Nós pensamos que o goberno bipartito de Santiago ten feito un escandaloso esquecemento do rural de Santiago. Mesmamente cando a Administración central do Estado a través dos fondos de inversión local concedeu unha cantidade importante de cartos ao Concello estes foron investidos basicamente no centro da cidade, pensando exclusivamente na concentración de voto. Queremos facer un plan que en catro anos cubra as necesidades básicas do rural de Santiago. Refírome a abastecemento, saneamento, coidado e asfaltado de pistas, limpeza de gavias, alumeado público e transporte.

Penso que o aeroporto de Lavacolla é o aeroporto central de Galicia e o de referencia do norte de España a nivel nacional e internacional. A partir de aí, creo que a nosa comunidad autónoma ten unha realidade que é a existencia de dous aeroportos máis, Alvedro e Peinador. Pensamos que hai que aproveitar toda a infraestrutura aeroportuaria galega cunha visión de país pero, reitero, o aeroporto central de Galicia é Lavacolla e dende logo farei da súa defensa un eixo fundamental da miña política no Concello de Santiago

Pode ser. Non digo que non. Pero eu non tento contentar a todo o mundo. Creo que a sala Nasa tivo durante moitos anos unha actividade centrada na promoción cultural e a proxección de novos valores artísticos. Agora ben, tivo un punto de inflexión, que foi a homenaxe disfrazada a dúas persoas que atentaron contra os bens e a vida dos composteláns. Polo tanto,a partir dese momento, a sala Nasa terá o tratamento que se deriva de tal feito e que pola miña parte nunca ocultei.

Si, sen dúbida. A comunidade autónoma é unha comunidade bilingüe e todo aquel cidadán que o desexe poderá recibir os documentos en galego ou en castelán.

Gústame moitísimo pasear, facer excursións por Galicia, en concreto polos montes galegos, aínda que agora, en campaña electoral, teño pouco tempo. Polo demais, gústame moitísimo estar cos meus fillos e entodo caso, sempre que podo procuro facer unha pequena escapadiña para coñecer novos lugares, porque son un apaixoado das viaxes.

Sempre pensamos que o botellón non era unha forma de ocio xuvenil. Sempre pensamos, e así o defendimos, incluso na campaña electoral do ano 2007, que o botellón xeraba moitísimos máis perxuizos que vantaxes. En primeiro lugar, queremos que os veciños teñan dereito ao descanso nocturno. En segundo lugar, cremos que a inxesta de alcool por parte da poboación xuvenil deixa profundas pegadas que se verán nos anos vindeiros. Cremos que se provocan accidentes de circulación que deixan secuelas a persoas inocentes e, en definitiva, nós o que faremos será unha política coherente para rematar coa práctica do botellón a base de facer efectiva e que se cumpra a ordenanza municipal de ruídos, cremos que hai que poñer multas, que sexan pagadas, aos que a infrixan e en definitiva, seguir as recomendacións da OMS do Ministerio de Sanidade e da Consellería de Sanidade.

Santiago non se entende sen a súa universidade, e por suposto sen os seus universitarios. Pol otanto, para nós os universitarios en Santiago son algo máis que unha fonte de riqueza material. Dánlle vida á cidade e merecen a nosa consideración máxima. Cremos que hai que colaborar máis coa Universidade na programación cultural, cremos que o sistema do bonobús debe implementarse tamén en función da renda dos nosos universitarios, cremos que deben mellorarse as instalacións deportivas e que os universitarios poidan acceder ás instalacións deportivas municipais e sobre todo, que haxa comunicación, que non vivamos de costas, como temos feito ata o de agora.

O tecido asociativo de Santiago é amplísimo. Son moitas as asociacións culturais, veciñais, e de todo tipo que organizan actos culturais. Pensamos que esta é unha riqueza para a nosa cidade. Agora ben, en tempos de crise como estamos cremos que a cultura ten que ser un complemento necesario e útil para non só o divertimento e o disfrute, senón tamén para facer un voluntariado cultural que axude aos servizos sociais do Concello a atender a aquelas persoas que viven soas, ás que están en residencias da terceira idade, a aqueles nenos que necesitan unha atención especial. Eu penso que se somos capaces de organizar ese voluntariado cultural o Concello de Santiago dará un exemplo de colaboración entre o mundo da cultura e o mundo da solidariedade. Por aí van as nosas propostas.

O Concello de Santiago se nós chegamos a gobernar, porá en marcha xunto con outras Administracións un programa de emprendedores. Pensamos que unha empresa individual ou que xere dous ou tres postos de traballo é unha xoia que hoxe en día hai que fomentar e defender. Polo tanto, nós apostamos máis que polas políticas de ingreso na función pública, que sempre serán necesarias, por fomentar e axudar aos licenciados e á xente nova a crear a súa pequena empresa.

Si. Creo que é a única solución e desgraciadamente temos un alcalde que foi catro anos concelleiro de Tráfico e doce alcalde e agora vén propoñendo que a solución ao tráfico son os aparcamentos en Bertamiráns. 16 anos para chegar a unha conclusión que é unha pura evidencia. Haberá que tomar medidas drásticas se a evolución do tráfico segue sendo a que é e haberá que recordarlle ao señor Bugallo e ao Partido Socialista que durante os anos de goberno fixeron un urbanismo salvaxe nalgunhas zonas da cidade que vai deixar ás próximas xeracións unha cidade fondamente deteriorada.

Os parque de bombeiros é un auténtico monumento ao despilfarro. É un bochorno para a cidade e unha demostración palpable da ineficacia do goberno municipal. 2,5 millóns de euros estragados sen que ninguén teña dado unha explicación razoable de por que e sen que se producira ningunha dimisión por ter esta vergoña á entrada xusto da cidade, ao lado da Xunta de Galicia.

Nunca dixen que a sala Nasa fora unha asociación terrorista.

O parcamento para residentes ten que estar dedicado a residentes pero ao mediodía e pola noite. O resto do día ten que ser aparcamento libre. En canto á necesidade de estar empadroado seis meses antes, o que si é certo é que non sei se seis meses, ou catro ou un ano. O que é necesario é estar empadroado para ter acceso ao aparcamento para residentes.

Como moi ben sabe a casa da acollida foi outro dos fracasos do goberno municipal na lexislatura dos chamados servizos sociais. Foi transferida á Xunta de Galicia e agora é necesario recuperala e darlle novos folgos. A prevención e a loita contra a violencia de xénero debe ser hoxe unha prioridade de calquera goberno, xa sexa municipal, autonómico ou nacional. Dende esta perspectiva faremos todo o posible para que Santiago poida volver a ter un lugar de atención para todas aquelas persoas que sofren esta lacra.

Como moi ben sabe, nas eleccións locais os que non poden votar son os residentes no exterior que sexan descendentes de galegos, o cal non quere dicir que se vostede reside fóra de España non poida exercer o seu dereito ao voto no seu país de residencia sempre que o Goberno español teña asinado un convenio bilateral para que os nacionais dese país poidan votar en España, de tal xeito que vostede poderá escoller se vota no seu país de residencia ou en España pero non nas eleccións municipais, si nas autonómicas e nas xerais.

Non hai ningún político municipal do Partido Popular nin do goberno municipal que se enfrontara á Xunta de Galicia actual coma min. Eu defendín a Santiago no Xacobeo, defendín á Universidade a súa Facultade de Medicina, defendín o Hospital Clínico, os voos de baixo custe e a centralidade do aeroporto de Compostela e mesmo defendín o seu patrimonio histórico, moitas veces fronte ao meu propio partido. O que nunca escoitei foi ao señor Bugallo queixándose do trato que o bipartito daba á cidade de Santiago pero, claro, cabe a posibilidade de que daquela o señor Bugallo estivera afónico.

O Campus Sur da USC foi unha marabilla, é un dos mellores campus universitarios de España e o seu estado é verdadeiramente lamentable. O señor Bugallo preferiu o botellón e incluso pechar o parque para os cativos que afrontar unha reforma integral do campus. Pensamos que si se pode e se debe facer e que en todo caso haberá que facelo en colaboración coa USC. En canto aos tributos locais, comprométome coa USC a facer todo o posible para que non supoñan unha carga e sexa o contrario, unha colaboración efectiva do Concello coa Universidade.

A música en Compostela ten unha longa tradición. Persoalmente, considero que unha das cuestións que máis tristura me producen na miña formación é non ter tido a posibilidade de ter unha boa formación musical. Polo tanto, pensamos que os conservatorios teñen que ser mellorados e dotados de todos os medios necesarios para que calquera poida acceder a algún tipo de estudo musical.En todo caso, en canto á música en Compostela, a degradación do auditorio municipal, baixa a dirección do señor Bugallo e a señora García Conde é un feito incontestable. Nós faremos do Auditorio de Galicia un referente para a música en Compostela.

As zonas verdes teñen que ser zonas verdes útiles, nas que o cidadán poida pasear, ler ou xogar coa súa familia e mesmamente pasear un can en lugares, en todo caso, especialmente dispostos para iso. O que non vale é ter as mal chamadas zonas verdes abandonadas, sen coidados, cheas de lixo e de ratas. Nós non defendemos ese tipo de zona verde que tanto lle gusta a algúns concelleiros do grupo municpal apelando a un ecoloxismo estereotipado que xa está superado dende hai moitos anos.

Creo que si, si no no me presentaría por sentido de la responsabilidad. Conozco los problemas del Ayuntamiento y creo que hemos elaborado un buen programa y tenemos soluciones para algunos de lso más graves problemas de la ciudad. Solo le pido su confianza, por supuesto su voto, y que piense que en democracia los cambios son saludables, generalmente, y en muchos casos totalmente necesarios.

Primero, felicitaros, porque el ejercicio del derecho a voto es algo que os acompañará toda vuestra vida y es algo que constituye un patrimonio irrenunciable. En segundo lugar, nuestra política para jóvenes va a estar centrada fundamentalmente en la preparación de vuestro futuro a través de planes de creación de puestos de trabajo, a través de la creación de cuerpos de voluntariado, y en definitva, ayudaros a que vuestra inserción en la sociedad se produzca de la manera más eficaz y rápida posible.

Non teño ningún problema empresarial coa Administración pública. Entodo caso, agradézolle o seu interese polas miñas cualidades como xestor.

Me sorprende profundamente el problema que usted me plantea y me deja profundamente preocupado. Desconocía que pudiese existir una desatención de tal naturaleza. Le ruego que me haga llegar al teléfono del grupo municipal (981 54 23 33) una petición de audiencia para hablar con más detalle de este problema. Le agradecería que nos reuniésemos después de esta campaña electoral, dada la escasez de tiempo de que dispongo en este momento. Pero por favor, no deje de hacerlo.