Xa dixen antes da campaña e durante a mesma que eu presentaba unha proposta de goberno aberta e plural e completa e con esa proposta estaría na primeira volta a na segunda e así será. Non teremos pactos con ninguén pero si esperamos contar con todos.

Eu como profesor da Universidade sufro o incremento da burocracia coma todos e traballarei a reo para simplificar os procedementos e reducir o traballo que non sexa necesario para desempeñar as nosas tarefas de docencia, investigación e xestión, segundo o caso.

Entendo que te refires ao master de Secundaria. Temos que correxir o problema causado pola división simple de prazas por itinerarios para comezar, de xeito que se ofrezan prazas en base á demanda e non de forma xenérica igual para todos. Teremos tamén que pensar como mellorar a oferta actual.

Quero traballar para pasar dunha universidade boa a unha universidade mellor contando con todos, recoñecendo a labor docente, apoiando a investigación de todos os profesores e recuperando a transmisión de cultura á sociedade.

O cumprimento do compromiso horario é obrigatorio para todos. Se queremos acadar a excelencia deberemos traballar co máximo de esixencia en todos os ámbitos.

Eu represento o cambio na Universidade. Durante os últimos 4 anos fun a única voz alternativa e crítica nos órganos de Goberno da nosa Universidade.

Tal e como indiquei na anterior pregunta o meu proxecto é de cambio. É un proxecto baseado nun candidato con moita ilusión de facer as cousas de distinto xeito, un programa realista, traballado contando con moita xente e un equipo completo que inclúe oito vicereitorías, secretaría xeral e xerencia, formado por persoas de todas as sensibilidades, mulleres e homes, de todas as grandes áreas de coñecemento, con experiencia e moi capaces. Plural e aberto que conta con todos.

Penso que os sete candidatos actuamos como universitarios, con moita correción, como non podería ser doutro xeito. Ter recibido o maior número de votos e convertirme na primeira opción da Universidade foi froito do traballo presentado e da súa aceptación pola comunidade universitaria.

O incremento dos últimos anos no número de alumnos que acceden á titulación de Medicina fai completamente imposible que a docencia clínica práctica poda levarse a cabo íntegramente no CHUS, polo que resulta necesario a colaboración cos demais hospitais do Sergas.

Nas últimas semanas tivemos coñecemento dos datos relativos á débeda bancaria e ós préstamos blandos (anticipos reintegrables) que foron medrando á débeda da nosa Universidade nos últimos anos. Para respostar completamente á túa pregunta remítome á acción concreta do meu programa na que comprometémonos a trasladar á comunidade universitaria a imaxe fiel do estado financieiro da USC.

A facultade de Medicina recibe os mellores alumnos da comunidade autónoma e incluso de fora da mesma. E temos a obriga de garantir a máxima calidade posible. A masificación froito das demandas da Xunta de Galicia hai tres anos para incrementar os alumnos matriculados e mesmo a petición do Parlamento galego de hai uns meses entendemos que está a crear un problema ao que teremos que facer fronte estes próximos anos.

Hai 20 anos cando decidiuse segregar a Universidade de Santiago en tres parecía que era o único xeito de mellorar a xestión e a oferta universitaria. Quizais faltou colaboración e amplitude de miras nalgúns momentos e sobraron protagonismos persoais e localismos. Pensando no presente e no futuro é imprescindible moita máis colaboración e sentido común para acadar un sistema universitario galego moito máis eficiente.

A promoción persoal dentro da carreira profesional na Universidade non supón incremento de prazas senón o lóxico recoñecemento do traballo ben feito. Ata o momento non supuxo incremento dos orzamentos porque se compensou con creces coa transformación doutras prazas de profesorado e entendo que en boa medida así seguirá a ser.

Tal e como recollo no noso programa son os Ramón y Cajal e Parga Pondal figuras do máximo interese para a mellora da calidade investigadora da nosa Universidade, un dos accesos á carreira universitaria e eu seguirei cas medidas de consolidación establecidas ata o momento e mesmo ampliándoas a outras figuras.

Eu son universitario que é do que se trata nestes momentos. Independente, non pertencín nin pertenzo a ningún partido político. Sempre colaborei con quen mo pediu, sen pensar na súa ideoloxía.

Non, naturalmente que non. Nos últimos tempos reduciuse o número de alumnos nalgunhas titulacións da E.P.S. e teremos que traballar para que todas as titulacións resulten de interese para a sociedade que é a quen nos debemos como servizo público.

Xa expliquei cal é miña posición persoal nunha pregunta anterior. A miña actitude na Consellería de Medio Ambiente levoume a colaborar en moitas ocasións con persoas de todo o espectro político e as evidencias están aí para quen quera velas.

A Universidade como servizo público debe buscar o beneficio social. Todo aquelo que o mellore ten cabida. Todo aquelo que supoña única e exclusivamente beneficio económico e mesmo competencia desleal co sector privado non ten sitio na miña concepción de Universidade pública.

Hai 4 anos fun o máis votado dos dous candidatos entre os alumnos, agora o voto estivo moito máis repartido entre os 7 candidatos e debo destacar o voto do alumnado da ETSE onde tiven con diferencia o maior número de votos e a maior proporción de alumnos votantes con respecto a todas as outras candidaturas. Unha posible razón é a elección nalgunhas facultades das persoas que me acompañan no equpo.

O meu compromiso cas Ciencias Sociais e as Humanidades queda explícito no equipo reitoral. Traballaremos para que ninguén se sinta excluído e a Universidade valore como se merece o esforzo que os centros de Ciencias Sociais están a facer cando reciben case que a metade do alumnado da nosa Universidade.

O profesor Lourenzo Fernández Prieto foi vicereitor co profesor Senén Barro.

Temos que garantir competencias e incorporar habilidades para que a nosa oferta de titulados se axuste á demanda do mercado laboral. Penso que xa hoxe en día os titulados da Universidade de Santiago atopan con relativa facilidade emprego mesmo na difícil situación económica actual.

A LOU adoleceu na súa redacción do problema de falta de diálogo que eu estou a pedir sempre, polo tanto non me sorprendeu a resposta da Universidade ao respecto.

Somos unha candidatura independente, plural e aberta que quere contar con todos os membros da comunidade universitaria na búsqueda da excelencia. E eu non comprendo un alumno sen profesor nin unha Universidade sen alumnos.