espero sacar os suficientes para enviar o PP á oposición e gobernar o PSdeG

Si, descártoo. Por responsabilidade despois destes 4 anos non se pode deixar a nosa cidade outros 4 nas mans dun goberno como o que tivemos.

Poñeremos en marcha un plan de emprego con soporte orzamentario que vai consistir en: crear unha bolsa de emprego a través dos obradoiros de emprego para realizar todas as tarefas de mantemento que precisa Santiago, tanto no rural como na cidade, priorizando aos mozos e mozas, parados de longa duración, persoas de máis de 50 anos... Un programa característico dos socialistas promoverá a rehabilitación de vivendas a través das ARIs que ao tempo que mellore a habilitabilidade fomente o emprego nun sector tan castigado como é a construción. Baixaremos o prezo do chan industrial polo menos un 70% e poñeremos 8 anos de carencia para atraer empresas e encher os polígonos industriais, particularmente con empresas de distribución que podan aproveitar que cos gobernos socialistas Santiago se convertera no centro das comunicacións. Impulsaremos as cooperativas cunha liña de microcréditos de 3 millóns de euros promovida polo Concello e conxuntamente coa USC o Biocluster da saúde e o Parque das telecomunicacións para dar traballo aos nosos licenciados e investigadores.

Ca mesma metodoloxía que puxo en marcha Besteiro con éxito na Deputación de Lugo, primeiro pedíndolle aos veciños que prioricen aqueles temas que consideran máis importantes, despois priorízanse as diferentes solucións para resolvelos e por último asígnase o orzamento. Todos os veciños/as teñen a oportunidade de responder aos cuestionarios que se lles pasan e por tanto de dar a súa opinión e influír na decisión dos investimentos do seu Concello. A convocatoria farase a través das asociacións veciñais.

Esa é a vocación do PSdeG en todas as eleccións nas que se presenta. Necesitamos a maior representación posible para defender o estado de benestar e cambiar a sociedade para que sexa máis xusta e igualitaria.

O desemprego.

Dende a miña elección nas primarias do PSdeG segundo as enquisas o meu grao de coñecemento pasou do 18% a máis do 66%. Aínda teño que chegar ao 34% restante... Espero facelo nesta semana, ou polo menos intentalo!

O PSdeG sempre formulou as campañas para explicar o seu proxecto, presentar as súas candidaturas e debatir propostas de forma construtiva.

Non, estimúlanme.

Traballarei para esta cidade na posición que os veciños e veciñas consideren oportuno.

A miña traxectoria é a dun funcionario, é pública e coñecida por todo aquel que queira. Fun escollido candidato nunhas primarias onde os meus compañeiros/as entenderon que eu era o mellor candidato do partido nesta ocasión para a cidade.

Temos que resolver o problema de aparcamento negociando coas concesionarias para que baixen o prezo e temos a oportunidade de xerar 1.600 novas prazas de aparcamento en superficie no Campus sur como permite o actual PXOM. As melloras na iluminación, rotulación e traballar por un Ensanche máis accesible a todos e todas, así como o impulso ao comercio permitirán poñelo en valor.

Do orzamento municipal haberá unha partida de tres millóns de euros en microcréditos para as cooperativas, dos cales un millón será para avais. A xestión dos mesmos farase a través da banca ética. Tendo en conta que a media do capital para a posta en marcha dunha cooperativa son 18.000 euros e que cada cooperativa crea como mínimo tres empregos, e que as cooperativas son as empresas que mellor están a resistir a crise esta vai ser unha boa fonte de xeración de emprego estable.

Rehabilitarémola e converterémola na Casa da Cultura, que sirva como sementeira de cooperativas de artistas e de compañías, e que estas poidan desenvolver aquí a súa actividade e enriquecer a vida cultural da cidade.

Cun Plan integral de habilitabilidade 2015-2019 que aborde non só a rehabilitación das vivendas senón tamén os servizos, accesibilidade e mobilidade. Fomentando a vivenda en réxime de aluguer para mozos e mozas, de xeito que se incremente a diversidade de habitantes no casco histórico. Retomaremos o proxecto da parcela de Xoán 23 para vivenda de protección oficial de aluguer para mozos.

Mellorar o transporte e as súas frecuencias, retomar o programa de depuradoras individuais cun convenio coa Xunta, potabilizar a auga das minas cando así o decidan voluntariamente os núcleos rurais e os veciños, aplicar un programa de mantemento continuado sobre as pistas e poñer en marcha o programa Persoas polo que se identificarán 10 centros socioculturais de referencia onde os maiores estarán atendidos de 9 a 14 h cun asistente social e cun fisioterapeuta.

O PP pasa á oposición e o PSdeG é o primeiro partido da esquerda!

Non vin tanto afastamento no meu porta a porta como se podería pensar. A xente que rexeitou falar destas eleccións non superou o 1%.

Temos un proxecto de cidade, unha candidatura renovada e 27 anos d traballo en goberno pola cidade.

135 anos de historia, un proxecto para Santiago e 27 anos de traballo por esta cidade achegando crecemento, modernidade, progreso, igualdade de oportunidades e estabilidade.

Convocar un pleno para aprobar as modificacións orzamentarias para a posta en marcha dun plan de emprego.

Reducir nos 2 primeiros anos do mandato as persoas en risco de exclusión social nun 15% e duplicar o gasto social do Concello ata 110 euros por habitante. Se non o acado, no 2017 dimitirei.

Non o temos previsto. A nosa intención é investir para rehabilitala.

Si, cobraremos por todos aqueles bens inmobles que teñan como obxecto a industria, negocio ou xeración de lucro. Como a calquera veciño.

Temos un proxecto de cidade cos obxectivos de xerar emprego, loitar contra a pobreza, desenvolver unha cidade habitable e loitar contra a corrupción... Temos unha candidatura que supón unha renovación xeracional, con xente preparada de diversos ámbitos profesionais. En ningún caso, de acadar a confianza maioritaria, estaría máis de 2 mandatos como alcalde.

Si, así o presentamos, podes consultar un adianto do proxecto neste enlace: http://www.pacoreyes.info/actualidade/notas-info...

Vamos a manter o parque da Alameda en boas condicións para a práctica do running e tamén habilitaremos o parque Eugenio Granell para esta práctica.

Descoñezo a que se refire. O único que fixen foi defender a Facultade de Medicina como única do sistema universitario galega e defender que Odontoloxía debe pasar ao Concello como establece o convenio coa USC cando estea construída a nova facultade de Medicina e a de Odontoloxía.

Queremos poñer os ascensores dos edificios de Vite, non quedará ningún veciño sen ascensor por problemas económicos, arranxar a rúa do centro de saúde e o polideportivo e imos resolver o problema de aparcamento con tarxetas para os familiares dos residentes, para que fillos e fillas podan visitar aos seus pais e nais sen problemas para aparcar.

Pois hai seis días respondín de xeito resumido a esta pregunta, podes consultala neste enlace: http://santiagoaeropuerto.com/24-m-la-vision-del...

Nós apostamos polo proxecto de Herreros gañador dun concurso público, e non pola ampliación do vestíbulo que pretende o PP, porque non está á altura da capital galega.

O PP e as súas políticas neoliberais.

Nós estamos a favor de que sexan os veciños quen decidan directamente en consulta cidadá sobre a fusión dos seus municipios. Tamén estamos a favor da cooperación dos municipios mancomunando servizos.

Pois ninguén me pediu nada fóra de lugar, outra cousa é que son moitas as necesidades e non queda outra que priorizar.

Ter unha cidade máis habitable e máis humana non quere dicir eliminar todas as prazas de aparcamento en superficie. Imos desenvolver un Plan director de aparcamentos que teña en conta os aparcamentos en superficie (que non construíu Agustín Hernández), a redución dos prezos dos aparcamentos subterráneos e a posibilidade de xerar 1.600 prazas de aparcamento en superficie no campus sur.

Si.

Vote polo PSdeG-PSOE.

A solución para por mudar a lexislación galega, mentres tanto temos que facer convenios relacionados con festivais de tempada. Trataremos de que a Xunta traballe por este cambio na lexislación.

Estou de acordo en que o mellor modelo de primarias serían unhas primarias abertas, pero a Conferencia política de novembro de 2013 do noso partido decidiu que foran primarias para os e as militantes, e así o aceptei.