lugonovo, como dixen antes, é unha plataforma cidadá na que se está a título individual e tómanse as decisións en asemblea aberta á cidadanía. Lamento a súa desinformación, non lle supoño mala fe, pero si aclararlle dunha vez por todas cal é a realidade da plataforma Lugonovo.

Negociar co sector do taxi en función das necesidades dos usuarios e tamén dos propios taxistas.
Lémbrolle que o taxi é un servizo público, e como tal debe mellorarse na medida que o demanden tanto os usuarios como os profesionais.