En trasladar ao ámbito provincial, ao pleno, todos os asuntos que sexan de interese da sociedade. Facemos un labor de fiscalización do goberno, de oposición, mais sempre intentando abrir debates sobre temas que afectan á sociedade.

Na Deputación temos presentado todo tipo de iniciativas, todas as que presentamos afectan a Carballo e á Costa da Morte. Unhas veces temos éxito, outras veces non. Mais, consideramos que calquera asunto que ten interese social, a nivel xeral, tamén ten interese para a sociedade de Carballo e a Costa da Morte. Podería referirme a moitas.

As forzas políticas temos que estar nos ámbitos que pon o sistema ao noso dispor para trasladar o noso modelo de sociedade. O BNG é unha forza que propón mudar o sistema mais ten que estar alí onde se poida expresar con claridade e expor as súas alternativas. Nós estamos na Deputación para pór de manifesto que hai alternativas máis eficientes, máis eficaces e máis democráticas para a articulación do territorio.

Por desgraza, Traski, moitas veces os gobernos van por detrás da sociedade, ou sen escoitala. Eu creo que na Costa da Morte existe unha sociedade moi activa, con moi boas ideas e con grandes doses de voluntarismo e de cariño a este territorio, que moitas veces non atopa o apoio necesario para materializar os seus proxectos. Eu creo que tedes que seguir insistindo, e penso que co tempo seguramente se atoparan os apoios necesarios para que o proxecto que plantexades chegue a bo fin. Seguramente as administración leven gastado miles de euros en proxectos, que seguramente tamén eran necesarios, pero as persoas que estamos en política temos que aprender a escoitar mellor á sociedade. Agardo que aprendamos pronto e que vós non vos desanimedes mentres agardades.

Nós cremos que para desenvolver o turismo con eficacia é necesario crear un ente xestor no que teña participación o sector e as administracións implicadas. En turismo o localismo é inútil. A campaña, Carballo a un paso leva o engadido de Costa da Morte, porque sabemos que a potencialidade de Carballo no mercado pasa polo territorio no que se atopa. Do mesmo xeito, sempre defendemos que a promoción turística debe facerse sempre dentro da marca Galicia, que é realmente a que nos fai estar con forza no mercado turístico internacional.

Moi distintas. As forzas políticas somos distintas, defendemos distintas prioridades, temos conceptos diferentes do que debe ser a participación democrática, do que debe de ser a relación entre os partidos. As cousas variaron moito e eu creo que se nota.

Os asesores son necesarios, mais na súa xusta medida. O control sobre iso téñeno exclusivamente os gobernos. Hai gobernos que deciden ter poucos e hai gobernos que deciden ter moitos. A función dos asesores depende da idea de democracia que teñan os gobernos, nalgúns casos será como vostede dí, noutros casos é buscar as persoas co perfil axeitado para facer traballo de apoio ás iniciativas políticas que se plantexan. Nós cremos que o número de asesores debería estar regulado de algún xeito e que non dependera da decisión exclusiva dos gobernos.

Pois compatibilízase mal, sacándolle moito tempo á familia e ás cousas que a un lle gusta facer, pero non é unha excusa porque os que estamos en política é porque nos gusta a política. Sobre se tiramos para a casa, ao mellor inconscientemente facémolo, pero tratamos de que as nosas decisións sexan para o conxunto da sociedade. En todo caso, na deputación agora mesmo é moi difícil tirar para a casa. O que procuramos é que o goberno non se esqueza totalmente da nosa casa.

As deputacións son entes totalmente extemporaneos, son pouco eficientes e pouco eficaces. No seu momento foron concebidas para estruturar territorialmente un estado, para tentar centralizar un estado no que había realidades nacionales moi diferentes. Nun modelo como o actual, o autonómico, non teñen ningunha razón de ser, son simplesmente un gasto inútil de recursos públicos e unha forma de duplicar competencias.

Penso que Carballo é un concello que se está convertindo nunha referencia en Galiza, queda moito por facer pero si, comparto totalmente a opinión do meu alcalde. Poucos concellos poden presumir de dárlle tantos servizos e de tanta calidade aos seus veciños e veciñas, de manter no ámbito público uns servizos sociais tan importantes nos tempos que corren. Carballo está saneado económicamente, medran os servizos e sigue facendo gasto público, iso nestes momentos é un auténtico éxito. Só hai que mirar arredor e ver como están a maioría dos concellos.

Do concello non cobro, non teño adicación exclusiva. Na deputación cobro o salario de portavoz, que é igual para os tres grupos. O meu salario vén a ser o que cobran os meus compañeiros e compañeiras no concello de Carballo, logo da aportación que fago ao BNG. Porque claro, nas forzas políticas onde non existen sobres de aportacións de empresas, son os militantes e as militantes, e os cargos institucionais os que teñen que financiar os gastos e as campañas. O meu salario é de aproximadamente 2900 euros dos cales dono 650 cada mes ao BNG. Mais na deputación hai deputados, que non teñen adicación exclusiva, é dicir, salario, pero perciben arredor de 17.000 euros/ano en dietas que suman os seus salarios como alcaldes ou concelleiros nos concellos respectivos. Habería moito que falar sobre este tema, en todo caso, os nosos salarios apróbanse no pleno da deputación. Todo este tema debería estar regulado por lei, é o que vimos defendendo dende hai moitos anos.

Creo que o PP de Carballo e de moitos outros lugares non é coherente en absoluto co que defenden os seus compañeiros e compañeiras da Xunta e do Estado. É moi fácil votar unha cousa no concello para evitar confrontacións coa sociedade, mais non dicir nada cando os seus compañeiros que toman decisións votan todo o contrario. Por exemplo, o caso da estafa das preferentes e subordinadas. O PP apoia ás persoas estafadas nos concellos, na deputación e incluso, con matices, no Parlamento de Galicia, mais logo acepta sen reparos a quita que lles impoñen os seus compañeiros de Madrid. Eu reafírmome no que digo sempre, se algún día o BNG toma unha decisión coa que eu non estea de acordo, que cause tanta dor e tanto sufrimento a tanta xente, eu abandonarei a militancia por coherencia.

Dende o cansanzo valóroo ben. É un labor moi difícil, mais levo aprendido moito nestes dous últimos anos. Unha cousa é a política e outra, moitas veces, é a xestión. Hai momentos moi malos, mais tamén hai momentos onde aprendes a valorar moito máis o que tes arredor.

No último pleno retiráronnos unha moción sobre a Lei do Aborto da orde do día. Parece que antes o pleno remataba en poucos minutos e agora alóngase máis do debido porque abrimos debates que non son de interese provincial. Debe ser que ás mulleres da provincia non lles preocupa decidir sobre o seu corpo, ou que os problemas da Reforma da Lei de Bases de Réxime Local non lles vai afectar ao noso concello, ou que a crise, as quitas ás persoas estafadas pola banca non teñen a ver coa sociedade desta provincia... Si, falamos moito, e falamos de moitas máis cousas que de asfaltados e obras menores, mais parece que queren evitar que o fagamos a partires de agora. Non o van conseguir.

Nós loitamos todos os días por facer entender que é unha necesidade e unha urxencia mudar o modelo territorial. Confiamos en que pronto ese debate se produza e se tome a decisión. Hai non moito tempo, parecía que todas as forzas políticas concordaban en que as deputacións era un ente intermedio totalmente prescindíbel. Hoxe, o PP está tratando de reforzar o entramado provincial outorgándolle incluso competencias exclusivas da Xunta de Galicia. Insisto, as deputacións son unha administración opaca, os seus membros non son elixidos democráticamente, son pouco eficientes, consumen moitos recursos nos seus aparellos democráticos e duplican competencias. Non teñen sentido no actual modelo de estado.

Levamos anos escoitando todo tipo de promesas sobre comisións político-técnicas sobre todo tipo de cuestións, mais ao final nunca hai diálogo entre o goberno e a oposición. O goberno da deputación é un goberno do PP con maioría absoluta, todos sabemos como son eses gobernos.

Penso que xa respostei a iso nunha pregunta anterior.

Non. Nós vimos criticando con dureza os moitos convenios que se veñen asinando coa igrexa pleno tras pleno. Nas subvencións a cultura, a igrexa ou entidades relacionadas coa igrexa recibiron o pasado ano o 40% dos fondos. Non é normal que mentres se lle está retallando investimento a todos os colectivos asociativos culturais da provincia á igrexa cada vez se lle concedan máis axudas e convenios. Nós entendemos que algún ben de interese patrimonial, e de forma xustificada polo interese provincial, podería ser subvencionado, mais esta fórmula non é de recibo.

O goberno de Carballo investiu nos seus colexios en 2011 moito máis diñeiro que a Xunta de Galicia en todos os da Costa da Morte. Defendemos o direito a un ensino público, de calidade, laico e democrático, por iso entendemos que é necesario cubrir as necesidades que outras administracións, aínda que teñan competencias, non cubren.