Un dos fitos máis importantes desta lexislatura é a aprobación dunha nova Lei do Solo, que nos vai a permitir avanzar na protección da paisaxe e que, de feito, inclúe entre os seus obxectivos a necesidade de rematar as fachadas. Por poñerlle un exemplo concreto, temos unha colaboración co Colexio de Arquitectos para que elaboren unha guía para mellorar a integración das construcións na paisaxe. Ademais, por primeira vez en Galicia, están en vigor as Directrices de Ordenación do Territorial e o Plan do Litoral. En canto á planificación urbanística, é unha competencia dos concellos pero a Lei do Solo establece mecanismos para que o poida facer de forma máis áxil.

Mis diferencias con muchas políticas llevadas a cabo por el bipartito son conocidas pero nunca he dicho que todos los problemas de la comunidad sean fruto de ellas. Hay problemas estructurales que arrastramos desde hace más tiempo y otros más recientes por causas diversas. En todo caso, sea cual sea el origen y la motivación, trato de abordarlos todos ellos en la medida de nuestras posibilidades. Sí creo que todos esos problemas no se van a poder abordar con un gobierno inestable como fue aquel. Y, por eso, lo que propongo es que Galicia continúe la excepción de estabilidad que es hoy en el conjunto de España.

Si hay algo que he repetido durante esta campaña es que no podemos dar las elecciones ni por perdidas ni por ganadas. Lograr un apoyo mayoritario es un reto difícil pero posible si los ciudadanos que quieren un gobierno estable, responsable e inconformista lo defienden con su voto el domingo electoral.

Que Galicia gusta demóstrase no feito de que este ano esteamos recibindo máis visitantes que nunca na nosa historia. E iso ten que animarnos a seguir mellorando as nosas comunicacións para poder seguir facilitando que o mundo coñeza o noso potencial turístico así como social e económico. Non comparto as políticas que consisten en pecharnos as portas. E, por iso, tento que todas as nosas decisións políticas axuden a que Galicia se abra ao mundo.

O plan de racionalización dos entes públicos supuxo a eliminación dun centenar respecto a 2009, e a inclusión de melloras de funcionamento nos restantes, tanto desde o punto de vista da eficiencia como da transparencia. E en canto á redución de parlamentarios, penso que debe facerse co consenso das forzas parlamentarias, e ata o de agora os grupos da oposición rexeitaron esta posibilidade.

Comparto totalmente a opinión de que Galicia ten un gran potencial e, de feito, nos últimos anos hai mostras dabondo de que temos capacidade para competir no mundo en moitos ámbitos. Os novos modelos que se van a fabricar en PSA Peugeot Citroen demostran que seguimos sendo unha referencia na automoción. Os novos pedidos nos estaleiros tanto de Vigo como de Ferrol acreditan que se confía nas nosas capacidades. O proxecto aeronáutico que se está a desenvolver en Lugo proba que podemos abrirnos a novos sectores produtivos e competir no ámbito da innovación. É sobradamente coñecido o noso potencial internacional no sector téxtil. Mellorou a situación da pesca, que hoxe ten un 12 % máis de cotas. Hai mellores perspectivas no lácteo, por exemplo, coa planta de transformación que este ano se vai a comezar a construír en Curtis. Exportamos máis viño que nunca e os produtos con denominación de orixe galega están cada vez máis recoñecidos no mercado internacional. Pero en calquera caso non debemos conformarnos e estes avances o que nos mostran é que aínda podemos acadar máis.

As listas de espera son hoxe as máis baixas desde que hai rexistros, pero iso lamentablemente non evita que haxa pacientes nunha situación que se lle fai longa. Traballamos para seguir reducindo as cifras ao máximo e, por exemplo, boa parte dos fondos adicionais que logramos este ano por ser rigorosos nas contas públicas destinámola a este eido. Porque sabemos que aínda non se cumpren todas expectativas, porque hai situacións de familias como a vosa que son mellorables, por iso ten que seguir sendo unha prioridade. Sinto a vosa espera e confío en que teñades o mellor trato posible porque temos uns excelentes profesionais na Sanidade Pública.

Coincido en que se traballa moito mellor unidos e, por iso, todas as axudas da Xunta priman os proxectos que os concellos levan a cabo con outro ou máis municipios. Ademais, despois de moitas décadas, en Galicia leváronse a cabo dous procesos de fusión voluntaria de concellos. En todo caso, se fusionen ou non, en moitos ámbitos os municipios deberían funcionar como un.

No lácteo, acaba de abrirse unha nova posibilidade coa planta de transformación que se vai a construír en Curtis con capacidade para asumir case 1 de cada 4 litros de leite que se producen en Galicia. En calquera caso, compartimos a preocupación co sector leiteiro pola evolución dos prezos e, por iso, cada explotación recibiu de media unha axuda de 15.000 euros o pasado ano. En canto ao mar, as cotas pesqueiras son hoxe un 12 % máis que ao comezo da lexislatura e teñen un 55% máis de valor. Pero tanto no lácteo como no sector da pesca, temos que seguir esforzándonos por mellorar as condicións, abrirnos a novas posibilidades e chegar a unha situación máis esperanzadora como se acadou noutros ámbitos, como a automoción ou o naval.

Somos conscientes de que ningunha muller ou home decide ter un fillo polas axudas que lle garante o seu goberno, pero as familias que tomen esa decisión teñen que saber que hoxe en Galicia hai un goberno que os vai apoiar ao máximo das súas posibilidades. Hoxe, a nosa comunidade é a que máis axuda ás familias con fillos, que teñen á súa disposición, por exemplo, unha Tarxeta Benvida de 100 euros ao mes para os gastos de manutención do bebé, prazas públicas de gardería que nunca antes –é a primeira vez que superamos as recomendacións da UE- e distintas opcións para poder conciliar a vida familiar e laboral. Para nós, é unha prioridade e imos a seguir con ela. Por iso, ademais de seguir incrementando as prazas públicas de escolas infantís , tamén propoñemos manter a Tarxeta Benvida toda a lexislatura e estendela ata os tres anos para as familias con menor capacidade adquisitiva. Confiemos en que estas medidas axuden ao obxectivo que vostede propón, sen ter que levar a cabo a súa proposta, que non sei eu o que pensarían nunha e noutra provincia ;)

O principal problema que ten a Xustiza é a dificultade de poder acreditar a actividade incendiaria dunha determinada persoa ou persoas. Téñense dado pasos nesta área, como o agravamento das penas ou o persoamento da Xunta nas causas. Pero si é verdade que resulta moitas veces frustrante para a inmensa maioría dos galegos que non toleramos esta acción criminal. En calquera caso, a colaboración cidadá segue sendo fundamental para poder acurtar as posibilidades de que os incendiarios queimen os montes.

Non creo que haxa moitos galegos que non saiban por que partido me presento. Resúltame curioso que as críticas poidan vir de partidos que directamente cambiaron o seu nome nestas eleccións, como Podemos. Ou de partidos que, non é que poñan máis grande ou máis pequeno un logotipo, senón que directamente ocultan a persoa á que apoiarían na Presidencia nun pacto multipartito.