Ese é o plantexamento que levamos para poder así cambiar o sistema de política que se vén exercendo neste pobo durante os últimos mandatos.

Primeiro, non podemos entender que a miña lista é configurada por rebotados. Reunín un grupo de xente que pode aportarlle moito ao Concello de Sarria e que ningunha das persoas que compón a miña lista leva intereses persoais. Con referencia ao tema dos pactos, imos intentar sacar a representación suficiente para levar a cabo un goberno con garantías para este concello.

Ver de cerca todos os seus problemas que teñen descoidados para así cambiar a filosofía que ultimamente están a levar os políticos visitándoos na maior parte dos casos só para pedirlles o voto.

Non podo valorar se hai risco de corrupción, que pode ser posible. O que si podo valorar é que as políticas que están a utilizar non son as máis axeitadas para o desenvolvemento desta vila.

Por suposto que si. En Sarria hai persoas que poden facer política de forma diferente, dar solucións máis eficaces e non adicarse tanto a levar políticas partidistas que non levan este Concello a ningún sitio de interese.

Por suposto que si. Fai catro anos presenteime como Independente e non tivemos a posibilidade de, por pouco máis dunha ducia de votos, non sacar representación, e agora mesmo vexo posible facer as cousas doutra forma e independentemente do resultado que se poida dar, temos que darlle unha opción diferente aos veciños para dunha vez por todas cambiar as políticas que se levan.

A miña compañeira candidata, estou seguro de que non se presenta en ningunha lista polo que vostede me está a mencionar. É unha persoa que ten inquietudes, e é unha persoa que tamén vai tratar, como somos este grupo, de cambiar a forma de facer as cousas.

Por suposto que si. Sarria ten un amplo abanico de necesidades que temos que tratar de darlles unha solución urxente. Non podemos seguir utilizando o molde das últimas lexislaturas, se non este concello seguirá co parón que todos estamos a apreciar.

Non me considero marca branca. Son unha persoa independente que nunca me considerei suxeito a ningunha sigla. Na política debemos comezar a entender que o importante son as persoas e en ningún momento as siglas de partidos.

Contestar as 3.000 alegacións ao PXOM que están estancadas no noso Concello á espera dos resultados electorais para así non molestar a ninguén antes de tempo.

Seriedade, moito traballo e cercanía coas veciñas e veciños desta vila.

Por suposto que si. Dese vostede conta que somos un partido independente onde cada quen debe de aportar todos os plantexamentos posibles de cara a ter un Concello referente a nivel autonómico.

Neste momento, considero, respectando as decisións dos votantes de Sarria, que as posibilidades de obter representación son moi altas.

Si, son nativo de Sarria, concretamente, da aldea de Cesar, e traballo como profesor no instituto Gregorio Fernández.

Estar en contacto directo coa problemática que poidan ter as persoas da súa idade para darlles unha solución óptima e rápida.

Non comparto esa forma de facer política. É totalmente nefasta. O que si lle pediría aos políticos que utilizan ese sistema que traten de facer plantexamentos para así poder solucionar a problemática do Concello desmarcándose quizais das directrices dos grandes partidos. Poden seguir de cerca a miña campaña, en ningún momento vou tratar de desprestixiar a ninguén. Esa valoración, desde o meu punto de vista persoal, correspóndelles ás sarrianas e sarrianos o día 22 á hora de exercer o seu dereito ao voto.

Eu non "fichei" ao profesor Forte, se se lle pode chamar así, "fichar", pensando en ningún momento nas miñas expectativas electorais. O motivo polo cal contei con Fortes é porque é unha persoa traballadora, humilde, cercana á xente e que lle pode aportar a este goberno, se o pobo o cre oportuno, moitas cousas positivas para así poder saír do estancamento no que estamos inmersos.

Valoro moito a súa pregunta, pero teño que contestarlle que vostede está equivocado ou mal informado. Fernando Carlos é unha persoa que me merece un respeto, como todas as sarrianas e sarrianos, pero politicamente xa se demostrou no seu día que non pensabamos igual.

Non teño constancia de que Fortes vaia nunha candidatura por esa causa concreta. O que si creo é que Fortes, cando fixo política, sempre foi antepoñendo os intereses de todas as veciñas e veciños.

Primeiro, se o pobo de Sarria nos dá o privilexio de gobernar este concello, é que non debe haber ningún concellal que teña dúas horas de adicación diarias, e cobre máis que o persoal laboral traballando unha xornada completa. Segundo, os políticos debemos predicar co exemplo e o alcalde considero que debe ter o mesmo salario que ostenta no traballo que está a realizar antes de chegar a alcalde. Non podemos facer política para tratar de alimentar, de forma esaxerada, a nosa economía.

Debo dicirlles que non é unha lista de xente rebotada, é unha lista na cal imos un grupo de persoas que non depende para gañarse unha nómina do que poida pasar o 22 de maio. E por outra banda, nós imos tratar de sacar a representación suficiente para poder gobernar sen que haxa pactos esaxerados.

Quero dicirlle que con esta pregunta vostede está equivocado. Pediríalle que se informara e cónstame que Antón Fortes, desde que estamos en precampaña, cumpriu estrictamente co seu posto de traballo.

En ningún momento estamos antepoñendo os nosos intereses. Hai formas diferentes de facer as cousas sen que sempre veñan impostas por persoas que non coñecen a nosa vila. O que tratamos é de buscar fórmulas que poidan garantizar ás veciñas e veciños o crecemento dos barrios e de todos os núcleos deste concello, co cal nos imos sentir ilusionados, sen pensar en siglas políticas.

Neste momento, sen ver os resultados que se poidan dar o 22 de maio, é case imposible contestar á súa pregunta con precisión. O que si lle podo garantizar é que non imos facer pactos que supoñan un risco para o desenvolvemento do concello de Sarria.

Na política local, eu son partidario de que debemos valorar as persoas por inquietudes, por plantexamentos, por traballo, por cercanía, etc. Non é responsable pensar ideoloxicamente, porque se iso dera resultado, o noso Concello, do cal me sinto orgulloso, debería estar noutra situación de privilexio na cal non se encontra.

Poden os sarrianos ter claro que non son nin vou ser o reflexo desa persoa. Se fose así, estariamos xuntos na mesma candidatura.

Por suposto que si. De non ser así, non me plantexaría darlle opción aos nosos veciños a que me voten.

Non considero que vaia costarlle diñeiro a este concello porque se gobernamos vou compensar con creces, con esforzo, con traballo, con dedicación, con cercanía, a este concello. A nómina que poida percibir.

En ningún momento desprezo a Galicia porque eu son a primeira persoa que non oculto a miña identidade, o meu idioma habitual é o galego, pero tamén entendo e respeto a todos aqueles que me falan en castelán ou noutros idiomas.

Si, os sarrianos facilitarannos representación suficiente para poder representar este concello incluso con máis representantes que vostede me plantexa na pregunta.

Iso é mentira, e vostede pode comprobalo neste momento. Eu son funcionario, traballo no Gregorio Fernández e nas pasadas muncipais non obtiven representación. Con isto, o que si pediría aos grandes partidos, aos que lles molesta plantexamentos de xente moderada e cercana, que se dedicaran a loitar por mellorar o noso concello e que non se preocuparan tanto en desgastar, crear falacias hacia aquelas persoas que dan opcións diferentes ás que eles plantexan.