Ola, bo día

Dende logo, o derrubo da muralla creo que é unha débeda coa cidadanía de Ferrol, por parte dun Ministerio que vén ocupando grandes superficies da cidade dende hai décadas. A día de hoxe non ten sentido a ultraprotección de segredos militares, polo que consideramos que o espazo do Arsenal debe ser disfrutado por toda a veciñanza, e superar o concepto de Abril Ferrol ao Mar como a construción dun ascensor.

Tamén é importante o que sinalas da praia de Copacabana, pero para iso precisamos un saneamento integral e, sobre todo, paralizar o trazado sur do tren ao porto exterior, optando pola alternativa norte, que acabaría definitivamente coa recuperación desa zona da Ría. Faremos forza tanto ante Defensa como Fomento, facendo destes temas unha reivindicación de cidade, para acadar eses obxectivos.

E si, é o momento dun goberno centrado en Ferrol e a súa veciñanza máis alá de cuestións identitarias.

Moitas grazas e unha aperta

Ola

Coido que os sindicatos reciben subvencións do Estado, moito menores que outras entidades, e non do Concello. Teño o máximo respecto polos sindicatos, que deben ser baluarte e parapeto na defensa dos dereitos dos traballadores. Sen unhas organizacións sindicais fortes, a reforma laboral, a lei mordaza, os contratos precarios, o emprego temporal e todas as medidas que atacan á clase traballadora serían duplicadas e viviríamos nun réxime de semi esclavitude.

Grazas e saúdos

Ola Marcos

Graciñas polo ton amable da túa pregunta. Ferrol en Común loitará, agardamos que man a man co PSOE e o BNG por un saneamento integral da ría e pola modificación do Plan para o Sánchez Aguilera para evitar a construción dun centro comercial. Creo que estamos nun novo ciclo político onde a responsabilidade para por ser construtivos, pola unidade da esquerda en torno a propostas de futuro concretas e non centrarnos no que foron os grandes erros do pasado e lanzarse pedras uns aos outros. Grazas e saúdos

Bo día

Dou por zanxado o tema da Semana Santa. Dende logo que non é unha prioridade, dados os graves problemas da cidade de desemprego, falta de servizos sociais e recortes sociais. Non foi unha declaración en positivo, senón a resposta a unha pregunta puntual, pero non é o noso interese focalizar, mesmo antes de entrar no goberno, as políticas en aspectos que para nós non son cruciais, dada a situación de emerxencia que estamos a vivir en Ferrol.

Grazas e saúdos

Ferrol Vello é unha das nosas prioridades, é imprescindible a rexeneración urbana e a rehabilitación de vivenda, non só actuar nos viais, senón tamén na decrepitude que vive a zona que debera ser insigne na cidade, e por aí pasarán os nosos plans, que ademais xenerarían emprego nunha cidade tan necesitada de el. Será unha das primeiras actuacións.

Saúdos

Ola Margarita

Creo que as tres forzas políticas, que actualmente estamos negociando e que confío en que cheguemos a acordos, estamos nesa liña, que a Policía Local estea presente, servindo á cidadanía, con proximidade e dispoñibilidade.

Grazas e saúdos

Un dos maiores ataques á cidadanía é o recorte democrático. Creo que os plenos deberan ser abertos e non limitarse a iso, senón permitir, aplicando o Regulamento de Participación Cidadá, a participación activa da veciñanza na vida política da cidade, sentíndose copartícipes das decisións de goberno que se tomen, de forma que as prioridades sexan marcadas pola cidadanía e non por intereses partidistas.

Grazas e saúdos, Luis

A actual ordenanza, confusa e que deixa lugar a excepcionalidade continua, debe ser revisada, para crear un criterio claro e uniforme que permita aos hostaleiros ter unha idea clara do posible e o ilegal. Estaremos en comunicación con eles para crear unha ordenanza xusta, que free os desmáns que se produciron nos últimos anos, e que combine a potenciación da hostalería local co dereito da cidadanía a gozar dos espazos públicos.

Grazas e un saúdo

En realidade non é unha obsesión, senón a idea de facer un Ferrol máis sostible, máis habitable e mellorar a súa calidade de vida. En canto ás obras, non é máis que ser coherente, frear obras magnas e eliminar gastos supérfluos para derivalo a gasto social penso que é o que cómpre facer para toda esa xente que nos transmite a súa desesperación por falta de ningún tipo de ingreso, vivenda ou traballo.

Grazas e saúdos

O transporte público de Ferrol merece unha completa revisión, é o máis caro e máis deficitario de toda Galicia. Estamos en pleno proceso negociador para acadar un goberno estable, e de seguro que as tres forzas imos apostar por revertir a concesión a unha empresa privada, en potenciar as paradas aos centros hospitalarios e conectar todos os barrios, demandar dunha vez que o tren do século XIX que temos, se modernice e nos conecte co eixo atlántico así como a interconexión entre Feve, Renfe e o servizo de autobuses, que debemos impulsar o seu uso, mesmo para o acceso aos grandes centros de traballo, como Navantia ou os polígonos industriais.

Grazas e saúdos

Bo día

O sistema de subsidios, risga e vivenda social e axudas de emerxencia merecen unha revisión total, a súa burocratización e lentitude non poden ser permitidas cando o que está en xogo é a mesma supervivencia. Impulsaremos os servizos sociais e asumiremos a labor social que debe ter un goberno que non debe derivar a súa responsabilidade a entidades caritativas.

Saúdos

Bo día

Estamos preparando para esta fin de semana un equipo de limpeza, das persoas que participaron na campaña, para retirar todos os carteis que foron pegados durante os días previos as eleccións. Pido disculpas polas molestias ocasionadas e transmitir que en poucos días non vai haber ningún cartaz de Ferrol en Común na cidade.

Saúdos

A adopción de medidas concretas está a ser negociada por Ferrol en Común, PSOE e BNG, aos que respecto e non é a miña intención poñer trabas a esta labor difícil que teñen por diante, conseguir un programa de mínimos para conseguir o que Ferrol demandou, un goberno de esquerdas centrado nas persoas e que dea estabilidade durante catro anos.

Respecto ao que preguntas, a solución que se busque debe ser consensuada cos veciños e pasaría por devolverlle o aspecto que tiña, xemelo á Praza de Amboaxe

Saúdos

O pequeno comercio estivo a ser esmagado, a base de tributos, obras desacompasadas e creación e proxecto de grandes superficies comerciais. Se queremos a recuperación de Ferrol, unha das primeiras medidas debe ser o impulso do pequeno comercio, a través de bonificacións fiscais, freo ás grandes áreas e campañas de impulso que vaian máis alá de bolsas e vasos financiados co Plan Urban que ningúen viu.

Por outra banda, vai na nosa esencia a recuperación para o público dos contratos da auga e o lixo, este último xa vencido. Pensamos que xestionado dende o público sería factible unha mellor xestión, creación de emprego de calidade e un abaratamento do servizo

Saúdos

Si, a miña intención pasa por gobernar para todos, e creo que é imprescindible formar un goberno estable, xunto coas outras forzas da esquerda, para que a maioría social se vexa representada no Concello de Ferrol

As propostas concretas serán dadas a coñecer nos próximos días, supeditadas a un acordo de goberno. Os mercados municipais deben ser referenciais, facilitar o acceso a eses espazos infrautilizados e impedir a especulación e privatización. Penso que os mercados deben ser un puntal para subministrar os produtos autóctonos do sector primario de Ferrolterra, de gran calidade e que é unha vía pouco valorada que debe ser explorada para evitar os caterings nos centros públicos e poñer en valor o que é da nosa terra fronte aos subministros das grandes superficies comerciais

Está na nosa idea crear servizos dotacionais en todos os barrios, non só no centro de Ferrol. E penso que nas alternativas de ocio infantil para o inverno en Ferrol son moi limitadas, polo que estamos traballando nese aspecto, conxuntamente coas outras forzas, na procura de solucións a un déficit claro

O actual pintado de rúas e a ordenanza de tráfico roza o subrealismo. Será unha das primeiras medidas poñer orde nesta desfeita. E apostaremos por aparcadoiros de superficie para paliar o déficit de prazas de aparcamento que vivimos no centro de Ferrol e noutras zonas da cidade

Saúdos

Ola Manuel

Entendo que hai que romper certas barreiras nunha sociedade ferrolá polarizada. Non está no meu ánimo crear confrontación, mesmo antes de entrar no goberno. Como expliquei nunha pregunta anterior, os problemas graves da cidade son outros e aí centraremos a nosa atención. Sen embargo, non podemos ser incoherentes coas nosas posicións ideolóxicas. É un debate artificial que se xenerou a través dunha declaración puntual, e que explicaremos con argumentos cando chegue o momento. Pero como digo, as prioridades agora son outras.

Saúdos

Ola, ben, vexo que a Semana Santa esperta interese, simplemente remítome ao xa explicado, e lanzo unha mensaxe de tranquilidade. Somos de esquerdas e laicos, pero non imos prohibir a Semana Santa e tampouco está no noso ánimo quemar igrexas ou algo similar.

Grazas e unha aperta Anna

Ola Maica

O primeiro que toca é renovar todos os órganos previstos no Regulamento de Participación Cidadá, que xa toca, e a partir de aí comezar a traballar nos orzamentos participativos. A maiores, temos o compromixo de executar os OP´s xa comprometidos e que o anterior goberno se negou a executar. Grazas e saúdos

Ola Maica

A comisión negociadora está traballando nesa proposta, polo que non quero entorpecer ese diálogo aberto. Polo que respecta a Ferrol en Común, que e o sobre o que podo falar, temos o noso propio código ético, que podedes consultar en www.ferrolencomun.org , e aí establécense sistemas de control para os concelleiros e concelleiras de Ferrol en Común. A nosa intención é estar sometidos constantemente ao control da asemblea de Ferrol en Común e seguir na liña do que prometimos, que a cidadanía se empodere e contribuír a este cambio de ciclo político que dea pulo á democracia, e poña fin aos intereses e connivencia política-financieira en detrimento dos dereitos sociais.

Como dixen, teño o máximo respecto pola comisión negociadora, e diferencio o que é a Asemblea de Ferrol en Común do que se acorde para un goberno estable e en igualdade. Aproveito para lanzar unha mensaxe tanto a militancia do PSOE como do BNG, no sentido de que estamos en igualdade de condicións e que as propostas acordadas pola Asemblea de Ferrol en Común están supeditadas a un pacto entre as tres forzas que confío e agardo que sexa posible, sen ningún tipo de control, colaborativo e en positivo.

Saúdos

Ola

Parabéns polo proxecto, como devorador de libros paréceme unha proposta moi interesante. Potenciaremos a cultura e facilitaremos o seu acceso a todas as persoas. Pasareime polo voso local para coñecer de primeira man as vosas propostas.

Saúdos

Ola Cobicheiro. Revisar e emendarse creo que xa non toca, e dende logo tendo a man as persoas que forman a Marea Ártabra, con respecto á decisión que tomen na súa asemblea, para que se sumen esta proposta, necesitamos a maior unidade posible, de cara ás vindeiras citas electorais.

Respecto ao Ateneo, creo que é máis que un espazo cultural, converteuse nun símbolo de resistencia fronte ao esnaquizamento de dereitos dos últimos catro anos, e debe recuperarse como un lugar para a cultura libre, da que tanto precisamos para o noso desenvolvemento persoal

Bo día

Son circunstancialmente de Vigo, xa que toda a miña familia é de Ferrol, pero por motivos laborais tiveron que emigrar, cousa que corenta anos despois segue a suceder, por desgraza nesta cidade, e nunca rompín o vínculo con esta cidade

Saúdos

Máis ben estou disposto a, coa axuda de todos e todas, en ser parte do goberno que conseguiu que os terreos non utilizados polo Ministerio de Defensa, teñan un uso social e dotacional, e non especulativo.

Ola

Pois paréceme que niso consiste a democracia, en sumar apoios libremente en torno a un programa político concreto para dar resposta ao que a cidadanía demanda, un goberno de esquerdas

Unha das prioridades é reconciliarnos co Concello de Narón, logo de tanto ataque gratuíto, é imprescindible para a comarcalización de servizos e potenciar a mancomunidade, que redundaría nun beneficio para todos.
Respecto á fusión, creo que é un debate artificial, non se da o contexto nin as circunstancias materiais, e, en todo caso, sería unha decisión da cidadanía, non de dous gobernos.

Ola Marcos

Son días difíciles para todos, cando o interese é a cidadanía de Ferrol, ás veces cométense erros, por todas as partes, incluída a nosa. As negociacións non se fan públicas por motivos obvios, pero o resultado final si será público, transparente e de fácil acceso para todos e todas.