Hai nove anos o que se iniciou na praza de España foi o que tiñamos nós no programa electoral. É dicir, nós plantexamos a creación dun parking subterráneo e unha remodelación do deseño da praza. O que sucedeu despois, tras a chegada do goberno do PP e IF foi un novo redeseño do noso proxecto, onde trataron de privatizar espazo público, sendo esta a orixe real das consecuencias que hoxe todos coñecemos.

Nós somos unha forza de esquerdas onde para nós é fundamental o tema de impostos para reinvestilos en servizos públicos. Polo que sempre que falamos deste tema tratamos de enfocalo na mellora dos servizos públicos e ningunha outra finalidade oculta. Para nós, sen embargo, non se trata de incrementar a presión fiscal sobre os cidadáns, senón que estamos convencidos que existen outras maneiras para acadar fondos para a tesorería do concello, como o pago do IBI e o do IAE por parte do Ministerio de Defensa. Nós estaríamos dispostos a investir diñeiro na elaboración dun proxecto integral de cidade, consensuados con todas as forzas políticas e as forzas sociais da cidade. O noso interese non é de facer ningún investimento sobre espazos que realmente non o necesiten. Aínda que hai espazos como o Cantón onde habería moito interese por parte do BNG para realizar investimentos, un espazo onde non se ten realizado ningún investimento nos últimos anos. Moita xente di que temos moita teima co asunto da muralla, mais o que os cidadáns de Ferrol teñen que pensar e como integrar o importantísimo patrimonio histórico-arquitectónico militar que existe detrás desa muralla e o impulso que recibiría o centro da cidade coa súa integración urbana.

O plan do BNG é retomar e mellorar as relacions con todos os clubes e sociedades deportivas da cidade, actualmente moi deterioridadas por culpas das políticas levadas a cabo polo concello. Queremos dotar a Ferrol con unha nova piscina municipal (non unha "pileta", senón unha piscina en toda a súa regla) para cubrir a demanda existente e acabar con estas longas listas de espera coas que nos atopamos agora.

Desde logo a política do BNG con respecto ao comercio é defender o pequeno e mediano comercio, o chamado comercio tradicional. Estamos en contra das grandes áreas comerciais porque levan consigo, aínda que aparentemente creen emprego, a desaparición de moitos postos de traballo en todos os eidos: no comercio menor, os pequenos proveedores, os pequenos fabricantes e, polo tanto, o que realmente fan é destruír toda esta rede de intercambio comercia para importar man de obra foránea. É, como resultado final, os ingresos que acadan non se invisten na propia comarca, senón noutros territorios. Concretamente, no Sánchez Aguilera, estuvo previsto reservar máis de 30.000 metros cuadrados para usos da Universidade de A Coruña, Campus de Ferrol, iniciativa levada a cabo polo BNG. No seu lugar, agora se pensa, polo actual goberno municipal, co apoio de EU, reservar 25 mil metros cuadrados para usos comerciais.

Si

Cando nós estabamos no goberno municipal existía un anteaproxecto que acompañaba a construcción dun parking subterráneo para darlle unha nova configuración á praza de España, distinta do deseño actual que vemos a día de hoxe. O anteproxecto non se converteu en proxecto polo cambio de goberno, a nova coalición PP - IF, en vez de utilizar o anteproxecto xa existente, decidiu cambiar a un novo proxecto. Alén diso, o novo proxecto que presentaron incluía un edificio de 25 metros de altura e 5.000 metros cuadrados de superficie.

Si, teño unha conta de facebook, e, desde hoxe mesmo, comecei a utilizar o twitter.

Por suposto, levar a cabo a rede de saneamento e dotar dos servizos necesarios para poder ser equiparabeis a calqueira barrio da zona urbana. Ademais, seguir loitando para rematar dunha vez por todas, a concentración parcelaria, que xa parece unha coña...

Eu estou dacordo na primeira parte, de que se renoven as listas cada 8 anos. Agora, estou totalmente en desacordo coa segunda parte da túa pregunta. Non creo que a existencia da corrupción estea directamente determinada polo número de anos que se actúe dentro dun organismo político. E, por suposto, creo na integridade da maioría da clase política na defensa das súas ideoloxías.

O primeiro, eu creo que non "ataco" a ninguén. Nós cremos ser a única alternativa real de "esquerdas" que existe a día de hoxe no panorama político da cidade de Ferrol, e os únicos que, definitivamente, actuamos con coherencia en todas as instancias, xa sexa en Ferrol, en Santiago ou Madrid.

Rotundamente si, sigo pensando que non foi correcta.

O meu partido respeta a vontade da cidadanía. A miña pregunta sería, cales son esas democracias máis consolidadas das que fai referencia?

Pois cando a cidadanía me de o apoio suficientemente para ter esa responsabilidade de poder decidir.

Os problemas máis graves de Ferrol son a falta de emprego, a falta de saneamento da ría, a relación institucional-fiscal do concello co Ministerio de Defensa e a falta de apoio ao comercio tradicional.

O BNG xa conseguiu no Parlamento español preto de 34 millóns de euros para a modernización da liña Ferrol-A Coruña. A día de hoxe non se ten investido nin un só euro dese diñeiro, xa orzamentados nos Presupostos Xerais do Estado, sen que o goberno local teña realizado nin unha soa actuación nin requerimento ao Ministerio de Fomento (a pesar da última visita do seu máximo responsábel) para realizar eses investimentos. Ese investimento podería reducir a duración do traxecto e deixalo en 35 ou 40 minutos, modernizando a actual vía, as máquinas e realizando un by-pass en Betanzos Infesta.

Desde logo que non na Praza de España nin Sartaña. Un bo lugar sería na nova zona do Bertón.

Gustoume a caza e son un gran defensor da natureza.

Agora, nas eleccións, parece que "todos coincidimos". Pero se me falas do que pasa cando non hai eleccións, o único partido político que ten defendido, defende e defenderá a construcción naval civil en Navantia e o levantamento do veto é o BNG, votando con coherencia no concello, no parlamento galego e no parlamento español.

Hai que facer ver ao PSOE que Ferrol ten que recuperar o seu carácter industrial, e iso leva aparellado a defensa dos sectores produtivos a través da recuperación da construcción naval civil, e o levantamento do veto.

Creo que xa respondín na anterior pregunta. Recuperar o carácter industrial da cidade, impulsando a construcción naval civil, derrogando o decreto do carbón, saneando a ría e recuperándoa como fonte de riqueza, dotando de infraestructuras ferroviarias á cidade e á comarca, axeitadas ás súas necesidades, e logo despois, seguir defendendo e apoiando ao pequeno comercio.

Nós levamos un programa de goberno; a nosa intención é gobernar; e se non acadamos suficientes votos para iso, a nosa principal preocupación será entón como levar a cabo a maior parte das nosas propostas de goberno coa configuración que se de na corporación municipal.

Por suposto.

Unha das nosas máis grandes preocupacións é dotar á zona rural das infraestructuras imprescindíbeis para o seu desenvolvemento económico e residencial, así como completar a rede de saneamento, as infraestructuras tecnolóxicas, así como dunhas conexións de transporte público coa calidade e frecuencias que a unidade de concello require.