En relación co río Sar estamos en relación con Augas de Galicia para facer unha limpeza na zona da Colexiata e en relación con Castrón Douro estamos traballando na redacción dun proxecto que significará a mellora dos servizos e da propia rúa.

Teño claro que Santiago é unha capital cunha ampla zona rural como acreditan os seus máis de 220 kilómetros cadrados de extensión. Esa circunstancia fai difícil chegar a todos os lugares e atender todas as necesidades. En todo caso temos presente esa circunstancia na nosa xestión como acredita a recente adxudicación dos desbroces das pistas así como as melloras en moitos dos accesos ás nosas parroquias. No relativo á Busto, con independencia da xuntanza coa asociación de veciños, aproveitarei un día para achegarme ao lugar e analizar a demanda.

Estamos nestes intres arranxando os parques infantís no marco do contrato de mantemento das zonas verdes e analizaremos esa demanda concreta para ver as posibilidades da súa execución.

Estaba moi bo. O problema foi a choiva. En todo caso, a cena foi agradable pero o máis positivo foi a posibilidade de coñecer as necesidades da asociación de veciños así como as deficiencias do edificio que ten a mesma.

A miña única preocupación e a do meu equipo é servir á cidade, resolver os problemas, axilizar a xestión municipal e demostrar á cidadanía que este equipo é merecente de dirixir o Concello. O demais deberán de valoralo os veciños.

Eu persoalmente e a Xunta de Galicia sempre recoñeceron que o aeroporto de Lavacolla é xeográficamente o aeroporto central de Galicia coas mellores instalacións e que debe de concentrar a meirande parte dos vóos internacionais.

O calzado é necesario pero non é a clave. A clave é facer deporte, coñecer a cidade a pé e coidarse nas comidas. E a constancia.

Está recollido nos orzamentos do Concello do 2014 e temos xa a cesión por parte da Xunta de Galicia e a partires diso o licitaremos neste mesmo ano. O atraso foi debido especialmente á dificultade para acadar a cesión dos terreos e o uso por parte do Sergas.

Son consciente de que a estación de autobuses require dunha cafetería. Non obstante existe un problema ao respecto da rentabilidade da súa explotación polo que estamos analizando diferentes medidas que permitan a recuperación desa instalación así como da do Auditorio de Galicia. Espero poder ter a solución este mesmo ano.

Foi licitado pola Consellería de Sanidade nos pasados meses polo que antes de que remate o ano poderase iniciar a súa execución.

No meu equipo non admito ningún comportamento que non sexa de compromiso absoluto e de respeto riguroso á legadlidade e ás normas. Serei inflexible con aqueles que non cumpran este requisito imprescindible.

Temos que facilitar aos veciños todo tipo de actuacións que permitan poñer en valor o casco histórico. Con realismo e adaptados aos tempos actuais. Esa é unha das liñas mestras da reforma do plan especial que queremos impulsar.

Basicamente estamos preparados. Non obstante considero que un dos proxexctos que habería que impulsar con vistas ao Ano Santo é o futuro complexo intermodal, que a partires dunha mellora progesiva das actuais instalacións ferroviarias permita a medio e longo prazo que Santiago conte cunha estación acorde coa chegada da alta velocidade.

Temos o compromiso de rematar, neste ano, unha serie de actuacións que redundarán na mellora da habitabilidade do parque e presentar sntes de que remate o ano ao colectivo de bombeiros e aos veciños da nosa cidade unha planificación realista que permita unha mellora integral das instalacións e a entrada en servizo do parque comarcal.

Pareceme unha idea extraordinaria que permitirá incrementar o coñecemento do Camiño en España e no mundo.

Tomo nota. Paréceme unha boa iniciativa. En todo caso recordo que existen tres itinerarios marcados polos nos parques de diferentes lonxitudes, que permiten percorrelos e coñecelos.

Estamos mirando a mellor ubicación para encaxala na beirarrúa que existe nese punto posto que coa apertura do túnel da Galuresa modificáronse os carrís e o tráfico da zona. Esperamos poder resolvelo o máis axiña posible.

O transporte público na zona urbana e nas parroquias é un dos temas que máis nos preocupa. Estamos analizando coa Xunta de Galicia a situación do transporte das parroquias e tamén a posible ampliación das liñas urbanas en zonas como a Peregrina, O Romaño, o polígono do Tambre, etc. No mes de setembro esperamos poder ter unha proposta que mellore a situación actual do servizo.

Galego, nacido en Madrid, que vive en Compostela porque se namorou da cidade.

Nas zonas das novas urbanizacións como á que vostede alude existen moitos problemas co mantemento de zonas comúns e de zonas aínda non entregadas ao Concello. Cos contratos de mantemento estamos priorizando a eliminación da maleza nos bordes das fincas para que non afecte aos viais e á zona de circulación peonil. Priorizaremos esa actuación.

O Goberno municipal encargou no ano 2013 un estudo cunha planificación para a implantación dunha serie de itinerarios de bicis en Santiago e a súa bisbarra. En vindeiros días faremos unha presentación dese documento que trata de evitar os erros do pasado cando leváronse a efecto actuacións coma a de Fontiñas sen ningún tipo de planificación previa.

A progresiva peatonalización do casco urbano de Santiago ten un efecto positivo sobre o comercio e os negocios existentes. É obvio que ese tipo de actuacións débense coordinar coa mellora do transporte urbano e a habilitación de zonas de aparcamento no borde, como será o caso do aparcamento previsto na zona de Pontepedriña.

Están xa en fase de presentación de ofertas polo que se poderán comenzar neste ano 2014.

É vontade do Goberno municipal realizar unha modificación do Plan Especial o mais participativa posible, comezando pola propia opinión dos expertos, e continuando cos colectivos, asociacións e veciños en xeral. Un dos obxectivos da modificación é mellorar a situación do casco histórico e facilitar as condicións de habitabilidade do mesmo.

Apunto a súa demanda e analizarei as razóns polas que non están aínda en funcionamento. Hai que ter en conta que en ocasións os colectores soterrados foron executados no ámbito dunha actuación urbanística que pode non estar aínda entregada ao Concello. Nesa zona precisamente realizouse unha urbanización que permitiu a adecuación do vial que sae da carreterera de Noia e probablemente a instalación non estea aínda entregada ao Concello.

A verdade é que teño pasado polo parque de Carlomagno e me teño fixado nesa nova instalación. Non me decatei de que aínda non estivera rematada pero, en todo caso, preguntarei á concelleira cal é a razón e lóxicamente rematarase.

Ese é un problema habitual no noso rural e complicado de resolver posto que a pesares da obriga que teñen os propietarios de mantemento da súa finca moitos deles non o executan. Dende o Concello procuramos actuar para que esa falta de mantemento non afecte á circulación dos viais e dos peóns. Pero, en todo caso, temos que ser respetuosos coa propiedade privada.

A visita de Merkel permitirá que Santiago sexa marco dun encontro con repercusión de primeiro nivel nos informativos de España e Alemaña. Co cal a nosa cidade terá unha oportunidade inigualable para promocionarse a nivel europeo nun dos mercados emisores de turistas máis importantes.

Teño previsto visitar as parroquias despois de celebrar xuntanzas de toma de contacto con cada unha das asociacións. Así mesmo teño previsto visitar na medida das miñas posibilidades os barrios para coñecer persoalmente as súas necesidades.

Penso que o Concello debe de facer un esforzo especial en toda a materia de atención social e axudas aos máis necesitados. Nesa liña priorizaremos o gasto social nos orzamentos do 2015. Tamén é importante máis que a execución de novos investimentos o mantemento das das infraestructuras principais existentes. Así mesmo considero necesario continuar coa mellora viaria daquelas rúas nas que nunca se actuou, como é o caso do Castrón Douro e o remate das actuacións na zona norte ou a zona de Concheiros.

Temos previsto iniciar antes de que remate o ano un Plan director de zonas verdes que está previsto no contrato de mantemento das mesmas e que abordará, entre outras, esta cuestión.