Tés toda a razón e temos un empeño especial en mellorar a accesibilidade na área metropolitana, sobre todo o transporte colectivo. Desde que formamos goberno no ano ano 2007, integrámonos no Plan de Transporte Metropolitano e contribuimos a abaratar o custe do billete. Sada está a contribuir anualmente con 20.000 € precisamente para que che sae o billete máis barato. E ademáis temos o SADABUS, unha liña que vertebra as parroquias e que ademáis permite trasbordos co resto das liñas metropolitanas. Sei que queda moito por facer, pero demos pasos importantes. O metro lixeiro, imaxínaste que tiveramos hoxe a liña do SIBONEY?. Ás veces o progreso enténdese mal...

É un dos meus empeños. O porto deportivo de Sada non terá solución sen que haxa local para o remo e a vela.

Estas son as consecuencias da política do "ti vai facendo". Lamento que te perxudicara esta maneira de entender o urbanismo como perxudicou a outra moita xente en Sada. Pola nosa parte faremos o posible para que estas irregularidades che afecten o menos posible.

Non estou dacordo coa primeira parte da pregunta. En todo caso hoxe é a única lista coñecida, os demáis estiveron ocupados en conspirar e parece que non lles deu tempo a facer este traballo polo momento. ¿Que se me vexo gobernando en Sada? Pois evidentemente, para iso me presento. Coincido con vostede en que hai varias listas para o espazo sociopolítico que representa o Partido Popular.

A cidadanía no 2003 e 2007 quixo que Rodríguez Ares non gobernara. Hoxe represento a lista máis votada pero o 22 de maio falan os cidadáns.

Neste momento xa hai máis bibliotecas que a da Casa da Cultura. Nas casas do pobo das parroquias hai pequenas bibliotecas e acceso a internet. Creo que o que si é moi necesario é facer unha sala de lectura para as rapazas e rapaces que, por exemplo, están a preparar oposicións e en xeral para todos aqueles que queren estudar. Estamos a buscar un local axeitado que neste momento non dispón o Concello, senón teríamolo feito.

Non é certo que se renove toda a lista e nin sequera a palabra renovación é a adecuada. No BNG entendemos a política como un traballo en equipo e unha carreira de relevos. Os que non están hoxe poden estar dentro de catro anos da mesma maneira que existe neste momento unha concelleira do grupo de goberno que xa formou parte do grupo municipal a finais dos anos oitenta. A metade dos concelleiros actuais do BNG formamos parte dos primeiros postos, e incluimos xente moza que aporta a frescura necesaria para continuar.

Nada máis lonxe do meu desexo que querer facer o que vostede afirma. Se ten fillos poderá comprobar o cambio nos parques infantís, a súa mellora, e a construcción de novos parques, que duplicamos a oferta de prazas escolares de 0-3 anos, a mellora na conservación das instalacións educativas, das intalacións deportivas. No campo de futbol municipal das Mariñas xogaban dous equipos cada quince días antes do 2007. Hoxe xogan 300 deportistas diariamente. Se o seu fillo practicaba patinaxe, agora ten unha pista para desfrutar. E se vostede ten que traballar cedo, pode deixar aos seus fillos nos centros públicos tras por en marcha "almorzos saudabeis" e tamén colaboramos coas Anpas na axuda a sufragar os gastos do comedor escolar. Isto só por citar aspectos relacionados coa infancia. A maiores hai un novo centro de día, unha sala de exposicións na capela de San Roque, un edificio para activiadades de maiores na antiga cámara agraria de Riobao... e sobre todo quitamos a Sada das páxinas de sucesos e escándalos que a todos e todas nos producían bochorno.

Con este goberno actual As Brañas están protexidas da especulación e do ladrillo. No Plan Xeral contémplase como un espazo a protexer, sen posibilidades de recalificación para usos urbanísticos, pero si para paseos e disfrute dos veciños e veciñas. Non está previsto ningún vial nesa zona de protección.

As comparacións son odiosas.

O pleno da corporación acaba de aprobar unha proposta do goberno para poñer nome a todas e cada unha das rúas de Fontán que, por certo, non tiñan. Respétase a toponimia e os nomes que a xente lle daba a esas rúas e introdúcese o nome dalgún sadense ilustre como é o caso de Antonio Sanjurjo Badía.

É público e notorio que o pacto BNG-PSOE en Sada funciona sen a máis mínima estridencia. Evidentemente, o BNG preséntase ás eleccións para gañar e obter a maioría suficiente para gobernar en solitario.

Vexo que quen pasea pouco é vostede senón veríamo prácticamente todos os días no paseo marítimo ou polo Castro, onde vivo. Eu nunca calificarei de "populacho" á cidadanía de Sada e lamento que vostede o faga con respecto aos seus conveciños.

O pazo de Meirás non é, nin moito menos, a estrela deste mandato. Si é certo que mediáticamente é o que ten máis relevancia porque nunca ningún goberno se atreveu a utilizar a lei para obligar a apertura do pazo e foi o BNG no goberno da Xunta e no goberno de Sada quen o conseguiu. Pero fixemos moitas outras cousas polos sadenses como antes comentei.

A oposición é unha sopa de letras e unha suma de personalismos que nun momento de crise como este evidentemente non convén a Sada. Estou seguro de que os sadenses non buscarán ahí ningunha renovación, o que hai detrás de todo iso é involución e volver ás andadas.

Os hosteleiros teñen servizo de recollida de aceites e o conxunto dos sadenses temos un sistema de recollida de lixo moito mellor que o que había antes do 2007. É incontestable que Sada mellorou sustancialmente en limpeza viaria, en recollida de residuos, no coidado e mantemento dos xardíns e que neste momento temos servizos de cidade, con baldeo de rúas incluido. Nas parroquias por primeira vez poden disfrutar destes servizos. Todo é mellorable pero a situación actual nada ten que ver coa herdada.

Acabamos de reformar a web municipal e temos asinado un convenio coa Deputación para introducir paulatinamente a administración electrónica. Neste momento, o rexistro de entrada do Concello xa está informatizado, así como o servizo de mantemento eléctrico. Temos moito que avanzar neste camiño.

Son consciente de que en casos puntuais existen queixas. Procuramos solucionar estas eivas e o vindeiro mandato ten que ser o mandato da modernización xa iniciada nesta administración.

Con carácter inmediato, a renumeración de todo o barrio e a colocación de placas nas rúas, a preparación da praira de Morazón para o verán e a adecuación do frente das casas dos mariñeiros cunha isleta para transporte colectivo de viaxeiros. Acabamos de adecentar o lavadoiro deste barrio.

Abre este venres. De todas formas, podes ir ver cómo quedou despois de invertirmos 600.000 euros en mellorala.

Claro que pasei, por iso se está arranxando. Moita xente descoñecía que alí había un lavadoiro porque estaba cuberto con maleza. Unha vez descuberto, houbo que facer a valoración e estamos nelo. Na recuperación de fontes e lavadoiros, o Concello de Sada invertiu neste ano cen mil euros, porque levaban moitos anos abandonados.

Descoñezo ese proxecto. O que si temos é un circuito urbano do SADABUS que permitirá acceder ao centro de saúde e ao cemiterio de Fiunchedo.

Si, claro. Temos que contribuir a darlle máis vida ás casas do pobo das parroquias.

No ano 2007 atopámonos con facturas no caixón por valor de cerca de 600.000 euros. Pagámolas todas e neste momento temos as contas máis saneadas de toda a área metropolitana, como se pode comprobar vendo a liquidación do último orzamento de 2010.