O problema da rotonda de Conxo xa é coñecido e anterior. De feito está redactado e aprobado polo Ministerio de Fomento o proxecto para a construción do paso inferior, que espero poidamos encaixar presupostariamente a pesar das dificultades. Mentres tanto, en todas as horas punta estará a policía local para facilitar a circulación.

O uso do galego no Concello de Santiago está regulado tanto polo establecido no Estatuto da Capitalidade como no propio Regulamento interno do Concello aprobado por unanimidade en 1988. O criterio do Concello é respectar as demandas e dereitos dos cidadáns, pero con carácter xeral utilizar sempre o galego como lingua propia de Galicia, por entender que se atopa nunha situación de inferioridade que require un apoio específico, sen prexuizo do dereito de cada persoa a ser atendido en calquera das dúas linguas se así o solicita.

Na zona de San Pedro actuamos nos últimos anos sobre a propia rúa de San Pedro, a rúa Bonaval, e outras rúas dese ámbito. Polo tanto, non é verdade que leven 50 anos sen tocarse. En calquera caso, o problema máis severo é a circulación de tráfico pesado por unha vía que non reúne requisitos para iso. A solución non é doada, toda vez que non hai consenso no barrio e esta rúa xoga un papel troncal para outras zonas como pode ser Belvís. Seguiremos actuando, aínda que o meu criterio persoal é potenciar os usos peonís e restrinxir a súa utilización por vehículos especialmente pesados dentro do posible.

A total garantía de que o proxecto e o modelo de cidade que vimos construíndo nos últimos anos vai a seguir. No caso dalgún candidato non coñecemos nin o seu proxecto nin o seu modelo, pero si sabemos que quere revisar o proxecto actual e desde logo, polo que se ve das súas opcións, o seu modelo non é a tolerancia, o respecto, a amabilidade, a prudencia nin a discreción, que a min me parecen esenciais e características moi específicas do ser compostelán.

Primeiro, a residencia non está nunha zona verde senón nun espazo reservado para un uso dotacional, aínda que provisionalmente se tivera acondicionado como zona verde. En segundo lugar, porque a necesidade de residencias para a terceira idade é unha prioridade absoluta. As prazas actuais só cubren o 2% das persoas maiores, cifra absolutamente insuficiente!

Son moi afeccionado ás zonas verdes e todas elas foron adquiridas por xestión urbanística, área que nunca levaron os meus socios de goberno. En todo caso, a acción de goberno é común e compartida, e de feito en toda esta campaña electoral os proxectos presentados polos meus socios son comúns, e paréceme fantástico, porque isto quere dicir que fomos quen de asumir como propio un proxecto común para a nosa cidade, que é o máis difícil.

Santiago é unha cidade que polo seu tamaño e as características das súas vías públicas faise necesario establecer prioridades de uso. Non caben todos á vez. Polo tanto, debe privilexiar os usos peonís da propia cidade, o uso circulatorio e dentro del o uso para o transporte público sobre o uso como parque de estacionamento. Con relación ao parking de Santa Marta, a experiencia amosa que hai que manter a constancia no empeño. Seguiremos facendo máis publicidade e estou seguro que nuns meses acadaremos niveis de ocupación máis que aceptables, como xa sucedeu en experiencias previas.

Non comparto a súa preocupación, e creo que a inmensa maioría dos cidadáns tampouco. Por certo, a maioría son para controlar o tráfico.

Non comparto a súa afirmación, e por certo o meu balance como alcalde é de todo Santiago, e os veciños da Almáciga forman parte desta cidade. Na Almáciga hai un parque maravilloso e recentemente arranxáronse todas as rúas! Ademais, no meu programa electoral promovo a declaración como Área de Rehabilitación Integral para mellorar as vivendas e incorporar ascensores, tal como se está a facer en Vista Alegre.

En todos os meus actos e documentación aparece claramente o logotipo do PSOE. Ademais, sempre faigo alusión a ese tema, pero o candidato son eu e non Zapatero. Non será que outros se esconden detrás do logotipo do PP?

As primeiras: habilitar novo solo industrial. Esta mesma mañá, por certo co voto en contra do PP, adxudicamos as obras de dous novos polígonos industriais. En segundo lugar, a través do Cersia e dos servizos municipais axudando e apoiando aos xóvenes emprendedores. En terceiro lugar, a través da formación, facilitando a reciclaxe dos que perden o seu posto de traballo ou corren perigo de facelo e a súa adaptación para cubrir as novas demandas de emprego. E moitas máis, invítoo a que descargue o meu programa electoral en www.bugallo.es, alí pode velas máis detidamente.

Non é un bipartito, senón un goberno de coalición cun proxecto común de goberno que é executado independentemente da militancia concreta de cada concelleiro.

Son áreas recentemente gobernadas polo BNG, se cadra escollidas por ser as máis valoradas e nalgún caso as menos conflitivas... Desde logo, o proxecto de cidade polo que se desenvolven é anterior á incorporación do BNG ao goberno.

Paréceme unha falta de respecto cara unha persoa que demostrou permanentemente unha gran valía.

Apoio a custodia compartida pero non sei se somos conscientes do que iso implica e dos problemas que está a xerar pola súa aplicación. En todo caso, é preciso ser prudentes e saber que sobre todo a quen hai que volcar a protección é aos fillos!

Si. O noso criterio é converter boa parte do centro urbano da cidade non peatonalizado en zonas 30 e facer compatible o uso da bici con vehículos a motor. En Santiago é moi difícil reservar espazo nestas rúas para carril-bici, polo tanto cremos que esta é a mellor solución.

Porque estaba noutro medio de comunicación gravando un programa que se prolongou máis do previsto... Pido desculpas a todos!!!

Non me corresponde a min facer valoracións sobre o candidato do BNG. En todo caso, non me parece un mal candidato.

No casco histórico nos últimos anos fixéronse ducias de obras, rehabilitación de edificios singulares, recuperación de espazos urbanos (Rodrigo de Padrón, San Clemente, Hortas, San Fiz, Trindade...). Puxéronse en marcha fundacións culturais como a Torrente Ballester ou Eugenio Granell, e agora estase a poñer en marcha o Museo da Cidade e das Peregrinacións e por parte da iniciativa privada Novacaixagalicia na rúa Nova e na rúa do Vilar Caixanova, agora Novacaixagalicia en Cervantes e agora no Pilar. É a zona da cidade e probablemente de Europa que en menos metros cadrados hai máis centros culturais! Aínda que é certo que falta o Centro de Saúde para o que hai dous anos que cedimos os terreos e aínda non sabemos nada, e un centro para os veciños que actualmente ocupa un lugar alugado polo Concello, como vde. sabe. Espero que no próximo mandato poidamos facilitar un centro sociocultural se fructifican as negociacións coa Igrexa...

Un saúdo a todos e a todas, reiterando as miñas desculpas por chegar algo tarde. A través da web Bugallo.es e do meu correo alcalde@santiagodecompostela.org podedes enviar as vosas inquedanzas tamén. Abur!