Pídolle o voto para o PSOE, como fixo vostede sempre. Somos os que garantimos o cambio ao PP. Falaremos coas forzas do cambio, porque temos a capacidade do diálogo. Xa o fixemos en decembro; ofreceremos as nosas propostas a todas as forzas políticas que crean no cambio en España.

Galicia ten un inmenso e desaproveitado potencial turístico. Dende a costa, ata o noso interior, pasando por tantas vilas, pobos e cidades. Non existe un proxecto turístico para o noso país. Primeiro habería que escoitar ao sector e, por suposto, por reorientar a estratexia. Temos moito máis ca praias e bandeiras azuis. Hai moito máis traballo e beneficios para a xente por acadar. E imos conseguilo dende o goberno.

O domingo acontecerá o que os cidadáns queiran e será, sen dúbida, o cambio en España con Pedro Sánchez de presidente do goberno. E, a partir de aí, o cambio en Galicia.

Para min é un misterio. En todo caso é unha honra formar parte do equipo do cambio e, sobre todo, que Galicia teña voz e presenza nun sector para nós estratéxico.

Dende hai tres meses asumín a presidencia da Xestora do PSdeG e o meu traballo está sendo, precisamente, impulsar ao partido neste tempo e preparar o vindeiro Congreso Nacional que elixirá a unha nova dirección. Isto, e o meu traballo como deputada defendendo os intereses de Galicia no Congreso dos Deputados.

As normas do PSOE son claras: non hai primarias para a confección das listas. O PSdeG cumpre sempre cos resultados das primarias e, ademais, amosa unha unidade total despois de escoitar a voz da súa militancia. Ogallá os demais partidos tomen exemplo de nós.

Os extremos saben que só a forza que ocupa a centralidade política, por ser capaz de dialogar e chegar a acordos con todos os demais partidos que queren cambio, ten a oportunidade de liderar un proxecto de todos/as e para todos/as. E ese partido é o PSOE.

Non son, fun nin serei do PP. E, para min, é unha honra ter sido Sª de Organización do PSdeG e, agora, presidenta da súa xestora.

O PSdeG-PSOE defende o modelo de sociedade que a maioría da cidadanía entende como súa: servizos públicos, sanidade universal, pensións públicas, ensino, bolsas á formación, igualdade, emprego de calidade e non precario. É o que defendemos sempre e o que defendemos agora.

Nós propoñemos un "subsidio de desemprego" para a xente con discapacidade, así como unha atención personalizada no ensino e preferente no ámbito sanitario. E derrogaremos a reforma da Ley de Reforma da Administración Local, que privou aos concellos de recursos abondos para cubrir servizos sociais básicos.

O teu voto, se estás indeciso/a, é determinante nestas eleccións. O cambio sómente é posible se contamos co apoio suficiente para artellar un goberno de cambio. A nosa folla de ruta é ben coñecida: igualdade de oportunidades, o reforzo dos servizos públicos, que pague máis quen máis ten, garantir as pensións públicas e, por enriba de todo, crear emprego estable e de calidade para que podas desenvolver o teu proxecto vital sen ter que marchar do teu país.

Existe un expediente disciplinario en curso e que rematará en breve. Neste momento está suspendido de militancia.

Paradoxicamente, nas tres grandes cidades da provincia, onde gobernaba o PP, e o cabreo era maioritario, votaron a gobernos alternativos aos partidos tradicionais. Nós apoiamos facilitamos gobernos de cambio, alternativos ao PP,e traballaremos arreo por recuperar a confianza da cidadanía facendo unha oposición responsable e construtiva.

Existen colectivos de desempregados que, para nós, resultan preferentes: parados/as de longa duración, as mulleres, a mocidade e, de xeito especial, os maiores de 45 e 52 anos; que teñen máis dificultades para reincorporarse ao mercado laboral. A eles/as diriximos as nosas políticas activas de emprego, agora inexistentes, e para os que plantexamos un subsidio de desemprego para que podan vivir con dignidade mentres non atopan traballo.

Non. Dixemos que favoreceriamos gobernos de cambio, e así o fixemos. O cal non é incompatible con facer unha oposición crítica, seria e responsable.

Eu mesma, como funcionaria, sei o que é traballar coa precariedade de persoal cos gobernos do PP; críticos en recursos. Así que si, apostaremos por persoal público que traballe en condicións de estabilidade e dignidade para recuperar a calidade do noso sistema sanitario. Un sistema que se sostén e segue prestando servizos a pesar dos retallos orzamentarios e grazas ao compromiso do persoal.

A nosa principal proposta é un gran Pacto de Estado contra a Violencia de Xénero. Foi o primeiro que propuxén cando asumín a presidencia da Comisión. Se gobernamos, ademais disto, incrementaremos as medidas de protección para as mulleres en situación de risco, partidas orzamentarias suficientes en materia de prevención e asistencia social, o acompañamento xudicial persoalizado, protexer ás mulleres que retiran as denuncias, atención especial ás adolescentes e publicar a lista de maltratadores con sentenza firme; entre outras.

Unha vez máis, a recuperación da materia de Educación para a Cidadanía é fundamental para a prevención.

o que el queira, porque o merece.

Os votos da xente son os que elixen goberno e presidente, non as enquisas. Somos un partido experto en vencer ás enquisas e volveremos a facelo o 26X. Falaremos cos quen queiran un goberno alternativo ao PP.

Primeiro de todo, recuperar a súa dignidade (acabar coa demonización exercida polo PP do persoal público): favorecendo un traballo de calidade, un deseño dunha carreira profesional realmente estimulante, a modificación da selección do persoal para adaptala ao s. XXI, dinamizar novamente a promoción interna (estanse sacando agora ofertas con máis dun lustro de antigüidade), ademais de acabar coas portas traseiras para "funcionarizar" a quen non aproba un proceso selectivo xusto e igualitario. Entre outras medidas.

A xente sabe que o único goberno viable é aquel que acade os suficientes apoios parlamentarios. E tamén sabe que o PSOE quere un pacto amplo coas forzas do cambio: só daremos un goberno estable e confiable á xente se o pacto é amplo e sólido. A partir de aquí, é a xente quen decide. Con todo, Pedro Sánchez e o PSOE cumpriron a súa palabra nestes meses, e a partir do 27X seguiremos a facelo como sempre.

Depende. Nas Municipais o PSdeG-PSOE recuperou poder institucional e sumou novos apoios: máis alcaldes/as socialistas. O que nos permite, neste momento, gobernar 3 das 4 Deputacións. Esa forza será fundamental tamén para acadar o cambio en Galicia con Xoaquín Fernández Leiceaga de Presidente.

O PSOE asinou un convernio con Transparencia Internacional e temos un compromiso firme en rexerar a democracia con medidas como: acabar coas portas xiratorias, modificar a Lei de Transparencia para impulsar a rendición de contas, entre outras. O noso goberno será limpo e, por descontando, erradicará con firmeza as canles para a corrupción. Xa o fixemos internamente e alí onde gobernamos. Ese é o noso exemplo.