Prefiero que a presidenta sexa Ana Pontón do BNG, mais iso terán que decidilo as e os galegos co seu voto.

Galiza ten un sistema de financiamento deficiente, insuficiente, no que saímos perdendo. Segundo os datos de Facenda os galegos e galegas pagamos 14.000 millóns de euros e só retornan uns 7.000. Só se precisa unha facenda propia, como a que xa ten Euskadi ou Navarra. É unha decisión política. O que temos que decidir e se preferimos que eses recursos se empreguen para mellorar a sanidade, a educación, a dependencia... ou que os use o estado para rescates da banca, guerras inxustas ou financiar a Casa Real.

Moitas grazas, para votar BNG non fai falta sentirse nacionalista. Temos un programa para que todas as persoas que vivan en Galiza, melloren a súa vida e deixemos atrás estes anos grises e tristes do PP. Se pensas que Galiza é mellor que o goberno de Feijóo, se queres un goberno decente e honrado, que poste polo emprego digno, a igualdade entre homes e mulleres, defensa dos servizos públicos a papeleta do BNG é a túa. Estou convencida de que somos un gran país que temos todo por gañar, pero para iso precisamos confianza nas nosas propias forzas.

Galiza precisa unha nova lei do solo, que relamente sexa útil para ordenar o territorio, poñer fin a destrución do noso patrimonio e que se estea adaptada á nosa realidade. Para eliminar as casas de ladrillo e estruturas sen rematar sería útil unha orde de axudas, pois moitas persoas non teñen recursos para facelo.

Moitas grazas, alégrome que che gustara o debate. Só lamento que o candidato do PP, Núñez Feijóo, rexeitara volver a debater conmigo. Defendo que os debates son un dereito das e dos cidadáns e non un privilexio de ningún candidato. O BNG é unha organización nacionalista, coa súa cabeza e o seu corazón en Galiza, temos un proxecto sólido, solvente e unido e un programa de cambio real. Estou convencida de que non chega con xestionar mellor -que o sabemos facer-, hai que apostar por facer cambios máis profundos, avanzar nun autogoberno real, poder político para blindarnos contra a LOMCE, as reformas laborais, o espolio da nosa electricidade ou do aforro das e dos galegos. En fin, que fronte aos que nos din que Galiza non pode saír adiante coas súas propias forzas e que o relevante é o que pasa no estado, nós pensamos xustamente o contrario: para saír adiante temos que defender os intereses dos galegos e das galegas e confiar nas potencialidades e capacidades do pobo galego.

Ola Raquel, para min en pleno 2016, ser a primeira muller en algo é a denuncia da desigualdade. Mais agradezo moito a confianza para ser candidata e estou moi orgullosa. Para avanzar temos que ter compromiso real coa igualdade: lei de coeducación, prioridade de loita contra a violencia de xénero, recoñecendo que supón un Feminicidio e mellorando recursos para a atención e restablecemento dunha vida sen violencia e finalmente apostar pola corresponsabilidade e por unha rede pública de servizos para atender as tarafeas do coidado.

POis penso que é simplemente un problema de vontade política. O PP rescatou as radiais de Madrid con millóns de euros, por que non se pode rescatar a AP-9 e acabar coa estafa das peaxes?

Eu estou moi orgullosa das alcaldesas e alcaldes do BNG e tamén os ppoño en valor. Demostran día a día que outra Galiza é posíbel e que o programa do nacionalismo é para modernizar o país e mellorar a calidade de vida das persoas.

A cultura é clave para o noso país, e nestes anos sufría unha forte invernía. Desde o BNG pensamos que a cultura necesita estar apoiada e que debemos facer da cultura un aspecto clave, apoiando talento e creatividade, apostando polas redes de distribución interna e pola internacionalización.

Galiza paga impostos por valor de 11,125 millóns de euros, mentres que o sistema de Financiamento so nos devolve 7.042 millóns de euros. Polo tanto, 4.000 millóns de euros dos impostos dos galegos e galegas que en vez de financiar a sanidade ou educación galegas, van a parar ao peto que xestiona Montoro.
Cabe recordar que mesmo na Unión Europea, o feito de que cada Estado sexa soberano non impide que existan políticas fiscais redistributivas entre os Estados membros. Así que, mesmo no peor escenario, Galiza contaría cos recursos necesario para levar a cabo as políticas de benestar necesarias. En resumo, Galiza sería viábel, o que non o sería son os rescates multimillonarios á banca ou os grandes programas de armamento que o goberno central financia en parte cos impostos de todos os galegos e galegas.

Estou segura que as mozas e mozos non coinciden coa súa opinión . O importante sería que non tiveramos necesidade de comedores sociais, son un síntoma do grave problema de pobreza que existe na Galiza, son máis de 700.000 galegas e galegos que viven con menos de 600 euros ao mes. No BNG defendemos un Plan de loita contra a pobreza e a exclusión social.

Son datos oficiais da Axencia Tributaria Española e dos orzamentos da Xunta de Galiza de 2014 -os últimos dispoñíbeis_.

Creo que esta é unha pregunta na que ti mesma respondes. Mais o cambio está xa en moitos concellos da man do BNG. Fagámolo agora na Galiza.

Cunha facenda galega recadariamos aquí todos os impostos. Mais tamén podemos reclamar neste modelo que a xunta xestione o imposto de sociedades, significaría uns 1.000 millóns de euros máis cada ano. É posíbel e é necesario!

Feijóo foi un xestor nefasto e un presidente que nunca estivo ao servizo de Galiza. ë cómplice da financiación ilegal do PP e amparou todos os casos de corrupción do seu partido, desde Barberá a Baltar. O 25S temos a oportunidade de apostar pola honestidade e un goberno ao servizo do pobo galego da man do BNG.

Estamos nunha campaña na que moitas persoas nos dixeron que lles devolvemos esperanza e alegría para votar. Estou convencida de que a corrente de simpatía que espertamos nesta campaña será decisiva para empezar un tempo novo para Galiza.

As enquisas non son a realidade. Nos últimos anos non acertan nada e estou convencida de que se hai unha participación masiva de persoas que queren cambio o 25S Feijóo non seguirá gobernando. Sobre o caso Baltar é a mostra da prepotencia e desprecio do PP pola democracia, a ética e a decencia política. Amparar a unha persoa que ofrece enchufes a cargo de emprego debería de ser delito. Baltar é a Rita Barberá de Feijóo, a pregunta clave é por que non lle pode pedir a dimisión?

Para o rural defendemos apoiar a nosa base preodutiva, diversidcar e mellorar servizos públicos en relación coa emigración dirixiremos as nosas accións a un Plan Retorna que conte con liñas específicas para o retorno de investigador@s e tecnólog@s emigrados, mediante a subvención parcial e gradual do custo laboral. Tamén un programa de incorporación laboral en sectores estratéxicos, en empresas manufactureiras e industriais, e finalmente,contemplar apoio específico a través de capital risco para o emprendemento ou a creación de empresas por persoas retornadas, un programa de vivendas en aluguer e un programa de ampliación de estudos.