Onde sempre. No meu corazón. Pero nós, os galeguistas, estamos a face-lo galeguismo do século XXI, como os nosos devanceiros o fixeron noutrora. E inda que o reto é grande, esperamos estarmos á altura das circunstancias. Manoel.

Hoxe traballamos os que podemos e rezan os que queren. E o de divertirnos, cando podmos. Compre procurar traballo para todos. manoel.

O Partido Galeguista admitiu e admitirá a tódolos que veñan a traballar pola opción política que vostede indica.

Con absoluta sinceridade: con Vigo. Explícome. Temos un programa extraordinario con evidentes contidos políticos (por resumir moito, é de centro no económico e de progreso no social). Esa será a necesaria base para un pacto, e logo virá un pacto de poder para gobernar lealmente e defender a Vigo axeitadamente, ou sexa, por riba de todo.... DIÁLOGO, IDEAS E FIRMEZA.

Xa respondín antes a esta cuestión. Pactaremos con Vigo. Pactaremos con quen sexa obxectivamente mellor para Vigo.

A Coruña é unha cidade moi diferente ó resto de Galicia levan unha chea de tempo pelexando por saber cal será o seu nome...A proposta de Carlos Marcos de que se chame Coruña, pra rematar coa guerra de A Coruña contra La Coruña, paréceme axeitada. Espero que Carlos camiñe por vieiros galeguistas e faga que aquela fermosa cidade acabe por facelo tamén. Pero il di que compre facelo coa persuasión como método. Ogallá acerte.

Algúns medios maltratan a quen non ten cartos. Pero algúns aceptámo-las regras do xogo para que algún día teñamos un Vigo e unha Galicia grandes. E con independencia do dito coido que en Vigo temos tan bos políticos coma noutros lugares. E, en calquera caso, nun País libre cada quen escolle o que máis lle agrada, e se non lle agrada o que hai compre te-la coraxe para montar algo diferente.

Seremos determinantes para gobernar. E Vigo dará un salto xigantesco cara ó futuro.

Esperamos ter un Deputado que decida o goberno da Deputación. Entre outras cousas porque xa está ben do mesmo de sempre...Compre aire fresco!

Galicia é unha nación, e a ningunha nación lle regalan dereitos: conquístanse. Agora ben, a autodeterminación debe pedila quen queira independizarse, cousa que o PG non pretendeu xamais. Nos queremos axudar a construír España dende o punto de vista dos intereses dos galegos. Cousa que non ten ocorrido nesta etapa democrática.

O Sr. Alonso non quixo seguir en política (o que pasou nesta Corporación foi para sacarlle as gañas a calquera). Na miña opinión Maite ten sido das concelleiras máis eficaces da historia de Vigo. E estou cada día máis compenetrado con ela. Paréceme boa compañeira. E intelixente. E traballadora.

Refacer integralmente a Edar do Lagares para trata-las augas fecais do val do Fragoso, e facer outra nova na zona portuaria para recolle-las augas da cidade central, xunto coa de Teis sería unha moi boa solución. Apostaremos por ela.

Teño a mesma ideoloxía que tiven sempre (a estas alturas coido que morrerei con ela), pero en realidade os cambios foron dous pois PSdeG-PSOE e Progresistas Vigueses tiñan a mesma posición política, e DPG e PG o mesmo. Como dixo Churchill "ás veces compre cambiar de lugar para non cambiar de ideas"...

O Celta precisa dúas cousas: un campo á altura doutros que hai por aí e quen o manteña ben en Primeira División.

A idade é a mental (entusiasmo, ideas, capacidade de traballo...) Vostede non me coñece senón vería que traballo ó mesmo ritmo e intensidade ca calquera. E máis ca moitos...

Estamos a conformar un partido que precisan os Concellos galegos e que precisa Galicia. E estámolo a facer xentes que estaban no PSdeG-PSOE, outras que estaban no PP e outras que estaban no BNG. E a todos nos une o amor por Galicia e as políticas que queremos desenvolver.

Vostede ó parecer descoñece que se fixeron unha chea de praias no mundo, en Galicia e no resto de España tamén, sen problemas de impacto ambiental. O que cumprirá é facelo con regras rigurosas para non prexudica-lo medio ambiente. Claro que algúns dicían que a autopista galega sería unha coitelada que racharía a Galicia en dúas metades. E menudo atraso nos costou esa postura tan maximalista.

O noso modelo (formulado por min mesmo por primeira vez hai anos), atinxe a un Vigo capital da Eurorrexión do noroeste peninsular (Galicia e Norte de Portugal). Para iso temos deberes: se-la capital da nosa propia provincia, infraestructuras axeitadas, un gran pacto polo desenvolvemento industrial e o emprego, etc.

Temos bos empresarios para desenvolve-los seus traballos intrínsecos. Pero aínda non saben que teñen que respaldar ás opcións políticas que máis lle conveñan ós seus intereses.

Cando eu era Alcalde non ocorría iso (e había políticos de outras cores nas administracións). En boa medida é un problema do noso Concello. Compre unha certa capacidade que non tivemos nos últimos tempos.

Meúda pregunta! Non son quen de resumila, polo que lle prego que a lea na nosa páxina web: http://www.manoelsoto.com

Menos mal que non estou nesas porque votaría que non ou me abstería. Xamais a favor.

Non sei o que lles pasa ós demais. En todo caso non todos valemos igual para calquera cousa. Eu teño unha gran ilusión por transformar Vigo e Galicia. E traballo honestamente por conseguilo. Sen desmaios.

Fun o ASlcalde que máis fixo polo rural en toda a súa historia. Daquela, por exemplo construímos máis centros veciñais ca en ningunha outra cidade española. Agora concertaremos coas entidades veciñais un gran programa para mantelos Centros Soio culturais en base a un intenso programa de actividades culturais, deportivas e recreativas. E poremos oficinas do Concello en tódalas parroquias e barrios de Vigo. E ademais en Teis, por exemplo, construiremos unha praia de preto de 900 metro de longo por oitenta de fondo, cun pasei marítimo arredor e un novo parque público duns 35.000 metros cadrados. Por exemplo...

Primeiro o PG non obterá malos resultados. A xente xa sabe agora que sen nós no Concello só habería liortas e pelexas sen conto. Pero en calquera caso o PG peresentarase ás próximas eleccións autonómicas coa ilusión de sabermos que unha forza así é necesaria para Galicia. En Cataluña, Euskadi, Canarias, etc. xa o saben dende hai tempo...

Por favor, lea os nosos programas en www.manoelsoto.com e verá que presentamos o programa de goberno máis importante que nunca se teña presentado en Vigo. E, entre outras cousas porque estou acompañado da mellor candidatura que se presenta a estas eleccións, cumprirémolo. Claro que son dos pouquiños que cumprín sempre os programas cos que me presentei ás eleccións municipais. Dicirlle tamén que son o Alcalde que máis cousas fixo por Vigo en toda a súa historia gobernando sempre en minoría e, pra rematar, que sen nós de mediadores o noso Concello volvería a ser "la casa de los líos"...

O PG vai seguir a súa andaina histórica. E canto máis se nos unan, mellor. E iso só se pode facer con diálogo sinceiro pensando en Galicia. Pero se algúns queren montar "chiringuitos de poder" para medros personais, trabucaranse.

A mocidade ten razón en reivindicar lugares para relacionarse sen custos desorbitados. Pero por riba diso está o dereito ó descanso por parte de todos. O Concello deberá arbitrar medidas intelixentes. E nós pretendemos consensuar algunha idea que temos e que non publicitamos para non prexudicala de antemán. Xa o verá...

O PG, e eu mesmo, pensamos que as provincias e as Deputacións deberan desaparecer e seren substituídas por administracións comarcais e, no seu caso, parroquiais. Pero somos conscentes de que a oposición a esta idea por parte do PP e do PSOE vai impedir isa solución por bastantes anos. E como queremos facer política que sexa útil en tempo real, sen deixar de traballar cara a aquel modelo, queremos que Vigo teña os mesmos dereitos que teñen Ourense, Lugo, Soria ou Teruel, por exemplo. Porque ás capitais de provincia dánselle servizos polo feito de selo, cousa que se lles nega a quen non o son.

Ten razón, pero eu sempre cumprín os programas cos que me presentei ás eleccións. ¿Que tal se os cidadáns que critican estas impresentables mentiras deixaran de votalos? Ocorre que os volven a votar. E volta a mentir. E volta a...

Mire os corruptos debnen paga-las súas falcatruadas. Pero non confundamos, salvo que se faga a mantenta, corrupción con calumnia, porque, por exemplo, eu nunca fun procesado por nada. Pero si moi calumniado polos que querían votarme do poder por tan "democrático" método...

¡Uf!

Xa! É a única vía coñecida, legal, con dereito, no estado actual, para termos inmediatamente unha oficina do Rexistro Mercantil, os xulgados que precisamos (tamén por certo un do mercantil), unha biblioteca estatal, un Auditorio Estatal de Música, etc. Senón seguiremos a esperar décadas. E Vigo freado...¡Basta!