Mire eu considero que teño unha boa formación, e conto cun bo equipo capacitado e preparado para gobernar en Viveiro, que ten vocación de goberno e que coñece en profundidade as problemáticas da xente maior e do empresariado e ten solucións para eles. A idade non é un problema, todo o contrario, creo que teño capacidade suficiente e moitailusión por contribuir no futuro do meu Concello.

No Bloque Nacionalista Galego de Viveiro elaboramos un programa para Gobernar Viveiro, que presentaremos en breve, e con él aspiramos a obter o apoio maioritario das veciñas e veciños. En función do apoio que estes nos den, o BNG logo das eleccións, decidirá tendo en conta experiencias pasadas, onde se coloca se no goberno ou na oposición.

O emprego é unha cuestión que me preocupa profundamente, o aumento do paro nos últimos anos en Viveiro é moi grande, e desgracidadamente as mozas e mozos teñen que emigrar a outros lugares. Teremos que tomar medidas activas de emprego para parar esta sangría, tendo en conta as pobres competencias municipais neste eido. A chegada do polígono industrial, que impulsou o BNG na anterior Xunta, será clave para o futuro do emprego. Incentivaremos con medidas especiais a chegada de novas empresas, que creen emprego e sirvan para que as mozas e mozos volten ao noso Concello.

Como xa vimos denunciando últimamente, pedimos outra vez as dúas forzas maioritarias e aos candidatos das dúas forzas estatais, que deixen de xogar electoralmente co muelle vello, é un área de vital importancia para o desenrolo urbano do noso Concello. Será preciso un gran acordo con todas as partes implicadas, e se como din a Xunta e Costas, realmente teñen previsto invertir no Muelle Vello, que o fagan, cun gran proxecto, en beneficio das veciñas e veciños, e non dunha ou outra forza política.

Eu máis que nas listas abertas, que me parece unha idea a estudar, creo que o que é preciso e formar equipos de goberno, o cal non sería posible neste formato. Na lista do BNG, levamos un equipo para gobernar, con xente experimentada e con coñecementos nas distintas áreas que implica un goberno municipal. Estou dacordo en que Viveiro, precisa un aire novo, e a día de hoxe, o BNG é a única forza que pode darllo, levamos case 30 anos coas mesmas persoas, que convierten o día a día, nunha disputa persoal de poder, e deixando de lado os problemas de veciñas e veciños, e é precisa a rexeneración e renovación de ideas, con gañas e ilusión, cun proxecto de futuro claro. Creo que nós cumprimos os requisitos.

A rehabilitación do Casco Histórico será unha prioridade para o BNG, pero tamén a creación de plans especiais de rehabilitación para Covas e Celeiro, xa que na actualidade existen moitísimas vivendas deshabitadas, algunhas delas en perigo para a xente da rúa ou para os colindantes. Temos que garantir a seguridade, así como mellorar a imaxe do entorno do Casco Antigo e dos distintos núcleos.

Eu póñome a disposición das veciñas e veciños de Viveiro para gobernar o Concello , podo aportar traballo serio e compromiso firme, ademais dun equipo formado e preparado que seguro que fará un moi bo papel no goberno municipal. Preocupame moito o futuro do concello no que nacín, medrei e vivo na actualidade. E quero contribuir a súa mellora así como a non ver como cada vez máis xente, se ten que marchar contra a súa vontade, pola falta de saídas, oportunidades e futuro laboral.

Esta cuestión xa a respostei con anterioridade, pero engado que tamén crearemos unha sementeira de empresas que contribúa a creación de empresas novas no Concello, e así mellorar o número de postos de traballo.

Si, o BNG cumprirá coa súa labor e fará os orzamentos anuais que reflexen con realidade e rigorosidade os ingresos e os gastos municipais, para que proveedores e asociacións podan cobrar en tempo e forma, xunto a isto faremos un plan de saneamento económico do Concello, para establecer un plan de pago da débeda municipal.

Esta pregunta está respostada con anterioridade, pero de forma breve, aportarei, traballo constante e sen descanso pola mellora da calidade de vida das miñas veciñas e veciños, honradez, transaparencia, diálogo e participación das veciñas e veciños na vida municipal. Ademais compromiso e moitas ganas e ilusión.

A elaboración duns orzamentos participativos do Concello do ano 2011, reais e rigurosos, fomentando a participación da veciñanza, consultando coas veciñas e veciños, cales son as prioridades inmediatas, e optimizando os recursos dos que dispoñemos.

O deporte será unha prioridade para o BNG, como xa o demostramos alí onde gobernamos. Cumpriremos cos convenios con clubes e entidades, impulsaremos o deporte con actividades propias municipais, impulsaremos a creación dunha fundación, que recolla patrocinios tamén privados para impulsar o deporte de base. Ademais impulsaremos a finalización do campo de fútbol de Lavandeiras, pistas de atletismo, e gradas, para conseguir unha gran área deportiva que sexa referente no norte de Lugo.

No noso programa, levamos a creación dun PLAN DE TRÁFICO, que estude con seriedade a situación actual, e promova a solución ao caos circulatorio que padecemos. O cambio de sentido da variante, sería unha opción moi a valorar dentro deste plan.

No BNG apoiamos de xeito firme e sen ningunha dúbida o trazado aprobado por unanimidade na Corporación Municipal, aquel que non destrue a parroquia de Magazos. Esta infraestructura, é importantísima para o noso Concello, e pedirialle ao PP na Xunta que se deixe de marear co asunto, que non modifique o trazado e que a execute dunha vez.

O BNG creará o carril bici en todalas zonas posibles, sobre todo nas zonas urbanas de Covas, Viveiro e Celeiro, ademais de instalar un servizo municipal de aluguer de bicicletas fomentando o seu uso na sociedade.

No caso de Celeiro, o noso programa inclue ademais da elaboración dun Plan de Rehabilitación Integral do núcleo antigo, a recuperación da fachada marítima de Celeiro, incluíndo o impulso diante da Xunta do traslado do varadoiro a outra ubicación, dentro do propio Porto de Celeiro(de tal xeito que non se perda nin o servizo nin os postos de traballo), conseguindo así rexenerar a Praia de Celeiro, e a formación de zonas axardinadas e de esparcemento. Estas serían algunhas medidas que impulsaríamos dende o goberno municipal para Celeiro.