Indudablemente ós dous, pero hai que ter en conta que eu fun "un director de orquestra" que dirixiu con man templada (¿esquerda?) e tolerante a xestión dos asuntos da cidade. Traballouse moito e nada que fora de interese para a cidade quedou sen resolver.

Agradezo que persoas, desde a súa independencia, se brinden a traballar con nós nun obxectivo común: mellorar as condicións de Lugo. Ninguén é imprescindible, pero si todos necesarios. Estamos abertos a todos e hai moita xente que pode e quere aportar o seu esforzo e traballo nun ideario social como o que representa a nosa candidatura.

Sen dúbida un paso importante que se deu no noso Goberno. Chega o momento de profundizar na democracia e por iso hai que melloralo, por exemplo, poñendo a figura do Valedor do Cidadán ou coa implantación dun teléfono 010 que estará en funcionamento as 24 horas do día os 365 días do ano.

Sempre defendín que os centros sociais son lugares para todos: mozos/as, persoas de mediana idade e persoas maiores. Somos os que formamos a sociedade e todos temos que aprender e ensinar uns dos outros. A experiencia é un "grao" e a xuventude ten unha forza e ilusión contaxiosa que se necesitan en Lugo. Por iso imos facer no próximo mandato dous centros sociais máis (Piringalla e Fontiñas) co fin de que existan máis lugares de encontro nos que se poidan desenvolver esas actividades, que xa se están dando por exemplo nas escolas recuperadas da zona rural.

Efectivamente e por iso tamén se creou a Empresa Municipal de Solo. Promocionaremos esa vivenda pública en solo municipal ou poñendo solo a disposición do Instituto Galego de Vivenda e Solo. Pero ó mesmo tempo é necesario, e así consta no noso proxecto, rehabilitar non só o centro (xa se rehabilitaron 150) senón aqueles barrios que teñen a vivenda sen as comodidades que se esixen hoxe. Tamén xunto co IGVS, daremos subvencións para rehabilitar, nos distintos barrios, estas vivendas para facelas máis habitables e cómodas.

Fomos pioneiros, como non podía ser menos, nese "mollarse". Unha sociedade é democrática cando se respectan os dereitos de todos, incluidas as minorías. Por iso imos seguir profundizando nesa democracia para que todos nos sintamos a gusto e acollidos como persoas na sociedade.

O 7 de xullo do ano 2001 o director xeral de Plans Europeos, que fora nomeado días antes, deixounos claro que o plan URBAN ía ser para Ourense, como así foi. Por iso, acudimos ó mecanismo financieiro da Unión Europea cun proxecto para o casco histórico, a recuperación e a construcción dun parador, pero non se nos deu subvención. A cambio, tras numerosas entrevistas co señor director xeral do IGVS conseguimos que financiara, con 2.500 millóns de pesetas (15 millóns de euros) a compra e rehabilitación de vivendas na zona máis deteriorada do casco histórico. Xunto co que se fixo desde o Concello (recuperación da Praza do Campo, urbanización de todo o casco histórico, alumeado, rehabilitación de vivendas...) estase dando un cambio de 180 graos ó noso ben máis preciado.

Adelino, a pesar do tempo, acordácheste de min. Unha forte aperta e poucas cousas hai como ... A Pobra.

Melloramos tódalas instalacións do Concello. Aumentamos un 146% as subvencións ó deporte de base. Incrementamos as escolas deportivas municipais... Imos construir unha cidade deportiva nas Gándaras, un novo polideportivo en Frigsa e seguiremos facendo os peches externos dos polideportivos de tódolos colexios. Estamos dispostos a debatir e a chegar a acordos con outras administracións e empresas co fin de axudar ó deporte de élite da nosa cidade: baloncesto, fútbol, fútbol sala, voleibol, judo, kárate,...

A dotación fundamental é o Parque dos Paxariños. Dentro de moi poucos días haberá noticias positivas sobre ese tema. Ofertouse o ano pasado á Consellería de Familia o terreo para construir unha gardería infantil. Mellorouse a iluminación dos distintos Carrís (dos Indios, do Outono...). Funciona unha Oficina de Proximidade. Nun breve prazo estará aberta unha ludoteca. No próximo mandato, construiremos o centro social.

Fundamentalmente facer unha aposta clara e definida pola Universidade e Formación Profesional. Seguiremos coas políticas activas de emprego e por iso inauguramos a Escola Municipal de Emprego e as Oficinas de Proximidade; poñeremos en marcha o Centro Municipal de Empresas en Garabolos, que estamos rehabilitando. Pero o punto fundamental vai ser a creación de solo industrial nas Gándaras para que as empresas de Lugo, os emprendedores e as empresas que veñan de fóra teñan solo industrial en boas condicións. O luns aprobaremos a Empresa Municipal de Solo.

A Muralla foi declarada Patrimonio da Humanidade polo traballo común de tódolos lucenses: "Conseguímolo entre todos" foi o lema que se puxo no balcón do Concello aquel 30 de novembro do ano 2000. A partir de aí, comezou un novo momento na nosa cidade que se nota na autoestima dos lucenses, no turismo, nos cambios do casco histórico e no coñecemento externo da nosa cidade.

É unha ferramenta de traballo que impulsamos dende o Concello, pero que queremos que se desenvolva por tódalas forzas políticas, sociais e empresariais da cidade. Tódalas cidades desenvolvidas de España son as que consensuaron un plan estratéxico no que consten os obxectivos a conseguir nun prazo determinado e aquelas obras que cubran eses obxectivos. Ese é o meu desexo para Lugo.

Non consentirei, serei inflexible con todos aqueles que pretendan quitar de alí unha dotación pública que lle deu vida e nome a un barrio. Propoñemos para ese lugar unha residencia da terceira idade, un centro de día, un centro de especialidades, unha unidade de rehabilitación e fisioterapia, un centro social,... é dicir, unha dotación pública que lle dea vida ó barrio, pero nunca desmantelar esa dotación pública.

É cuestión de talante. Son un veciño máis, cunha responsabilidade asumida con gusto e ilusión, pero que teño que escoitar, aprender e estar cos pés na terra para entre todos cambiar e mellorar a nosa cidade.

Estou feliz pero teño ganas de contestar tódalas preguntas, que son moitas. :-)

É unha cuestión técnica. Cando chegue o AVE hai que facer unha estación intermodal: ferrocarril e autobús. O lugar ten que ser aquel que permita unha boa comunicación co centro. Podería ser preto da estación de mercancías que se vai construir nas Gándaras.

O seu talante; as súas ideas claras sobre o papel do Partido no seno da sociedade; pero sobre todo, a súa forza para cambiar unha organización no comezo dun novo século.

Gracias, pero o traballo é de todos. Levo o compromiso de dedicar máis fondos á cooperación internacional. É imprescindible esa solidariedade, por xustiza.

Estou de acordo. Pero estas cousas en política, antes ou despois pasan factura. E en Galicia e en España vaina pasar. Porque por primeira vez os galegos protestamos e non emigramos se puxo en marcha o Plan Galicia. Esixirei o seu cumprimento. É a débeda con Galicia.

Gústame o que fago, gústame ser alcalde; teño vocación de servicio e sei que son un instrumento que ten que aunar vontades para mellorar o conxunto da cidade e colaborar con todos aqueles que queiran facer un Lugo mellor. Sempre estiven cos veciños, sei recibir os seus parabéns e tamén os seus tiróns de orellas.

Fun o primeiro en defender a creación dun ente público (empresa ou patronato) para profesionalizar a proxección externa da cidade. Temos que seguir asistindo ás feiras importantes de turismo: Madrid, Barcelona, Berlín, Londres, Bruxelas, etc. Seguir mellorando o casco histórico e os nosos monumentos, así como a gastronomía e a extraordinaria paisaxe do Miño e da zona rural. A Muralla sempre será o leit motiv, pero temos outros valores, algúns deles en proxecto como é o Museo Interactivo da Historia da cidade a construir no que foi o matadoiro de Frigsa.

Nunca se traballou tanto na zona rural como nestes catro anos. Pero aínda así hai que seguir traballando porque son máis de 1.000 kilómetros de pistas rurais e 302 núcleos que necesitan fundamentalmente saneamento. Seguiremos nese traballo e na mellora dos "puntos negros" de alumeado tal e como estivemos facendo neste mandato.

Só quero ser alcalde de Lugo. O de Presidente... foi un erro, moi gracioso, de catro carteis electorais. Non tema, señor Fraga. ;-)