Á rúa Loureiros correspóndelle un novo formigonado, máis acorde coa zona do casco na que se insire e co que xa ten de base. Máis que asfalto penso novo formigonado semellante á rúa Hospital, polo menos no seu primeiro tramo.

Debemos ser cada vez máis esixentes coas empresas, para que cumplan os parámetros de verquido, sen esquecer que son das poucas que xeran traballo estábel no concello. Dito isto, conectadas como están á rede xeral de sumidoiros deberían realizar investimentos para minoralos ou reducilos ao mínimo. E oxalá as súas demandas futuras de ampliación lles obrigasen a ir ao polígono. Sería bo para todos en todos os sentidos: ambientalmente, máis postos de traballo...

Entendo unha vez aprobado inicialmente o horizonte deste ano, sempre que non haxa retrasos de última hora por informes ou outras dificuldades.

Sempre está nos plans, mais como edificio privado isto pasa co acordo dos seus propietarios, e non só, tamén entendo que é necesaria a implicación de todas as administracións para non só comprala, senón restaurala, equipala e mantela aberta. Non é só unha casa para Rianxo, é unha casa para un país. Coa de Rosalía a casa dun persoeiro máis importante de Galicia. Teño feitos todos os contactos e xestos posíbeis coa familia buscando ese acordo.

Fracaso é se estivese cons brazos cruzados. Aprobado xa inicialmente pola Xunta de Galicia actual, cos seus parabéns pola proposta, coas alegacións presentadas cun prazo que triplicou o que sinala a lei, considero que se seguiu unha actuación impecábel e rigorosa, pensemos que outros concellos tardan até tres mandatos e nós praticamente deixamos o plan nunha situación óptima para levalo á Xunta definitivamente.

Fai falla sobre todo que se faga xustiza con Rianxo. Que non teña menos que o que lle corresponde por poboación: sobre todo un centro de día para os maiores e rematar outras actuacións de saneamento comprometidas e dentro dos orzamentos da Xunta como o tanque de tormentas, novo colector desde Rinlo, ampliar depuradora, remate dos saneamentos de Isorna e Leiro (tramos inconclusos), nave municipal no polígono... Pero senón chegan algúns deles se está valorando outras maneiras que pasan pola xestión propia desde o Concello, para o que precisabámos ser autónomos económicamente. Fomos indo cara ahí e iremos estando en condicións de asumir nós eses custes.

Entendo que é labor do Concello apoiar ou asesorar mais é o promotor privado o que debe xerar isto. E labor do Concello dar facilidades e apostar polo local. O dinamismo de Rianxo no eido cultural é evidente e sería positivo que saira tamén ese tipo de empresas de xestión cultural.

Coa Escola de Música e en xeral moitos outros colectivos penso foi unha relación inmellorábel, coa cesión de varios espazos case en exclusiva para o seu labor. De que se poida acometer algunha actuación noutros equipamentos dependerá que a Escola poida ir mellorando a súa ubicación e equipamentos para unha entidade que funciona case como un pequeno conservatorio na nosa localidade e que valoramos sobremaneira.

Non é doado responder que é o que pasa, nin dar coa solución que seguro ten múltiples causantes e solucións varias. Se o tema é o urbanismo agardemos o PXOM sirva para dinamizar a construcción. Se é o emprego, temos o polígono con incentivos para a instalación de empresas. Mais ten que haber quen emprenda. Desde o concello dicir que sí se apoia, son moi poucas as iniciativas sociais que non teñan en maior ou menor medida apoio do concello, deportivas, culturais, recreativas, mesmo empresariais. O que non podemos é suplantar á iniciativa privada que é un piar fundamental. E tamén vexo en Boiro ou en Ribeira locais que pechan, negocios que non funcionan ou nin a movida é o que era. En Rianxo un motor como a pesca ou o marisqueo están nun momento difícil. Agora non imos conseguir nada dicindo que está morto, temos que xuntarnos, compartir e impulsar cousas xuntos. Laiándonos non imos facer nada.

Neste momento se están recibindo a maior parte dos informes doutras administracións. Con eles se poderán ir resolvendo as alegacións, incorporando a maior parte delas e ao longo deste ano tentar levalo á súa aprobación definitiva.

Para o BNG é fundamental a aposta pola cultura, cremos nela porque nos fai mellores como persoas e como dinamizadora tamén da economía, ou o turismo. A cultura é entendida como recuperación do patrimonio artístico, histórico, ambiental e natural para amosar o moito que temos que ensinar. E Rianxo debe ser un referente comarcal e galego na súa preservación, no potenciamento da rede de museos de Rianxo, ( en especial atención inmediata na casa de Rafael Dieste) na propia actividade que se xenera no concello desde o auditorio ou os centros parroquiais. Pero non nos conformamos nunca se fai abondo neste xeito e compre seguir a traballar colaborando máis cos moitos colectivos de Rianxo.

O piar é aproveitar o mellor estado da nosa economía para poñela en servizo da xente. Unha vez chegamos a un nivel de débeda asumíbel, arredor do 20% a finais deste ano, debemos poñer os orzamentos municipais a intervir na mellora da rede de estradas municipais, en ampliar os servizos sociais, en dinamizar o polígono empresarial, na mellora xeral das instalacións educativas e recreativas dos máis cativos, tamén unha zona deportiva nova a carón do auditorio, o sanemaneto de novos núcleos, etc. Despois de pagar un millón de euros cada ano poder utilizalos agora para materializar o programa que presentamos.

Arousa Norte só se pode modificar se existe un amplo consenso político para cambiala. E ese consenso non existía evidentemente polo que o meu papel foi o de respectar o funcionamento actual para que unha futura composición das alcaldías e dos concellos permita abrir un debate sobre ela.

Cada localidade debe seguir o seu propio camiño. Pero vexo que Rianxo ten moitas posibilidades polo mar, pola súa paisaxe, pola súa historia, pola natureza, polo patrimonio... Todos debemos sumar, desde administracións a colectivos e empresarios. Pero nolo temos que crer e non repetirnos até a saciedade está morto até que nos convencemos diso, xuntarnos e oferecer Rianxo ao visitante e ao que aquí vive. En Rianxo pasan moitas cousas, máis das que parecen e o digo porque me tocou vivir en moitos lugares e se isto está morto non vos conto outras experiencias vitais... Mais non nos conformemos e tiremos para adiante con optimismo.