Candidato del BNG a la Alcaldía de A Coruña
Henrique Tello, candidato del BNG a la Alcaldía de A
Coruña, reivindicou un modelo de cidade diferente
"menos centrada en obras de 'consumo interno'
e máis centrada en incrementar a calidade de vidadas
persoas". Entre as súas prioridades para A Coruña,
Tello salientou o abaratamento do prezo da vivenda, a
solución do 'gravísimo' problema do tráfico, e a
aplicación dun Plano de Promoción económica para a cidade.
Respecto do polémico topónimo da Coruña, explicou que se
acada a Alcaldía restaurará a legalidade vixente. No tocante
a posibles pactos postelectorais, o candidato nacionalista
apuntou que o BNG decidirá despois das eleccións a solución
"que resulte máis positiva para o país".
boas tardes. Son Henrique Tello, candidato do BNG á Alcaldia da Coruña. Estou aquí para respostar ás cousas que consideres do voso interese e que eu poida respostar. Gracias.
erradicaremos a L ?
Restauraremos a legalidade vixente. A Coruña é sen "L", polo tanto trata-se xa -como mínimo, de restablecer a legalidade.
Cal é a súa aspiración nestas eleccións, firma obter 5 concelleiros?
De entrada non. Penso que o BNG fixo un traballo excelente durante estes anos e que "merecemos" máis. De aí que son moi optimista cos resultados do dia 25.
Boas. ¿Cal cree que debe ser a actitude da oposición política en Galicia se volve a perder ante o Partido Popular, autocrítica ou seguir na misma liña de sempre?. Gracias e sorte.
Penso que non imos perder. Asi e todo a autocrítica sempre é boa se serve para avanzar.
Que plans ten vostede para o conxunto arqueolóxico do Castro de Elviña?
Non pode ser unha cousa "morta", nen tampouco un centro de actividade meramente turístico. Faria unha recuperación gardando a historia do que foi ese Castro, pero fundamentalmente debería ser un centro de actividade e de participación cultural tanto para artistas como para a sociedade en xeral.
¿Qué puede usted ofrecer a nuestra ciudad? Realmente se creen usted y sus compañeros que existe posibilidad de desbancar a Paco Vázquez?
Ofreceremos un modelo de cidade diferente. Menos centrada en obras de "consumo interno" e máis centrada en incrtemenar a calidade de vida e as posibilidades economicas e sociais das persoas. Por exemplo, sen vivenda e traballo, é moi difícil disfrutar de casi nada. Sobre o segundo, toda posibilidade pode se converter en real. Nós vimos traballando paso a paso nelo, e penso que seremos recompensados nesta ocasión.
Cal é a sua proposta patrimonial para o Castro de Elviña, ou ben vai a seguer a ser unha toza de lixo como o é hoxe?
Veño de respostar esta curestión. O fundamental é criar un centro de vida e actividade cultural, no que a xente poida participar en lugar de ser mera espectadora.
Por que a xente vota a Vázquez? Acaso non analizan o que di?
Entendo que calquer Alcalde sempre sae con vantaxe nas eleccións, máxime se temos en conta que o BNG estivo 12 anos fora da Corporación. Penso que a xente á hora de votar non reflexiona ás veces sobre a importáncia e consecuéncia do seu voto. As veces ocorre que a xentre "despotrica" contra quen goberna, pero da-lle o seu voto igual. Eu só pido ás persoas que antes de tomar unha decisión, reflexionen uns segundos sobre o que queren e o que teñen. Se isto fose asi, tal vez os resultados serian diferentes.
Lleva bastantes años como candidato de su partido y sabe que nunca ganará a Vázquez ¿Cuál es su techo?
O que vosté afirma é unha opinión. Eu, evidentemente, teño outra bastante distinta.
¿Qué solución propone a la movida nocturna en la Plaza del Humor que no deja descansar a los vecinos?
Penso que se deberian facer duas cousas, como mínimo. A primeira e facer cumplir estrictamente a ordenanza en matéria de ruidos.A segunda, realizar unha campaña de concienciación séria entre os mozos e mozas desta cidade para que se respeten os horários e ás persoas que viven nesa zona. Paralelamente entendo que o goberno municipal deberia incrementar a función da policia local como policia de proximidade, en lugar de te-la "maltratada" como axentes da recaudación poñendo multas.
Cales son as suas prioridades?
Abaratar o prezo da vivenda, feito que en vinte anos, o goberno municipal non foi quen de conquerir. En segundo lugar, solucionar o gravísimo problema de tráfico que temos na cidade, mediante unha política de impulso do transporte público e abaratamento do mesmo. (Pense que perdimos 14 millóns de viaxeiros nos últimos 15 anos) En terceiro lugar, aplicar un Plano de Promoción económica da Coruña, dado o declive industrial, do Porto, e da economia coruñesa durante os últimos anos.Debemos aproveitar o potencial extraordinária da nosa Universidade e do ámbito das novas tecnoloxias como factores decisivos para o progreso económico da Coruña.
A Coruña debe ser una ciudad de servicios o debe retomar el camino industrial?
Debe retomar o camiño industrial. Pero cando falamos hoxe de industrial non falamos das indústrias do XIX, senón de actividades relacionadas fundamentalmente coa Investigación e o Desenvolvemento Tecnolóxico.
¿Non estiveron sós facendo oposición na Coruña? ¿Cre que o PP menosprecia a cidade cun candidato como Corcova?
Penso que si fomos a única forza política que durante os últimos catro anos fixo oposición política ao goberno municipal. A segunda pregunta deberia facer-lla vosté ao PP.
Usted es forofo del Dépor, ¿cree que la ciudad necesita otro estadio?
Realmente non o sei. Esa unha decisión que deberá tomar a próxima corporación municipal con moitisima reflexión, porque se trata de terreos públicos e tamén do equipo máis representativo da cidade.
¿que opina del voto por internet? ¿porqué no respeta a la mayoría que nos gusta más "La" Coruña?
Se existen todas as garantias democráticas, parece-me moi ben. Penso que son unha persoa que sempre respetou escrupulosamente o que neste asunto opinan os demais. Pero a nivel oficial (legal neste caso)a Lei é inequívoca. Isto significa que unha cousa é o uso particular e outro o legal. Eu son partidário de que a xente utilice legalmente e familiarmente, e sempre, o topónimo correcto e válido. O resto, non é o topónimo oficial da cidade da Coruña.
abaratarán el acceso a la vivivenda?
Si, mdiante a criación dunha Empresa Municipal da Vivenda que promoveria vivendas de promoción pública fundamentalmente para aluguer. Paralelamente abriria-se a Oficina Municipal de Reabilitación para reabilitar as vivendas do casco histórico e contruír un património municipal de vivendas para aluguer. Penso que é a mellor opción para os propietários, inquilinos actuais e potenciais inquilinos. Noutro caso estamos abocados á ruina de moitos edifícios da cidade e á destrucción do seu património.
¿Por qué o governo local abandonou a cidade vella? A está deixando morrer pouco a pouco
Porque non se quixo asinar un Convénio para a súa reabilitación, nen se quixo investir na súa recuperación. Temo-me que a Cidade Vella está destinada progresivamente a operacións especulativas para vivendas de luxo no centro da cidade. É unha mágoa que se desnaturalice esta zona emblemática da Coruña, expulsando aos antigos inquilinos en benefício das clases sociais economicamente máis poderosas.
¿A Coruña é crave para o control da deputación, ¿pactarán co PSOE? ¿E con Vázquez?
O BNG decidirá despois das elecións os Pactos Locais e das Deputacións. A miña opinión particular é que non deberia gobernar o PP nas Deputación, se iso dependese do BNG. ¿Pactar con Vázquez? Iso hai que preguntar-llo a él. O BNG cando fala de Pactos pensa no máis positivo para Galiza, por enriba das persoas. As persoas pasamos moi axiña, pero as nosas decisións poden permanecer durante séculos. É dicir, penso que fariamos o que resulte máis positivo para o Pais. Eu, claramente entendo que -se podemos- a Deputación non deberia quedar nas mans do PP. E penso que asi vai ser.
¿qué opina del tranvía?
Non é unha obra prioritária. É un despilfarro económico porque non cobre nengún servizo público. É unha actuación ilegal, porque no seu último tramo incumple a normativa vixente en matéria urbanística.Impide outras actuacións absolutamente necesárias. Mire os dados: Máis de 3500 millóns gastados; 700 millóns de deficit acumulado e 80 millóns de deficit anual (en pesetas das de antes)
Boas tardes Sr. Tello. ¿Cómo ve o futuro das empresas adicadas a novas tecnoloxías?. ¿Qué politicas seguiría o respecto de creación de novas empresas por xóvenes emprendedores?
Lamentabelmente hai moi poucas empresas destas características. O ideal é colaborar coa Universidade para criar na Coruña (nós o fariamos como opción absilutamente prioritária) un Centro de Investigación Tecnolóxica para investigación e desenvolvemento relacionados con proxectos empresariais. Para xoves emprendedores/as, é imprescindíbel solucionar os seus problemas iniciais: local, material e avalar os cretos. Para iso:Criariamos un espazo de uso múltiple para empresas en réxime de aluguer. Dotariamos por "leasing" o material imprescindíbel e teriamos unha parte do orzamento (3 millóns de euros) como capital risco para avalar proxectos empresariais. Penso que o resultado sería excelente.
si fora posible, pactaria co PP para botar a Vázquez ??
Esta é unha decisión que corresponde ao BNG despois das eleccións, tal e como acordamos no Consello Nacional no seu dia, para todos os casos. Nós apresentámo-nos para gañar as eleccións e para tér os mellores resultados posibeis.
¿qUE OPINA DE LAS OBRAS QUE SE ESTÁN REALIZANDO EN LA EXPLANADA DE SALVADOR DE MADARIAGA?CREE NECESARIO ESE PARKING,DEJÁNDONOS A VECINOS Y COMERCIANTES SIN PLAZAS GRATUITAS?
Nunca entendin a teima do goberno local por facer esta obra. Penso que non resolve un problema de aparcamento e que carece de utilidade pública. Penso que unha vez estamos diante dun desacerto e dun "negócio" sen utilidade pública.
¿Cree que el gobierno local se equivoca al tratar de erradicar la movida coruñesa? Los horarios de cierre son abusivos. A partir de las cinco no hay donde tomar una copa
Penso que neste momento non está "erradicada" en absoluto. Coido que este tema se deberia regulamentar seriamente de acordo co sector hosteleiro e de acordo coas normas de convivéncia.
Si me asegura que quitaría los yates pijos de la dársena le doy mi voto
Non estou en condicións de "asegurá-lo" porque non depende só do Concello. O que si lle aseguro é que connosco o Porto seria fundamentalmente Porto de todas e todos os coruñeses e a súa actividade seria fundamentalmente portuária. En todo caso, todas as actuacións arredor do Porto serían para uso e disfrute de todas as persoas e nunca de uns poucos. O malo do actual goberno é que foí directamente culpábel da transformación do Porto da Coruña e do seu declive, por permitir un Plano urbanístico que desnaturaliza completamente o sentido do Porto da Coruña.
el deficit de guarderias publicas en A Coruña es clamoroso. ¿Que dice su programa al respecto?
Como mínimo, construiriamos nestes catro anos duas Escolas Infantís con capacidade para 200 rapaces e contribuiriamos a adaptar os actuais Centros Públicos para Escolas Infantis de 0 a 3 anos. Asi haberia garderias en todos os barrios da cidade. É lamentábel que a Xunta de Galiza tamén teña tan abandonado este asunto e que o Goberno municipal non sexa máis exixente.
Por que non recolle votos nas Conchiñas no Ventorrillo, zonas olvidadas polo Concello? Que facer con barrios coma estes?
Resulta óbvio que "recollo" votos nas Conchiñas e no Ventorrillo, e nestas eleccións penso que recollerei bastantes máis. Coincido plenamente en que son barrios "abandonados" polo goberno local. ¿Que facer? Só vou citar algunhas actuacións: Reparar e construír unha nova rede de alcantarillado; Construír unha escola infantil; ampliar as zonas verdes, fundamentalmente no Agra; Un plano de actuación directo para mellorar o tráfico; Remodelar o Mercado das Conchiñas; Solucionar os problemas de convivéncia e integración social das familias e persoas marxinadas; etc.
Pensa que son boas as privatizacións de servicios públicos?, Municipalizaría os servic
Moitas delas si. Outras poden perfectamente ter o réxime de concesión administrativa. Por exemplo, a recollida de lixo pode ser unha Concesión;Penso que neste caso se debe mirar non só a eficiéncia, senón a capacidade de planificar. Os servizos non se poden avaliar exclusivamente pola súa rendabilidade económica, senón pola sua función política e social. O pior problema das Concesións administrativas é a falla de control sobre o funcionamento das mesas que encarece moito o prezo final da concesión.
Boas tardes. ¿Qué tipo de actuacións ten pensado o seu partido con respecto as vivendas sociais?¿Pensan vender os inquilinos as casa do grupo "Nuestra Sra del Carmen", como se ven reclamando dende hai moito tempo?
Criar un Parque de vivendas de promoción pública a través da criación da empresa municipal da vivenda. Actuar en todos os novos polígonos con esta iniciativa aproveitando o solo público, en lugar de vendé-lo a promotores privados. Falaria-se cos veciños inquilinos das vivendas do Carme, e veriamos cal é realmente a mellor solución tanto para eles como para o património municipal. Pero en nengún caso, nengún dos actuais veciños nen os seus descendentes directos, terían que abandonar estas vivendas.
que opina da prometida obra do porto exterior?verémola algun dia?
Lamentabelmente é moi difícil que esta obra se realice, penso que actualmente non pasou da fase de "demagóxia" á que nos teñen tan acostumados o goberno central, a Xunta e o Alcalde. Eu son partidário da súa construcción porque suporía unha importante fonte de riqueza presente e futura para a cidade da Coruña.
deixará que o parrote se convirta nunha zona de residencia VIP ou se vostedes gobernan seguirá mantendo o seu caracter tradicional
Trataria por todos os medios que os veciños da Cidade Vella e do Parrote poidesen permanecer nas súas vivendas, axudando decididamente á sua reabilitación. Pero moitas casas xa foron mercadas por "novos veciños" que son propietários VIP desta zona (como vosté aponta). En todo caso, hai que conservar e realzar o máis posíbel o que queda da Cidade Vella e do Parrote.
¿como éeso do orzamento participativo?
Que unha parte do orzamento do orzamento municipal -como mínimo- sexa distribuida en función das prioridades dos veciños e veciñas da Coruña, a través de asembleas participativas nos barrios e dos diferentes sectores da cidade. Por exemplo, se imos investir 1 millóns de euros no Agra do Orzán, decidan os veciños cais son as necesidades prioritárias que este barrio ten e non o deixemos ao capricho e discrecionalidade de quen manda, porque seguramente que se "monta" un Millenium ou algo semellante. En fin, isto evitaria que se despilfarre o orzamento municipal en actuacións tan carentes de valor e interese como se está a facer en moitas ocasións.O Concello da Coruña ten de orzamento nada menos que 159 millóns de euros, e iso poderia dar para moito máis do que se está a facer.
Boas tardes e moitas grácias pola atención prestada durante esta hora, que resultou unha experiéncia completamente nova para mín e extraordinariamente interesante.