Non creo que cobre moito. No meu salario está tamén a gasolina e gastos do meu coche. Non cobro dietas nin gastos a maiores nin comisións nin nada. O que levo para a casa son 1.750 euros. Creo que é un dos soldos máis baixos de Galicia por unha dedicación exclusiva, agás o do meu compañeiro de Corcubión, que a oposición non lle deixou cobrar.

O Concello de Camariñas é unha a Administración seria. Fixo todo o proceso dentro da legalidade, e esperamos que non o teña que pagar ningún veciño de Camariñas nin ningunha outra persoa.

Pois non. Non o creo. Ao contrario. Polo datos que temos, o xoves vendéronse máis de 300 entradas máis ca o ano anterior. E, co segundo día, 2.300 en total. Polo tanto, de momento estou moi contento, e lusionados coa resposta da xente, e tamén coa ilusión das palilleiras. Demostramos que os camariñáns nos momentos de crise temos eventos de importancia mundial. E tamén na decoración e instalación mellorouse moito, hai que agradecerlle ese esforzo de deseño e innovación á empresa que realizou a montaxe. E tamén, por suposto, a toda a xente que confía en nós e que ano tras ano acode a Camariñas. Somos un referente na Semana Santa en Galicia, e benefíciase todo o municipio e toda a Costa da Morte.

Falso, totalmente. En ningunha institución nos pediron nunca volume de entradas para dar axudas. Isto non é unha festa. é unha actividade económica. As institucións subvencionan actividades moi serias como é a Mostra de Camariñas. E, pese a que a Administración en momentos de crise nos baixa as axudas, pese a recibir menos de 50 % de hai tres anos, Camariñas segue apostando pola calidade. E non baixamos nin en calidade, nin en deseño, nin en posta en valor e exposición ao público do magnífico traballo das palilleiras.

De temas que están nos xulgados prefiro non contestar ata que se resolva o que teña que resolverse.

Vai facer dous anos que me presentei ás eleccións que volvín a ganalas. Por maioría absoluta. Teño 60 anos. Vivín sempre no Concello. Teño a conciencia tranquila. Todos me coñecen. Saben que ante unha imputación seria, se a houbera, non impulsada por certos partidos políticos ou por persoas con intereses políticos, todos saben que non dubidaría en deixar a miña respnsabilidade. Pero como iso non vai ocorrer... A miña riqueza vai ser a miña honradez. Ou sexa, que non ocorre o que di vostede.

Non dimite porque nese momento actuou en defensa dunha parte dos cidadáns de Camelle.

Non foron a dedo. Houbo contratación á que se convidou a tres empresas polo que se chama procedemento negociado. E optamos pola mellor oferta, polo seu deseño e calidade. O resultado está á vista de todos.

A relación cos afiliados do PP creo que é a normal. Co portavoz e candidato, cando unha persoa trata de chegar ao poder polos modos que todos os cidadáns de Camariñas coñecen deste señor... Pon a todos os cidadáns en problemas, e tamén increpando e denunciando á miña familia, pois non podo ser a relación como a min me gustaría e como sería boa tamén para o futuro do noso Concello.

Non teño constancia, é mentira. Sempre defendín a democracia. Se alguén ten constancia de que a miña persoa entregara calquera sobre na man, que vaian a onde saben que teñen que ir, que xa están acostumados. Se cadra habería que dicir iso de que pensa o ladrón... Ou que son prácticas de outros que se presentan como demócratas.

Na pista de Xaviña está todo contratado, pero levamos cinco meses de chuvias e os técnicos din que non é o momento. Está licitada e contratada. Tievemos que pedir unha prórroga por temas de mal tempo. E a beirarrúa de Agramar, estamos cunha solicitude de traslado sun hórreo, e Patrimonio aconsellounos que buscásemos unha nova ubicación, non lle gustou a que tiñamos prevista. Despois, rematarán.

Non sei de quen me fala. Dende o Concello non existe existe a economía sumerxida.

Claro que se respectan. O partido é libre de dicir o que considere politicamente. O Concello tamén: é serio e respectamos as decisións. Esperemos a ver como evoluciona o tema.

O PXOM non prexudica a ninguén. E beneficia a todos os cidadáns do Concello de Camariñas. A todos por igual.

Aínda é prematuro. Temos ilusión e esperanza por seguir cambiando e modernizando o noso Concello. Pero de aquí ata aló aínda queda un longo camiño. E en política nunca se sabe o que pode ocorrer.

O endebedamento total, neste momento está no 0,53 %. En datos reais, sobre o orzamento real, o que se paga en intereses e capital, é menos dun 6 %. Este ano a liquidación vai ter un superávit de 350.000 euros de aforro neto. Creo que a situación económica do noso concello e igual que a media dos concellos galegos, denrtro desta crise que estamos a padecer,

Os que me permite a miña economía. Este ano comprei dous. Non sei cantos teño. E son dos baratos e compro en rebaixas.