2.940 euros mensuais.

Non, creo que os permanentes conflitos entre Porto e Concello se dan pola utilización electoralista que se viu facendo os últimos anos do Porto de Vigo.

Unha relación norma, cordial, no sentido de que estivemos traballando para cumprir un pacto de goberno, que era a nosa principal preocupación. Como dúas forzas políticas diferentes que somos, houbo algunha discrepancia en certos temas.

É falso que un goberno bipartito supoña un maior custe para os cidadáns. En Vigo, temos un exemplo. Un goberno con maioría absoluta de 15 concelleiros non foi quen de aprobar dous orzamentos, co cal esta cidade en dous anos contou con 0 pesetas de investimento. Iso si é un despilfarro.

En primeiro lugar temos unha proposta de recuperación dos tranvías. Sería a creación dunha primeira liña que vertebraría un amplo espazo da cidade. En segundo lugar, a creación do Consorcio Metropolitano de Transporte, para coordinar autobús, ferrocarril, transporte de ría, tranvía... coa creación tamén do billete único intermodal que serviría para empregar calquera tipo de transporte na Área Metropolitana de Vigo.

Creo que o problema dos aeroportos galegos é a falta de planificación da actual Xunta de Galiza. Creo que os tres aeroportos non teñen que competir entre si, senón complementarse, cun verdadeiro plan galego do espazo aeroportuario.

Descoñezo o custe desa cartelería e penso que o importante é que as cousas que se fan nesta cidade se fagan de tal maneira que os vigueses e viguesas se sintan os protagonistas.

Ten que haber unha aposta por parte do goberno autonómico a prol do sector naval, como fixo o BNG cando dirixía a consellaría de industria no anterior goberno autonómico. Hai que esixir do goberno central que o sector naval sexa considerado prioritario no marco das políticas da Unión Europea. Non é de recibo que mentres os nosos estaleiros o están a pasar mal se potencien acordos con estados de fóra de UE e non se nos deixe traballar aquí, como ocorre en Navantia Ferrol. No noso programa reivindicamos a creación do centro de reparacións naval na nosa ría, o que sería unha boa alternativa para momentos coma este, no que a carga de traballo é menor.

Non entra nas miñas hipóteses obter 3 concelleiros. Aspiramos a alcaldía, e polo tanto a ter a maioría no próximo goberno municipal.

Nestes últimos anos, através da Concellaría de Turismo fíxose un grande esforzo pola promoción de Vigo a todos os niveis. A nosa aposta foi por facer de Vigo cidade receptora de congresos, cruceiros, etcétera. Seguiremos ampliando este traballo, promocionando Vigo en todas as rotas.

Desde o BNG sempre apostamos por reformar o Estadio de Balaídos. Fomos a única forza política que presentou un proxecto viable e serio que outros deixaron no caixón. Agora ben, neste momento, e coa situación de crise que temos, teño que dicir que se non participan o resto das administracións, o concello non pode permitirse un investimento tan alto.

O BNG ten claro os dous eixes fundamentais polos que apostar no vindeiro mandato. Unificación e vertebración dos recursos existentes para loitar contra a crise e non só non rebaixar senón aumentar ata un 8% os orzamentos de benestar. A redución de gasto non pode darse, como está a facer o Partido Popular na Xunta nos servizos sociais, nos servizos públicos e na atención aos colectivos menos favorecidos.

Por suposto que si. De feito unha das medidas será estabelecer un regulamento consensuado coas asociacións de comerciantes para dificultar a implantación destas áreas. Nós sempre apostaremos polo pequeno e mediano comercio contra as grandes áreas.

Prometín apostar pola recuperación e dinamización do Casco Vello, que penso que está cumprido. Non hai máis que pasear por el para comprobalo. Así, elevamos substancialmente a calidade de vida dos veciños e veciñas que alí viven. Co tema do ruído, dicir que sempre apostaremos por unha cidade moito máis sustentable e ecolóxica e que polo tanto, unha das accións fundamentais é ir eliminando paulatinamente todo o tráfico do contorno do noso Casco Vello.

O gasto da presentación da candidatura da Universiada ascendeu a 1 millón de euros. Non comparto que non tivese ningunha repercusión. Vigo foi promocionado no mundo do deporte e da universidade. O retorno económico conseguido nos grandes eventos deportivos celebrados na nosa cidade despois da Universiada foi de 4 millóns e medio de euros. Descoñezo o retorno para a cidade dos collíns ou dos mobles do despacho da señora Porro.

Concello, sempre.

Creo que é precisa unha nova estación de tren, sen entrar a valorar o proxecto. O que si me gustaría é que paralelamente á realización dese proxecto os vigueses e viguesas xa puidesen disfrutar do AVE e dun servizo de cercanías como xa hai en outros territorios do Estado. Decirlle tamén a vostede que todos os proxectos do BNG neste mandato (Pinacoteca, Centro Galego de Fotografía, Centro de Servizos Sociais de Coia, Pavillón de Navia...) foron encargadados todos a arquitectos galegos, e na súa gran maioría, vigueses.

O Auditorio Municipal foi remodelado neste último ano e xa nas festas deste verán xa se puido comprobar esta remodelación.

Nós consideramos que calquera solución pode ser boa para calmar o tráfico, incluída esta, porque apostamos por unha cidade co tráfico cada vez máis restrinxido e máis lento.

Non son consciente da circunstancia que vostede me comenta. Pero si foi así, non me parece xusto.

Un político de Vigo.

Non creo que haxa que demonizar o uso do coche pero si regulalo. O BNG sempre tivo claro que a cidade ten que ser para as persoas. Este ano tentamos volver traer ese campeonato e non foi posible porque noutros lugares ofertaban cantidades desorbitadas que non estabamos dispostos a asumir nunha situación económica como a actual.

Xa respondín nunha pregunta anterior.

Estou convencido, e así o agardo, que a cidadanía vai saber valorar o traballo dos concelleiros e concelleiras do BNG neste mandato. No caso de que a cidadanía non o fixese así, aceptaríamolo e seguiremos traballando por Vigo, como sempre fixemos.

Estas grandes áreas comerciais que vostede cita non deixan riqueza na cidade, e está comprobado que axudan ao peche do pequeno e mediano comercio alí onde se implantan.

Teño dito moitas veces que as Sociedades Ánonimas Deportivas non deben recibir subvencións públicas. Outra cousa é o apoio que desde outras facetas se lle poida prestar ao equipo máis representativo da nosa cidade. Eu son socio e abonado de Río Baixo desde hai moitos anos.

Sempre que, aínda que sexa mínimo, exista un foco de narcotráfico na nosa cidade é moi preocupante. No noso programa de benestar social temos medidas claras como a aposta polo Plan Local de Drogas no que se contemplan medidas non só para o tratamento dos drogodependentes senón tamén os traballos de prevención que xa se viñeron realizando estes últimos 4 anos cos mozos e mozas de Vigo. Neste último ano, os programas de prevención chegaron a máis de 10.000 escolares.

A aposta pola nosa cultura, a recuperación do noso patrimonio e da nosa lingua serán liñas fundamentais do noso traballo. Ser nacionalista é tamén apostar polos nosos sectores económicos básicos e cercanos. Apostar polos traballadores e traballadoras de Vigo e Galiza, polo empresariado autóctono... En definitiva, ser nacionalista significa reivindicar o papel de Vigo como motor industrial de Galiza sen plegarnos ás directrices de Madrid.

O Porto de Vigo sempre foi un pilar básico da nosa económica, atendendo á súa propia especialidade económica. Como dicía antes, o problema é que cando se emprega o porto como trampolín electoral non se busca o desenvolvemento económico senón as accións que "lucen máis" ou dan votos.

Galego e inglés.

Temos claro que hai compatibilizar o lecer e o descanso dos veciños.

Desde o Concello non temos todas as competencias en materia de protección social, pero as que temos, como fixemos nestes catro anos, teñen que estar ao servizo de todos os sectores desfavorecidos: incremento das axudas a libros e comedores escolares, incremento das axudas para a atención no fogar, incremento das axudas de emerxencia social, aumento dos programas xantar na casa ou o "bonotaxi" para os discapacitados. En definitiva, aumentar a cobertura social.

O BNG acostuma presentar o seu propio programa. Temos aportado sempre aos distintos gobernos dos que formamos parte estabilidade e seriedade para levar adiante o pactado.

O coche oficial é un servizo que emprego para desprazarme a aqueles actos institucionais que realizo como representante da cidadanía en calidade de teniente alcalde. Os veciños e veciñas piden que esteamos nos actos que eles organizan, nas celebracións que realizan, etcétera. Sería imposible atender todo isto cunha axenda na que a unha hora hai que estar nun sitio e 15 minutos despois noutro se non tivesemos este servizo.

O BNG foi precisamente quen incorporou ao Plan Xeral este importante proxecto para o Casco Vello e para a cidade. Se temos a maioría no futuro goberno traballaremos para levar adiante este proxecto.

En absoluto. O que quero é que o galego, como lingua oficial en Vigo e en Galiza siga tendo un uso preferente e siga sendo apoiado desde a administración, porque é indubidable que a día de hoxe non ten os mesmos dereitos nen os mesmos apoios que a outra lingua oficial.

Sen dúbida, a crise económica e o paro.