Boas tardes, creo que na propia pregunta está a resposta. Se facemos unha visita a estes pobos e facemos un balance de como eran antes e como están despois do paso do BNG polo Concello aí está a resposta de por que Sarria tamén necesita un alcalde do BNG.

Os planes de futuro decídeos a cidadanía nas urnas. Nós non facemos planes antes das eleccións e agardaremos o resultado para tomar as decisións que se estimen oportunas no momento.

Xa neste mandato hai un amplo abano de actividades culturais que non sempre son seguidas, como era de desexar. No futuro tentaremos ampliar e mellorar esta oferta, así como as instalacións que nos permitan levar a cabo esta actividades.

Xa me gustaría que estivera a competencia nas miñas mans, pero é unha competencia supramunicipal. Non depende directamente da vontade do Concello, aínda que si me comprometo a traballar o que poida para que sexa unha realidade canto antes.

A situación, evidentemente, non é boa, nin en Sarria nin en ningunha parte. Unha vez máis, as competencias municipais en materia de emprego son moi limitadas, pero no programa levamos algunhas iniciativas ao respecto, que agora serían moi longas de explicar, pero están abertas a todas as persoas que queiran coñecelas.

Iso non é así. As miñas decisións foron sempre froito do consenso cos meus compañeiros de partido e pódolle asegurar que o que primou sempre nestas decisións foi o interese xeral, tanto nestes temas como noutros máis.

Teño que insistir, aínda que me faga pesado, en que as decisións do BNG tómanas os afiliados do BNG. As persoas que vostede cita, hai moito que non pertencen ao BNG. No primeiro caso, foi expulsada fulminantemente despois do desprezo que fixo á democracia coas súas accións. Hai que destacar que no BNG, os tránsfugas expúlsanse rapidamente, mentres que noutros partidos promociónanse para máis altas empresas. No segundo caso, é unha persoa que non milita no BNG desde hai anos, e non teño nada máis que dicir.

Ese malestar, evidentemente, non o percibo, porque todos os militantes e simpatizantes participan das decisións que tomamos e das políticas que facemos. Outra cousa é que xente que non é do BNG teña esa opinión, pero iso é unha opinión persoal de cada quen, que eu respeto, pero non comparto.

Agradézolle as palabras. Ese polo menos é o obxectivo do meu traballo no Concello. En canto á valoración, prefiro que sexan os cidadáns os que a fagan.

Non podo estar dacordo. A gran maioría dos obxectivos si que se levaron a cabo ou estase en proceso de que sexan realidade, polo tanto non teño a percepción que vostede comenta.

Eu entendo que si. Se temos en conta que estamos ante un récord na inversión no medio rural, e tamén outras medidas, como a creación dunha brigada específica para o medio rural. Creo que son pasos para ese obxectivo que nos marcamos ao principio, que non é outro que vivir no rural non signifique un agravio comparativo con vivir na vila. Non é unha tarefa fácil, ben o sabemos, pero a medio prazo estou convencido de que pode ser unha realidade.

Xa o contestei antes. Non nos plantexamos obxectivos antes de saber os resultados. O noso obxectivo é acadar uns bos resultados e despois xa se tomará a decisión que corresponda.

Esa mesma pregunta me fago eu moitas veces. É unha cuestión de compromiso co meu pobo e co meu país. Non me parece que se poida pasar a vida opinando e criticando situacións que un considera mellorables sen intentar cambialas. Esa é basicamente a razón.

Creo que tés as mesmas razóns sendo castellano que sendo galego. O único que che podo ofrecer é un proxecto político serio e un empeño persoal de seriedade, traballo e compromiso.

É complicado resumilo, tendo en conta que o tempo é limitado e queremos que entre o maior número de preguntas posibles. Remítote ao noso programa, que en breve se poderá mirar e consultar.

Pois non creo que haxa moito tempo porque co tempo tan favorable que vén para que medren, todos sabemos que en poucos días son capaces de medrar moito.

Que vou dicir eu, eu traballei para que así fora, e creo que en boa parte se conseguiu. Polo tanto, estou bastante satisfeito destas actividades culturais e para o futuro o obxectivo é consolidar unha programación de bo nivel, simplemente o que Sarria se merece.

Eu son dos que din que en política non todo vale. Foi unha frase que repetín en bastantes plenos, en resposta a unha actitude do PP que eu, evidentemente, non comparto. Os que pensen que en política todo vale, que actúen como mellor lles pareza, eu fareino en conciencia.

Eu entendo que si. A proba é que hai máis asociacións ca nunca e neste aspecto, penso que a saúde do tecido asociativo é moi boa.

Esa é unha opinión que respeto, pero que non comparto. Creo que en asuntos sociais, como noutras facetas, se deu un paso adiante.

Non sei se o alcalde fai iso. A min nunca mo manifestou. Evidentemente, Sarria ten unha piscina climatizada adxudicada e coa obra empezada, con participación da Deputación de Lugo, que está cogobernada polo BNG. Con iso creo que lle respondo.

Cantidade. Non coñezo o número exacto, pero máis dun cento. Teño que dicir que, sen a participación da área de Cultura da Deputación esta importante programación cultural en Sarria da que levamos falando nesta charla no tería sido posible.

Non está ben informado. Teño unha adicación de sete horas ao día, das cales boto dez. E os 1.000 parados de Sarria son un problema para os afectados e para todos en xeral, pero mesturar unha cousa coa outra creo que non é moi axeitado, porque non teñen nada que ver.

Eu non levo invertido nada. A obra de Vilei foi froito dun convenio entre o Concello e a Consellería de Vivenda. A Consellería aportaba o 80% da inversión, e o Concello o resto. Foi unha obra que paliou unha situación de deterioro moi importante no entorno do Camiño de Santiago. Tamén habería que preguntarse cantos anos había que non se invertía nada en Vilei.

Vexo o BNG de Sarria con moi boa saúde e son sempre máis os que veñen que os que se van.

Que duda cabe de que Allariz é un referente para todas as vilas. Conseguiron darlle a volta a unha situación precaria para convertelo nun referente a nivel europeo. Dende logo que é un bo exemplo para traballar por Sarria.

As contratacións na Residencia son legais a todos os efectos. De feito, as impugnacións que houbo, en todos os casos a Xustiza lle deu a razón ao Concello. O que si se fixo foi mellorar as situacións laborais das traballadoras e traballadores e darlles unha seguridade que antes non tiñan.

Evidentemente, fíxose un gran esforzo na rexeneración de asfaltados no Concello. Non se rematou, e neste momento séguese a traballar niso. Si que é certo que a Xunta de Galiza ten sen executar o PDRS (plan de desenvolvemento rural sostible) 2009, que inclúe 14 pistas en moi mal estado, e cun orzamento de 410.026,66 euros. Cando se execute este plan, xunto co PEIM do 2010, tamén competencia da Xunta, digamos que os viais do Concello, a inmensa maioría, quedarán rexenerados. Estos plans son pistas incluídas polo Concello con orzamento a cargo da Xunta e do Goberno central, e a contratación e a execución depende exclusivamente da Xunta de Galiza.

En absoluto. Isto é froito dun convenio coa Deputación, que ten o seu proceso administrativo e que o Concello aporta a man de obra para a colocación. Sen as persoas que nos corresponderon no Plan Emprega, sería complicado afrontar este traballo. Son cuestións que se iniciaron hai bastante tempo e que rematarán en breve.

Xa estamos con iso. Como contestaba na pregunta anterior, neste momento estanse a colocar os sinais indicadores que tamén normalizan a toponimia das aldeas do concello. Temos previsto colocar uns 180 sinais e cumprir así unha demanda dos veciños dende hai moitos anos.

Pódolle dicir que temos un proxecto político serio, onde o obxectivo é Galicia e os galegos e galegas. As decisións que toma o BNG non están condicionadas por direcións do partido que están noutros lugares, loxicamente, con outros intereses. Como dicía, o noso único obxectivo é Galicia e as persoas que aquí vivimos. En canto ao persoal, como dicía noutra pregunta, comprométome a aportar traballo, seriedade e compromiso.

Parece que vostede coñece pouco a parroquia de Barbadelo e as actuacións que nela se fixeron, e noutras parroquias. Entendo que é unha maneira de desprestixiar o traballo, pero téñolle que dicir o mesmo que contestei noutras preguntas, e non vou volver repetir. A actuación foi baseada en criterios de necesidade e, por se lle interesa sabelo, eu xa hai anos que non vivo en Vilei.

As nosas esperanzas baséanse exclusivamente en explicarlle aos veciños e veciñas o noso proxecto político. A persoa que vostede cita aí, hai anos que deixou o BNG e, afortunadamente, seguimos sobrevivindo e medrando.

Grazas por estas palabras. Os principais logros creo que empezarían polo cambio na dinámica cultural do pobo e despois citaría cousas puntuais, como a aula de teatro, os distintos cursos que están funcionando moi ben, o arranxo do antigo cárcere para o museo comarcal e moitos máis que sería moi longo de enumerar. Os proxectos son seguir mellorando esta oferta e dotar a Sarria dunhas instalacións acorde con esta programación. Falo sobre todo da remodelación da Casa da Cultura, que nos vai permitir contar cun auditorio como Sarria se merece.

É complicado contestar coa brevidade que require a ocasión. Remítoo ao noso programa, que en breve se dará a coñecer a todos os veciños e veciñas.

Esa é a súa opinión, que evidentemente non comparto. Creo que os feitos falan por si mesmos e calquera persoa pode comprobar o traballo que se fixo nestes catro anos. Dende reivindicacións históricas como a piscina, o campo de fútbol ou o museo, ata outro tipo de actuacións non tan importantes, pero si eficaces para mellorar a calidade de vida de todos os sarrianos.

Que eu saiba, non se pensa tirar ningún negocio ao lado do río. Existe un proxecto para o plan de encauzamento, que vai garantir a seguridade das persoas e dos bens con respecto ás inundacións, e que tamén vai dar a posibilidade de que Sarria disfrute dun ben moi escaso nestes momentos, como son as zonas libres, verdes, no centro do pobo. O plan de encauzamento suporá un cambio radical en Sarria, que fará a vila moito máis atractiva para propios e extraños.

Esa é unha información que non se corresponde para nada coa realidade. A lista foi moi doada de facer porque moita xente se quixo sumar ao proxecto do BNG.