Nós temos a sorte de estar gobernando unha cidade na que xa dende hai un tempo chegamos a tocar a fibra sensible dos pontevedreses. Tivemos sempre confianza en Pontevedra e deseñamos entre todos un modelo urbano para as persoas altamente valorado.

Refírome por un lado a continuar e ampliar a todos os recunchos do concello todos os estándares de calidade urbana que xa existen na cidade. A mellorar drasticamente o tratamento e aproveitamento da materia orgánica do lixo doméstico. E especialmente a sacar a máxima rendibilidade do posicionamento internacional que como cidade temos logrado e que nos ten que dar moitos retornos. Entre outras cousas, en forma de turismo de calidade media alta, liderazgo, e na potenciación das industrias culturais, do deseño, da moda, creatividade, deportes, saúde...

Porque nas eleccións municipais elíxense concelleiros. Non son unhas eleccións presidencialistas, e nós somos partidarios dos acordos, do diálogo, en favor dun mandato e un programa de catro anos respectando á maioría social existente. Por exemplo, no anterior mandato, xuntamos os 16.100 votos do BNG cos 5.800 do PSOE, que representan unha maioría social amplia fronte os 17.200 do PP, que foi a lista máis votada por 114 votos.

Eu creo que con eses 16 anos adquírese experiencia na administración municipal, que debemos aproveitar para seguir avanzando nun modelo que está ben visto pola cidadanía. Non se pode desperdiciar a experiencia e o coñecemento e a rendibilidade que se lle pode sacar a unha persoa, mellor incluso a un equipo, que ten demostrada a súa capacidade de xestión.

Resúltame difícil diferenciar ningún partido que se presenta as eleccións en Pontevedra entre eles, porque todos teñen posicionamentos contrarios ao modelo urbano participativo, democrático, transparente e ben valorado polos pontevedreses.

Porque o que eu quero é recuperar un espazo natural único no mundo, que é a ría de Pontevedra, para os usos compatibles coa súa valorización medioambiental, que ten máis rendibilidade económica, social e de saúde pública que unhas empresas que tiveron trinta anos para buscar outra ubicación que non fixera o dano que estamos sufrindo os pontevedreses dende hai 60 anos trasladando alí a súa produción.

Resulta difícil de explicar e entender que o recoñecemento internacional de Pontevedra non sexa celebrado por calquer pontevedrés de ben. Estes premios foron concedidos por organismos internacionais e estatais de recoñecido prestixio (Cermi, DGT, Intermodes, ONU, Femp, Fundación Bloomberg...). Mesmo algún deles tiña unha consignación económica de 30.000 dólares para a cidade. E a todos eles se presentaron outros concellos e mesmo comunidades autónomas como a galega sen ningún éxito. Por algo será.

Non é o tempo agora de falar diso. Nós estamos preocupados de que a nosa cidade avance no próximo mandato

Creo que hai compañeiros e compañeiras que poden facer esa función, e eu estou absolutamente encantado de ser o alcalde da miña querida Pontevedra.

As enquisas son enquisas, o verdadeiro resultado coñecerémolo o domingo.

Porque a base ideolóxica do BNG aínda non é o suficientemente forte como para que confíen en nós tanto para gobernar este país como para representalo no Congreso dos Deputados. En cambio, valoramos moi positivamente que xente que non é ideolóxicamente nacionalista confíe en nós para representalos a nivel municipal. Por algo hai que empezar!!!

Isto téñeno que decidir os cidadáns. Eu personalmente atópome na mellor etapa da miña vida pola experiencia, polas gañas, polos resultados que imos conseguindo entre todos os/as pontevedreses/as

Certo. Pero eu agardo ter a maioría suficiente para gobernar. Calquer pacto na situación actual despois desta campaña eleitoral na que todos cuestionan os logros que conseguimos, véxoo moi difícil. E así llo estou transmitindo aos cidadáns para que actúen en consecuencia. Hai dúas alternativas, que goberne o BNG ou a volta atrás.

De ningunha maneira. A recuperación da materia orgánica e a súa reutilización para enmendar os solos e ao mesmo tempo previr os incendios forestais e mellorar as masas arbóreas do entorno de Pontevedra é un eixo fundamental dunha política medioambiental de futuro á que non podemos renunciar. Entre outras cousas, porque é modelo que están a seguir os países máis avanzados e comprometidos co crecemento sostible. Comprométome a que a planta de compostaxe que construamos non vai ter ningún efecto negativo. E formaría parte da volta atrás á que nos estamos referindo se non goberna o BNG.

Se gobernamos, no arranque do próximo mandato.

As miñas aspiracións políticas están centradas na cidade de Pontevedra. O noso proxecto aínda ten moito percorrido no futuro inmediato.

Resulta difícil compartir posicionamentos en Pontevedra que, por exemplo, rexeitan a planta de compostaxe. Ou o rexeitamento do modelo urbano ou que non saiban valorar os avances que logramos entre todos os pontevedreses. Avances que por certo si recoñeceron os miles de pontevedreses que nos deron o seu apoio ao longo destes anos e tamén diversos organismos internacionais.

Os alcaldes e as forzas políticas que son malas para os concellos son as que que se corrompen e as que traballan por intereses persoais. Eu síntome orgulloso do que temos conseguido entre todos os pontevedreses. E seguirei traballando por e con eles sempre e cando sigan confiando en min co seu voto libre e consciente.

Discrepo totalmente. Galicia é unha comunidade rica, que está empobrecida por decisións alleas que se toman nas altas esferas do sistema capitalista financieiro. Todas as decisións tomadas nas tres últimas décadas foron encamiñadas á destrución dos nosos sistemas productivos e ao empobrecemento xeneralizado da poboación para enriquecer a un número cada vez menor de persoas, que por cada certo cada vez son máis ricas. Só con plantexamentos políticos que partan da defensa dos intereses dos galegos podemos mudar esta situación que nos leva directamente a emigración, despoboación e empobrecemento. E o demais é non entender nada.

Non me compare vostede por favor, efectivamente non teño nada que ver con eles. Debería saber que eu non preciso da política para vivir porque como profesional da medicina gañaría máis cartos que no meu cargo como alcalde. Si o fago é porque considero que teño algo que aportar a miña cidade e ao meu país.

Por unha cuestión meramente económica. É moi caro e nós non temos financiacións ilegais como tiveron algúns durante máis de tres décadas.

Eu agardo non ter necesidade de pactar con ninguén. Efectivamente ten vostede razón, é absolutamente contraditorio e contrario aos logros que conseguimos nos últimos anos as posicións que manteñen todas as forzas políticas, e polo tanto os cidadáns deben decidir entre a alternativa de seguir avanzando ou retroceder.