Coido que eso ten que decidilo a cidadanía e o que ela decida ben decidido estará. O que si teño claro é que a opción que represento aspira a gobernar para unha maioría plural e diversa de veciños e veciñas que valoran positivamente os paso acadados nestes catro anos en materia de infraestruturas e servizos. O BNG ten claro que máis aló do diálogo para o que está aberto con todas as opcións políticas, non permitirá volver a instalar ao concello nun armandismo sen Armando.. Coido que ninguhha outra opción política expliciou así de claro esta posición.

A rede de locais socioculturais, coñecidos como Casas Comúns son unha das grandes conquistas destes anos, conquista que permite facer unha planificación da oferta cultural e social do concello e abrir os edificios públicos á participación da cidadanía. Estamos a falar de mais de seis locais socioculturais rehabilitados. Tamén sinalaría o esforzo feito en servizos básicos tanto na rede viaria, con mais de 50 quilómetros de vias principais tratadas con aglomerado como en saneamento cun esforzo inversor de máis de 4 millóns de euros. Agardo que tamén se poida valorar os esforzos feitos en coordinación con outras administracións para a humanización de zonas urbanas como pode ser Cacheiras ou Os Tilos.

Agardo que o esforzo feito durante estes catro anos para converter a Casa do Concello na casa de todos os veciños, as propostas de futuro, o compromiso e a gran candidatura que presentamos sexan determinantes nos resultados das vindeiras eleccións e non outras cuestións que no fondo son secundarias.

Non estou para nada dacordo con esa apreciación. Combatín poíticamente durante moitos anos as prácticas e os posicionamentos tanto de Armando como de Parajó. Coido que esas prácticas deben permanecer no pasado. Durante estes catro anos esforzámonos por cambiar a praxe política no Concello, por non clasificar aos veciños entre os teus e os meus, por apostar polo diálogo e por intentar subsanar as eivas importantes que existían tanto en cultura democrática como en infraestruturas e servizos. Ao meu entender, o señor Leis (PSOE) durante estes catro anos non soubo entender o mandato cidadán, practicou unha política de bloqueo, acoso e derribo antepoñendo sempre os intereses partidarios ao interese xeral do Concello intentando tensionar a vida municipal. O que non resposta o señor Leis (PSOE) é se estará disposto,chegado o momento, a instalar ao concello no pasado apostando coa súa ambiguedade por un armandismo sen armando que ven a ser algo asi como tomar achicoria en vez de café.

O BNG foi crítico na lexislatura anterior na tramitación municipal do Plan Xeral na medida en que entendiamos que era neses momentos cando o concello podía determinar o planeamento urbanístico definindo o modelo de concello que se quería. Nesta lexislatura a nós tocounos, unha vez aprobado pola anterior corporación o plan, o proceso de tramitación autonómica e nese senso colaboramos activamente sabedores das nosas limitacións competenciais exercendo un principio de responsabilidade que entendía que era mellor contar con algún planeamento que condicionara o desenrrolo de chan industrial e a humanización do urbanismo do pasado, que non contaba con ningún. Nestes momentos o Concello conta cunha ferramenta de planeamento e depende dos responsables que a empreguen, pode condicionar o futuro do concello de maneira positiva ou negativa.

Un non se pode deslindar da súa profesión máis non a exercín, por desgracia, con algúns dos meus compañeiros de corporación durante estes catro anos. Se para algo emprego os meus coñecementos no día a día é para diagnosticar os problemas estructurais do Concello e, na medida das posibilidades, buscar solucións de futuro que consoliden o gran cambio dado durante estes catro anos e convirtan ao concello de Teo nun dos referentes da comarca de Compostela. Eu sempre digo, de maneira informal, que o enfermo (polo Concello) saiu de coidados intensivos e está xa na casa onde segue a precisar de coidados.Ese é o reto do próximo mandato.

Durante estes catro anos o Concello fixo un esforzo importante por acondicionar na rede viaria o que nós entendiamos como arterias principais do termo municipal. Esa mellora, que resulta evidente, conlevou un deterioro importante da rede secundaria dos núcleos rurais. A finais do ano pasado, asinamos coa Deputación da Coruña un convenio por un importe de mais de 300.000 euros para o arranxo destas eivas. O que vostede entende como gravillado nós entendémolo como mellora das condicións destes núcleos. Nunca é suficiente porque o Concello de Teo ten unha extensa rede viaria difícil de manter cos ingresos ordinarios. De aí que teñamos que buscar financiamento noutras administracións, como foi neste caso, onde a Diputación pon o cen por cen dos fondos. O arranxo das estradas está condicionado pola situación meteorolóxica. Ese é o motivo de que o groso destas actuacións se estéan realizando coincidindo coa primavera.

A aposta do grupo de goberno sempre foi a de concentrar os servizos municipais ao carón da casa consistorial. A oferta de terreos na parroquia de Calo, como se ten explicado en moitas ocasións nas sesións plenarias, era unha oferta temporal para intentar conquerir terreos na Ramallosa. Como iso non foi posible, entendimos que debíamos renunciar á subvención autonómica, que non chegaba ao 30% do coste total do edificio, antes de deslocalizar un servizo de seguridade e de emerxencias. Os tempos de actuación tanto en materia policial como no corpo de protección civil son importantes e a dispersión poboacional do Concello obriganos a apostar pola centralidade nas dependencias destes corpos.

O grupo de goberno durante estes catro anos planificou unha politica cultural destinada a unha maioría social do concello plural e diversa. Nese senso, a pesar de que sempre apostamos pola normalización linguística do noso idioma, nunca discriminamos a oferta cultural por cuestións linguísticas. Quen afirme eso non asistiu aos actos programados nestes anos, nin me me coñece a min persoalmente. Se por algo apostei sempre é polo respeto político dentro da diversidade cultural.

Os nosos concelleiros demostraron durante estes catro anos, nunha situación política complicada, cunha herdanza económica difícil, preparación, lealtade para cos veciños, adicación, e unha importante dose de ética. Era de xustiza respetar a decisión de cada un deles para poder continuar desenrrolando un proxecto que iniciamos hai catro anos. Nese senso, o feito de que a maioría deles continúen é para min unha gran satisfacción e un motivo de garantía para afrontar o futuro. A maiores incorporamos referentes dos novos veciños que están chegando a vivir ao concello e tamén xente vencellada ao ensino no concello e que ten demostrado a súa capacitación durante estes anos. O PP perdeu unha gran oportunidade para dar un proceso de renovación necesario na politica municipal e continúa a apostar por fórmulas do pasado que non entenden que os tempos trocaron e que teo precisa de compromiso e formación para poder facer fronte aos retos importantes na xestión do día.Afirmar, como dixo o seu candidato, que nada trocou en Teo é vivir fora da realidade. No PSOE o proceso de renovación dado nas súas listas carece de autocrítica na medida en que siguen facendo unha aposta pola continuidade de alguen que tensionou terribllemente a vida municipal nestes catro anos. Agardo que o mandato cidadán a partir do 22 de maio poda trocar as actidudes duns e doutros.

Para solucionar os problemas do día da día na xestión municipal, o noso grupo de goberno demostrou capacidade de diálogo co conxunto das forzas políticas da corporación. Esa é unha aposta a cal nos non renunciamos. De todos xeitos., falando xa de pactos estables, a candidatura que eu encabezo nunca permitirá que políticas propias do pasado se volten a instalar no concello de Teo. O vindeiro 22 de maio, creo sinceiramente, que a xente ten que decidir ente continuar o camiño iniciado nestes catro anos e afianzar as melloras, cousa que garante a nosa candidatura, ou apostar por voltar ao Teo que desgraciadamente todos coñecimos hai tempo e que non ten nada que ver co Teo actual.

A actuación feita na comarcal 841 con fondos autonómicos, ao meu entender, dotou ao núicleo urbano de Cacheiras dunha importante mellora na seguridade vial. O desenrrolo do Plan Xeral ten que intentar subsanar as eivas en zonas verdes e equipamentos dun modelo urbanístico do pasado que primou un medre rápido por riba doutras cuestións. Por decilo dalgunha maneira, os que pretendan construir en Cacheiras, terán que subsanar polo menos colateralmente as súas eivas en estandares de calidade, tanto no que se refire a zonas verdes como a equipamentos comunitarios.

Das políticas implantadas en materia de conciliación, da aposta feita por unha politica cultural propia municipal, da mellora nas infraestruturas básicas e na rede de locais culturais, pero sobre todo por ter convertido o concello nun concello moderno, prestador de servizos e cormpometido co seu futuro. Hai algo mais que me gustaría sinalar, que é o comportamento e o apoio dos veciños e as veciñas, que nuns tempos complicados souperon entender nun principio as dificultades, tiveron paciencia e agora empezan a disfrutar das melloras acadadas. Ese é o meu principal motivo de orgullo.