Sen dúbida traballo, honestidade e seriedade. O BNG demostrou no anterior mandato a súa capacidade para Gobernar, Lugo avanzou de xeito notable co BNG no Goberno pero ese avance ralentizouse ou mesmo se detivo nestes catro anos de maioría absoluta. É bo para Lugo que o BNG sexa Goberno.

O Bloque Nacionalista Galego vai convertir en peonal o recinto histórico nos vindeiros catro anos e ao mesmo tempo elaboraremos un Plan Director de Tráfico que estude o impacto sobre a circulación rodada do peche da Ronda da Muralla. O actual Goberno tomou unha medida (a de peonalizar un tramo da ronda da Muralla, que se está a acometer neste momento) sen contrastar a eficacia nin as consecuencias desta decisión, sen ningún rigor. O sistema "científico" adoptado consiste en pechar a ronda a ver que pasa, típico sistema ensaio-erro.

Nós no BNG seguimos apostando decididamente que o auditorio se faga en San Fernando e defendemos o proxecto inicial. Non entendemos a modificación feita a posteriori polo Goberno municipal en contra do dictame do Colexio Oficial de Arquitectos, en contra do dictame da Dirección Xeral de Patrimonio e por se fora pouco, non avalado polo Consello Asesor da Unesco. Tedes máis información sobre este asunto na nosa páxina web www.xoseanxolaxe.com no enderezo http://xoseanxolaxe.com/index.php?option=com_con...

Van polo mesmo camiño, efectivamente. Teño escrito algo xa no meu blog sobre este asunto. Convídote a botarlle un vistazo. (http://www.xoseanxolaxe.org/bng/lugo/?p=25)

Pois mire vostede, eu son galegofalante, non son filoxudeu, non me gustan os touros e penso votar ao Bloque. En todo caso, podemos convivir perfectamente e eu respecto a súa opinión e pensamento. Sempre estará vostede a tempo de cambiar de opinión e votar ao Bloque.

En absoluto. Non o foi esta que está a piques de rematar e non o será unha nova maioría absoluta. Todas as grandes promesas electorais reflectidas no Programa de Goberno do PSOE de hai catro anos foron incumpridas (Plan Xeral de Ordenación Municipal, Auditorio, Nova Ponte, Cetal, aeroporto de Rozas, planta de compostaxe, saneamento da zona rural, Gran Praza da estación de autobuses, Polígono das Gándaras). Cando o BNG estivo no Goberno foi diferente o asunto: daquela houbo REALIDADES (saneamento da economía municipal, tres novos centros sociais e un centro de día municipal, unha nova política medioambiental que levou aos lugueses a desfrutar dos parques e xardíns que hoxe teñen, unha profunda reforma do transporte público e unha aposta cultural innovadora).

Primeiro que falen os cidadáns e no BNG aspiramos a GOBERNAR, non a cogobernar. Polo tanto, xa o dicía aquela canción do Xosé Afonso ("O povo é quen máis ordea"), e a partir de ahí, os partidos políticos deben actuar con sentido da responsabilidade e en defensa do interese xeral dos veciños. Evidentemente, o BNG está hoxe gobernando na Xunta de Galicia co PSOE (quizais co PP sería máis difícil), pero tamén é evidente que Orozco ten que mudar moitas cousas da súa política para que o BNG entre nun hipotético Goberno de coalición. Para facer o mesmo que se fixo estes catro anos no Concello de Lugo, que ninguén conte co BNG.

Si, e xa vai sendo hora. Catro anos para decidirse a rehabilitar unha pérgola paréceme excesivo tempo. Non é máis que a mostra da incapacidade de xestión do concelleiro delegado de Medio Ambiente, que non foi quen de poñer en marcha a planta de compostaxe, nin unha mellora da limpeza viaria na cidade, nin a Axenda 21 Local. Ao fío da túa pregunta, diría tamén que o Parque Rosalía, a zona verde máis emblemática de Lugo, está hoxe amenazada por un proxecto urbanístico que o Goberno municipal do PSOE aprobou en solitario. Nós temos tamén unha proposta para limitar os efectos desta construción sobre o Parque (http://xoseanxolaxe.com/index.php?option=com_con...)

Se o BNG tén responsabilidades de Goberno o que non imos permitir é que se destrúa o Parque Marcos Cela con este novo vial previsto. Esta é a proposta de Fomento (http://xoseanxolaxe.com/index.php?option=com_con...) e esta é a nosa proposta alternativa (http://xoseanxolaxe.com/index.php?option=com_con...)

O primeiro, a miña declaración de patrimonio. Que podes consultar porque a fixen pública co compromiso de que a volverei amosar ao final do vindeiro mandato. Podes consultala aquí (http://xoseanxolaxe.com/index.php?option=com_con...). En segundo lugar, un proxecto político diferente, pensado para os cidadáns e algo que considero moi importante e que nos diferencia doutras forzas políticas: PARA CUMPRIR

Evidentemente que non. Déuselle exclusivamente ocio (moitas veces equivocado e mal entendido) pero as cuestións fundamentais que preocupan á mocidade, como o emprego ou a vivenda, seguen sen atenderse. Ahí temos o retraso no Polígono Industrial das Gándaras, inherente á incapacidade de xestión deste Goberno municipal, que propicia que moitos mozos e mozas teñan que marchar da cidade a traballar fóra. En canto á vivenda, non foi capaz este Goberno de poñer nin unha soa vivenda (nin a primeira) a disposición do colectivo de mozos e mozas, o que ten un calificativo: DESOLADOR. Nós, por contra, si temos unha proposta e un compromiso firme cos mozos e mozas de Lugo para que poidan ter unha vivenda digna: adicar o 25% dos aproveitamentos urbanísticos que corresponden ao Concello en toda nova construción para crear unha bolsa municipal de vivenda en aluguer para mozos.

O BNG non concorda co Plan Xeral presentado polo Goberno de Orozco. No que respecta ás vivendas de Frigsa, non ten sentido abrir unha nova rúa atravesando unha zona que hoxe é privada (propiedade dos veciños das vivendas de Frigsa). Nós temos escoitado aos veciños (reunímonos con algúns dos que viven nesas vivendas) e, polo tanto, entendemos a súa situación e a alegación que presentaron. O BNG presentou tamén máis de 100 alegacións ao PXOM e se temos responsabilidades de Goberno modificaremos substancialmente o Plan Xeral. Bota un vistazo á nosa proposta:(http://xoseanxolaxe.com/index.php?option=com_con...)

Con total tranquilidade e eu diría que como na canción aquela: "La vida te da sorpresas, sorpresas te da la vida". Se alguén se cre as enquisas pode que se leve un bo susto o día 27. O BNG cre máis no esforzo, no traballo e no contacto diario coa xente. A verdadeira enquisa será o 27 de maio.

Non.

O saída do Goberno por parte do BNG propiciou un retroceso na participación cidadá. No Goberno de maioría absoluta de Orozco sobra prepotencia e falta transparencia, sobran promesas e vanidades e faltan realidades. Só se elexiron pedáneos democraticamente no Concello de Lugo cando o BNG Gobernou. Foi tamén o BNG quen aprobou o actual Regulamento Municipal de Participación Cidadá. Así que, nesta aspecto, polos seus feitos os coñecereces, como decía a Biblia.

Para cando Goberne o Bloque. Orozco non fixo ningún, nin creo que teña intención de facelo, porque ten neste momento unha fantástica oportunidade de facer un na Avenida de Madrid, que se vai desdobrar, pero o carril bici non está contemplado no proxecto.

Non é mala educación, é sentido do humor. Moitas gracias.

Confío na madurez dos veciños e veciñas de Lugo para que non se deixen seducir simplemente por bicos, abrazos e promesas e vexan que DE VERDADE presenta un programa dirixido a mellorar a calidade de vida dos lugueses. So de abrazos non se vive.

Non. A que infraestruturas se refire? Non coñecemos ningunha deste mandato. Supoño que se referirá vostede á nova ponte ou ás autovías a Santiago e a Ourense, todo por facer.

A primeira, a modificación substancial do Plan Xeral de Ordenación Municipal. Lugo non precisa un PXOM especulativo, agresivo e irreal, que deseña unha cidade de 350.000 habitantes que non os ten nin toda a provincia de Lugo xunta. A segunda, a posta a disposición inmediatamente dos terreos das Gándaras para que a Consellería de Vivenda e Solo poida comezar as obras do polígono Industrial das Gándaras. E a terceira, o incremento do 25% dos Orzamentos para Servizos Sociais (non para ocio, senón para atender as necesidades reais)

Home, algo aprenderiamos do anterior Goberno de coalición. Hai que recoñecer que posiblemente non souberamos vender o noso traballo. En todo caso, unha parte moi importante da cidadanía garda moi bo recordo do paso do BNG polo Goberno. Penso que unha boa parte nos bota de menos no Goberno. No BNG entendemos a política como diálogo, cooperación, participación e, sobre todo, compromiso.

Sinceramente, non. O PP representa o PASADO, Orozco o presente ESGOTADO e o BNG o FUTURO.

Non, pensamos que Orozco necesita dunha "tutela", que nós estamos dispostos a darlle, xustamente en beneficio da cidadanía. Non máis propaganda, non máis promesas incumpridas. FEITOS. O Bloque é o voto útil nestas eleccións e a única garantía de bo Goberno, de xestión, de eficacia, é o voto ao BNG.

Sí, nos últimos tres meses marcháronse do Polígono do Ceao por non dispoñer de un só metro cadrado de solo industrial onde medrar sete empresas, con 200 traballadores. Tes todos os datos neste enderezo: http://xoseanxolaxe.com/index.php?option=com_con...

Tentaría ser un bo alcalde, unha persoa xusta. Con toda a cidadanía. Os constructores deben respectar escrupulosamente a lexislación e asegúrolle que, de ser alcalde, así o farán. Ademais, quen planifica é o Concello, e debe facelo mirando polo conxunto da cidadanía. O urbanismo non ten por que ser unha arma de destrución masiva, pode ser un utensilio ao servizo dos cidadáns.

A miña afección ao deporte (fun xogador de fútbol máis de 30 anos) faime ter confianza nas miñas posibilidades. Os partidos duran 90 minutos, gañei uns e perdín outros no último minuto. Agardo que este o gañe non no último minuto senón por todo o traballo que estamos facendo, polo equipo que me acompaña e polo programa (http://xoseanxolaxe.com/images/stories/File/arqu...) que sen dúbida é o máis atrevido de cantos se presentan en Lugo. Co compromiso e a garantía de que o Bloque Nacionalista Galego o vai cumprir.