Si, pódese comparar perfectamente. Fisterra, nos últimos anos, ninguén pode negar que tivo un cambio moi positivo, igual que, afortunadamente, o resto da comarca.

Non temos persoa ningunha para as instalacións do fútbol, e todo o persoal do Concello ten os seus labores definidos. Outra cousa é que se aprecie ou non o traballo realizado por parte dos cidadáns.

Non quero establece comparativas, pero precisamente Fisterra é dos que menos poboación perde. Outra cousa é que hai que recoñecer que estamos soportando a nosa estrutura económica en base a dous sectores, que son a pesca e o turismo, e que non estamos en situación estratéxica para a instalación de un sector básico para a xeneración de emprego, como sería o industrial. Tampouco podemos plantexar como solución ao desemprego a contratación temporal para servizos municipais porque non é a solución.

Non é así. O cartel é un indicador normativo que se pon en todas as fontes do Camiño de Santiago. Indica que a auga non está tratada, como ocorre na fonte da praza, que procede dun manancial. Outra cosa é que non sexa potable, o que non é certo porque se fan análises periódicos das fontes. E non é auga que vaia ás vivendas. Nese caso, está toda potabilizada.

Entre o luns e o martes procederase a un bacheo provissional, porque esa rúa en concreto deber ser erguida toda para canalizar o río que neste momento se introduce no saneamento e provoca os desbordamentos na zona do porto. O proxecto definitivo está realizado e pendente de execución por Augas de Galicia, e esperamos que sexa este ano.

A gran maioría dos políticos somos xente dedicada por vocación de servizo aos cidadáns, como pode ocorrer como cos movementos asociativos ou coas institucións deportivas ou calquera outro colectivo. Polo tanto, servir aos todos veciños non me pode dar vergoña, máis ben é un orgullo.

Estamos pendentes dunha próxima visita do presidente de Portos, que xa se puso en contacto co Concello e coa confraría para resolver estes problemas que xa lles temos demandado.

Aínda faltan dous anos para as vindeiras eleccións. Non hai maior orgullo que, non só ser alcalde do teu pobo, e máis aínda se o teu pobo é Fisterra e gozas da confianza dos teus veciños. Xa houbo ofertas no seu momento, pero non dubidei.

Estamos nunha coxuntura na que os políticos e os funcionarios estamos cuestionados. No Concello de Fisterra hai empregados moi bos, moi capaces e moi traballadores, e outros que, como se di no colexio, progresan axeitadamente. Pero é certo que a situación na que se atopa vostede obríganos a todos a ser máis eficientes porque afortunadamente desempeñamos un posto de traballo e temos que esforzarnos máis aínda porque hai moitos veciños que o están pasando mal.

Xa respondín nunha cuestión anterior. Calquera é consciente de que se trata dunha das rúas principais, pero esa infraestrutura que se debe facer é básica para resolver en parte os problemas de saneamento e non podemos facer un investimento que, dentro duns meses, vai ser erguido polas palas.

Todos os anos estanse facendo obras de saneamento e abastecemento. Onte mesmo, na xunta local de goberno aprobouse un investimento de 240.000 euros para un vial de Sardiñeiro a Suarriba, a totalidade do investimento do POS deste ano vai para a zona rural, en concreto, pavimentación e saneamento de Mallas. Nos últimos anos, moitas inversións están destinadas á zona rural.

É un tema que estamos tratando dende hai tempo. Entre eles, a cesión das instalacións da sirena do faro para volver a poñela en funcionamento. Agora ben, o faro é unha instalación de sinalización martítima, e os seus usos están perfectamente determinados. Ogallá se consiga o acceso á farola, como cando eu era pequeno.

Niso estamos. Non só por parte do Concello, onde imos destinar todos os servizos á mellora da imaxe, limpeza e ornato, senón tamén que xa estamos en contacto coas diferentes Administracións polas que pasa a Vuelta para que teñan en conta pequenas infraestruturas, como pintado, desbroces, etc. Asimesmo, conto xa dende agora coa colaboración de todos os veciños que, como sempre, soubemos estar á altura cando fixo falta.

Hola Traski, nunca falara cun trasno, que habelos hainos. Este tema é un pouco esperpéntico, porque xa se presentara unha senda de Laxe a Muros, que facía o Ministerio de Medio Ambiente, e que eu asistín con estupor á comisión do Camiño de Santiago, na que naqueles sitios en que esa ruta coincidise co Camiño (en Fisterra, unha boa parte), non autorizaban as obras necesarias. E, dende logo, sería un gran atractivo turístico e, por certo, teño uns amigos que queren facelo dende A Coruña e van empregar ese itinerario. Mágoa que en boa parte da ruta, non sexa practicable.

Tivemos un para nós sos hai catro anos. Non hai ningún concello da comarca que teña obradoiros todos os anos. E, afortunadamente, creo que non estamos esquencidos da man de Deus, e moito menos nestas datas. Nesta convocatoria, a maior parte dos obradoiros concedidos deben ser realizados conxuntamente entre varios concellos. E nesas estamos.

Vivín máis anos de biólogo ca da política. Precisamente o primeiro ano que estiven de alcalde non tiña soldo de político, e tiña que seguir facendo o meu traballo de biólogo. E mentras manteña a ilusión por facer cousas e os veciños sigan confiando en min, sentireime necesario, aínda que non deixo a miña profesión, e asisto de vez en cando a cursos ou seminarios e conferencias, e lendo moito.

Xa se contestou antes. É a obra do POS deste ano, e está en fase de licitación.

O problema non era de cartos, era de que non había comisión. Curiosamente, a festa do Carme ten unha asignación económica e uns gastos a maiores do Concello derivados das bandas de música, militar, iluminación, etcétera. Se algunha festa recibe proporcionalmente poucos cartos para a importancia mediática que ten para Fisterra, esa é a Semana Santa.

Alégrome que se preocupe pola miña saúde.

Aínda non nos concederon a asignación para persoal de limpeza de praias, e ao igual que o ano pasado, estableceranse os requistos que deben cumpri todos os que se presenten.

Afortunadamente hai unha sensibilidade maior, e xa non se ve retirada de area como en outros anos, e o paseo marítimo colaborou a evitar o seu deterioro.

Cando teñamos garantido o modelo de crecemento. De todos os xeitos, aínda que aparentemente estea parado, en realidade estanse facendo cousas a nivel administrativo. Pero, sobre todo, o tema é garantir o crecemento e que o principal fin de servir como cemiterio non resulte excesivamente gravoso para os veciños nin para os familiares dos que teñan que usalo.