Figura no noso programa a xubilación prevista aos 65 anos e a voluntaria aos 60. Todo o que figura no programa é un compromiso firme que establecemos cos cidadáns.

Por suposto, é unha das nosas preocupacións máis importantes: o impulso ao emprego. E a recuperación produtiva e social das áreas rurais. Por pormos un exemplo, hai que fomentar no rural as canles de cormercialización curta, de proximidade. E hai que aplicar plans de desenvolvemento local. É un problema de vontade política. E EN MAREA cre na innmesa potencialidade das persoas, e sobre todo, da xente nova que vive e traballa nas áreas rurais.

Eu estou convencido de que EN MAREA obterá Grupo Parlamentar Galego propio no Congreso. E está acordada (existe un documento aos efectos) a formación deste Grupo e a súa autonomía plena como tal.

A cultura en galego, en todas as súas amplas manifestacións, é unha riqueza, e non só no plano creativo senón tamén no plano económico. A creación cultural é tamén un "sector estratéxico": a lectura, o coñecemento. Temos que volver situar a cultura galega no 2% do PIB, o que significou no seu día 30.000 postos de traballo directos. As políticas levadas polo poder gobernante nos últimos anos supuxeron un atentado directo ao poder creativo e expansivo da cultura galega. E iso hai que cambialo. E EN MAREA farao.

Iso é algo que tamén está no noso programa. Hai que aplicar esquemas racionais nos trazados terrestres das comunicacións. E sempre en procura do mellor servizo ás persoas, procurando ademais a seguridade e a operatividade viaria. Vexamos o que está a acontecer, por exemplo, no Alto do Fiouco. Non máis "chapuzas", por favor!!!

Como dicimos na Terra Chá, non hai que pór o carro diante dos bois. As esquerdas do Estado españól, e EN MAREA entre elas, aspiramos mesmo a superar en número de escanos ao PSOE. Esa pregunta tal vez haberíalla que facer, noutro sentido, a Pedro Sánchez. O que non imos permitir nunca é que se apliquen políticas austericidas, reaccionarias e que vaian en contra da clase traballadora, da xente.

Eu aposto porque si, chegará. Eu sempre defendín (mesmo como membro da Coordinadora do Encontro Cidadán por unha Marea Galega) unha "unidade popular" de candidatura galega única. Tarde ou cedo será así. Mais a día de hoxe, xa case nas últimas horas da campaña, todo indica que o "voto útil" das esquerdas é o voto a EN MAREA.

Defendo a democracia venezolana e o papel que Hugo Chávez tivo nese proceso democrático, recoñecido en todo o mundo, polas propias Nacións Unidas, pola propia UNESCO e pola propia (nada sospeitosa, por outra banda) Fundación Carter. Os índices de benestar da maioría da poboación da democracia bolivariana nunca existiron antes en Venezuela. E iso está demostrado con datos obxectivos. Outra cousa é que se apliquen distintas "varas de medir" (sempre "interesadas") para xulgar a realidade.

Educación pública, universal e gratuíta. A sanidade e a educación, dende a miña perspectiva, nunca deben ser obxecto de negocio privado, e aínda por riba "subvencionado".

Son moitas as medidas que hai que levar a cabo neste ámbito. Para nós o "Pai e Señor Miño", como lle chamaba Manuel María, é un tesouro ecolóxico, cultural e simbólico de primeira magnitude. Hai que potenciar un turismo ambiental e cultural de calidade, e iso non entra en contradición cun turismo deportivo "racional" e respectuoso coa natureza.

EN MAREA pensa que a cultura non debe ser "tutelada" ou dirixida. Hai que apoiar as iniciativas de base, os proxectos culturais que nacen da xente creativa e organizada. E hai que democratizar o acceso á cultura.

Penso que xa respostei a iso nunha pregunta anterior. Existen datos oficiais, por exemplo, de Nacións Unidas ao respecto. Neste tema, coma noutros semellantes, hai que procurar ser obxectivos e estar ben informados.

EN MAREA terá Grupo Propio Parlamentar galego no Congreso. Por iso, agora mesmo, EN MAREA é o voto útil da esquerda en Galiza.

Do seu esforzo, do seu traballo. Moitas veces dos préstamos bancarios, abusivos. Os gandeiros galegos son persoas sumamente traballadoras e emprendedoras.

Eu concibo o nacionalismo galego, e a política de esquerdas, como unha forma de humanismo. Humanismo no cultural, na riqueza da cultura, e humanismo no que atinxe á irmandade e á Fraternidade. Un nacionalismo culto, un nacionalismo integrador, dialogante, con alento universal.

No caso de Lugo, por exemplo, nos últimos dez anos perdeu 6.500 habitantes. EN MAREA cre na potencialidade do rural, na súa riqueza. É un serio compromiso de EN MAREA potenciar a "vida plena" no noso rural.

Iso non é decisión miña, individual. É unha decisión colectiva. E eu acredito na "intelixencia colectiva".

Todos os traballadores e funcionarios, tamén os gardas civís, sufriron "recortes", tanto nos seus salarios como na dotación. E todo traballador ten dereito a manifestarse en defensa dos seus dereitos laborais.

Todos os candidatos e os votantes de EN MAREA son galegos, por suposto. EN MAREA agrupa ás organizacións políticas Anova-Irmandade Nacionalista, Podemos, Esquerda Unida, as Mareas Municipais dos Concellos de Santiago, A Coruña e Ferrol (actualmente no Goberno) e a Marea Galega, composta por cidadáns e cidadás sen adscrición partidaria. Somos nacionalistas de esquerdas e internacionalistas.

Vote vostede en conciencia. Vote pensando no presente e no futuro. No futuro dos seus fillos. E vote tamén contra a corrupción, contra as políticas que atentan contra o común da xente. Saúde.

Lugo é unha provincia, neste aspecto, moi castigada. E EN MAREA non podemos permitir iso. Defendemos unha conexión Lugo-Madrid a través dun AVE, así como defendemos unha conexión por autovía co aeroporto de Lavacolla a través de Guitiriz. E tamén son necesarios os trens de cercanías que comuniquen entre sí as cidades do Lugo interior e co Lugo capital. Todo iso figura no programa de EN MAREA.

Porque EN MAREA coñecemos moi ben o noso mundo rural, e porque consideramos o "sector lácteo" (o sector agrogandeiro) como un sector estratéxico. Nunca lles fallaremos aos gandeiros, nunca lle fallaremos á nosa xente!!!

Eu son un ser libre e independente. A independencia ten para min o máximo valor. Non teño medo a nada. E moito menos diso que di vostede, supoño que facendo uso do humor, "gran Xefe Pablo Iglesias". De ningún xeito. Hai moitísimas preguntas, moitísimas, e trato de respondelas todas. Mais resulta moi difícil.

Os animais tamén teñen dereitos. EN MAREA está contra calquera tipo de "maltrato animal". Sinto non ter tempo para respostar a todas as preguntas. Son moitísimas as que hai. E o medio e o tempo non dá para máis.

A sanidade pública é fundamental e é un piar básico do estado de benestar. Non podemos consentir a súa destrución, a súa eliminación. A saúde, así o pensamos EN MAREA, nunca debe ser obxecto de negocio privado, pagando para se enriquecer unha empresa. A saúde é un dereito universal das persoas.

No Parlamento europeo xa botan xuntos en case un 80% das ocasións. Así e todo, non creo que no Congreso cheguen a "pactar". Sería un suicidio para o PSOE.